மாவட்ட செய்திகள்

விருதுநகர் அருகே ஆரம்ப சுகாதார நிலையத்தில் தண்ணீர் என நினைத்து ‘ஆசிட்’ குடித்த சிறுமி + "||" + At the primary health center Thinking of water little girl drink 'Acid'

விருதுநகர் அருகே ஆரம்ப சுகாதார நிலையத்தில் தண்ணீர் என நினைத்து ‘ஆசிட்’ குடித்த சிறுமி

விருதுநகர் அருகே ஆரம்ப சுகாதார நிலையத்தில் தண்ணீர் என நினைத்து ‘ஆசிட்’ குடித்த சிறுமி
விருதுநகர் அருகே கர்ப்பிணி தாயுடன் ஆரம்ப சுகாதார நிலையத்துக்கு சென்ற 4 வயது சிறுமி தண்ணீர் என நினைத்து ஆசிட் குடித்ததால் அரசு ஆஸ்பத்திரியில் தீவிர சிகிச்சை அளிக்கப்பட்டு வருகிறது.

விருதுநகர்,

விருதுநகர் அருகே உள்ள சந்திரிகிரிபுரத்தைச் சேர்ந்தவர் தங்கப்பாண்டியன். இவரது மனைவி சுகந்தி. இவர்களது 4 வயது மகள் கிருஷ்மா. தற்போது கர்ப்பிணியாக உள்ள சுகந்தி மருத்துவ பரிசோதனைக்காக கன்னிசேரி அரசு ஆரம்ப சுகாதார நிலையத்துக்குச் சென்றார். தன்னுடன் மகள் கிருஷ்மாவையும் அழைத்துச் சென்றார்.

அங்கு மருத்துவ பரிசோதனை முடிந்த உடன் அனைவருக்கும் உணவு வழங்கப்பட்டது. அப்போது சிறுமி கிருஷ்மா அருகில் இருந்த பாட்டிலை எடுத்து தண்ணீர் இருப்பதாக நினைத்து குடித்தாள். ஆனால் குடித்த உடன் அவளுக்கு பாதிப்பு ஏற்பட்டு வாந்தி எடுத்தாள். அதன் பின்னர்தான் அவள் குடித்தது ஆசிட் என தெரிய வந்தது.

உடன் அரசு ஆரம்ப சுகாதார நிலைய டாக்டர்கள் அவளுக்கு சிகிச்சை அளித்து 108 ஆம்புலன்ஸ் மூலம் விருதுநகர் அரசு ஆஸ்பத்திரிக்கு அனுப்பி வைத்தனர்.

அங்கு சிறுமிக்கு தீவிர சிகிச்சை அளிக்கப்பட்டு வருகிறது. ஆசிட் குடித்ததால் சிறுமி கிருஷ்மாவுக்கு தொண்டையிலும், உணவுக்குழாயிலும் பாதிப்பு ஏற்பட்டுள்ளதாக டாக்டர்கள் தெரிவித்தனர். இது குறித்து அரசு ஆரம்ப சுகாதார நிலைய டாக்டர் பிரேமாவிடம் கேட்டபோது, “ஆரம்ப சுகாதார நிலையத்தில் ஆசிட் இருக்க வாய்ப்பு இல்லை. வெளியில் இருந்து சிறுமி கிருஷ்மா தண்ணீர் இருப்பதாக நினைத்து ஆசிட் பாட்டிலை எடுத்து வந்திருக்கலாம். அல்லது வேறு யாராவது ஆசிட் பாட்டிலை அங்கு வைத்திருந்திருக்கலாம்.” என்றார்.

இது பற்றி சுகாதார துறை துணை இயக்குனர் டாக்டர் பழனிசாமி கூறுகையில், “ஆரம்ப சுகாதார நிலையத்தில் ஆசிட் இருப்பதற்கு வாய்ப்பு இல்லை. விசாரணையில் அந்த பாட்டிலில் இருந்தது பெயிண்ட்டுடன் கலக்கும் தின்னர் திரவம் என தெரிய வந்தது. அதை யார் அங்கு வைத்துச் சென்றார் என்று தெரிய வில்லை. எனினும் சிறுமி கிருஷ்மாவுக்கு அரசு ஆஸ்பத்திரியில் சிகிச்சை அளிக்கப்பட்டு வரும் நிலையில், ஆரம்ப சுகாதார நிலையத்தில் அந்த தின்னர் பாட்டிலை வைத்துக் சென்றது யார் என்பது பற்றி விசாரித்து வருகிறோம்.” என்றார்.


தொடர்புடைய செய்திகள்

1. சாலையில் தேங்கும் அரசு ஆஸ்பத்திரி கழிவுநீர் நகரசபை நிர்வாகம் நடவடிக்கை எடுக்க கோரிக்கை
விருதுநகர் அரசு ஆஸ்பத்திரியில் இருந்து வெளியேற்றப்படும் கழிவுநீர் மற்றும் பொருட்கள் சாலையில் தேங்கி நிற்கும் நிலை உள்ளதால் அதனை அகற்ற நகராட்சி நிர்வாகம் உரிய நடவடிக்கை எடுக்க வேண்டும் என கோரிக்கை விடுக்கப்பட்டு உள்ளது.
2. பரிசோதிக்காத ரத்தம் செலுத்தியதால் பாதிக்கப்பட்ட சாத்தூர் பெண்ணுக்கு பிறந்த குழந்தைக்கு எச்.ஐ.வி. பரிசோதனை மதுரை அரசு ஆஸ்பத்திரி டீன் விளக்கம்
பரிசோதிக்கப்படாத ரத்தம் செலுத்தியதால் எச்.ஐ.வி. தொற்றுக்கு ஆளான சாத்தூர் பெண்ணுக்கு பிறந்த குழந்தைக்கு முதல் முறையாக நேற்று மதுரை அரசு ஆஸ்பத்திரியில் எச்.ஐ.வி. பரிசோதனை நடந்தது. அதன் முடிவு வெளியாவது குறித்து மதுரை அரசு ஆஸ்பத்திரி டீன் விளக்கம் அளித்தார்.
3. அரசு ஆஸ்பத்திரியில் மகப்பேறு முதுகலை பட்டப்படிப்பு மத்திய குழு உறுப்பினர் ஆய்வு
ராமநாதபுரம் அரசு ஆஸ்பத்திரியில் மகப்பேறு முதுகலை பட்டப்படிப்பு தொடங்குவது தொடர்பாக மத்திய குழு உறுப்பினர் நேரில் ஆய்வு மேற்கொண்டார்.
4. திருமங்கலம் அரசு ஆஸ்பத்திரியில் யோகா, இயற்கை வாழ்வியல் முறை மருத்துவ பிரிவு அமைச்சர் ஆர்.பி.உதயகுமார் தொடங்கிவைத்தார்
யோகா மற்றும் இயற்கை வாழ்வியல் முறை மருத்துவ பிரிவு தொடக்க விழா திருமங்கலம் அரசு ஆஸ்பத்திரியில் நடைபெற்றது.
5. விருதுநகர் அரசு ஆஸ்பத்திரியில் எலும்பு, கண்நோய் சிகிச்சை பிரிவிற்கு டாக்டர்கள் நியமிக்க கோரிக்கை
விருதுநகரில் உள்ள மாவட்ட தலைமை அரசு ஆஸ்பத்திரியில் எலும்பு மற்றும் கண்நோய் சிகிச்சை பிரிவில் டாக்டர்களை நியமிக்க தமிழக அரசு நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.