மாவட்ட செய்திகள்

8 அம்ச கோரிக்கைகளை வலியுறுத்தி ஓய்வூதியர் சங்கத்தினர் தர்ணா நாகையில் நடந்தது + "||" + The pensioners' union was in the dharna nagging demanding 8-point demands

8 அம்ச கோரிக்கைகளை வலியுறுத்தி ஓய்வூதியர் சங்கத்தினர் தர்ணா நாகையில் நடந்தது

8 அம்ச கோரிக்கைகளை வலியுறுத்தி ஓய்வூதியர் சங்கத்தினர் தர்ணா நாகையில் நடந்தது
8 அம்ச கோரிக்கைகளை வலியுறுத்தி ஓய்வூதியர் சங்கத்தினர் நாகையில் தர்ணா போராட்டத்தில் ஈடுபட்டனர்.
நாகப்பட்டினம்,

தமிழ்நாடு அனைத்துத்துறை ஓய்வூதியர்கள் சங்கங்களின் கூட்டமைப்பு சார்பில் 8 அம்ச கோரிக்கைகளை வலியுறுத்தி நாகையில் தர்ணா போராட்டம் நடைபெற்றது. போராட்டத்திற்கு ஓய்வூதிய சங்கங்களின் கூட்டமைப்பு தலைவர் பக்கிரிசாமி தலைமை தாங்கினார். கூட்டமைப்பு மாவட்ட செயலாளர் கிருஷ்ணமூர்த்தி, ஓய்வூதியர் சங்க மாவட்ட தலைவர் நடராஜன், ஓய்வுபெற்ற அனைத்து ஆசிரியர் சங்க மாநில பொதுக்குழு உறுப்பினர் பாலசுப்பிரமணியன், ஓய்வுபெற்ற போக்குவரத்து நல அமைப்பு தலைவர் கணபதி ஆகியோர் முன்னிலை வகித்தனர். முன்னதாக அரசு ஊழியர் சங்க மாவட்ட செயலாளர் அன்பழகன், ஓய்வுபெற்ற சத்துணவு மற்றும் அங்கன்வாடி ஊழியர் சங்க மாவட்ட அமைப்பாளர் மதிவாணன் ஆகியோர் வரவேற்றனர்.


ஓய்வுபெற்ற மின்வாரிய நல அமைப்பு தலைவர் திருநாவுக்கரசு, இந்திய தொழிற்சங்க மைய மாவட்ட செயலாளர் சீனிமணி, ஓய்வூதியர் சங்க மாநில துணைத்தலைவர் கணேசன் ஆகியோர் கலந்துகொண்டு பேசினர்.

சுப்ரீம் கோர்ட்டு தீர்ப்பின்படி ஓய்வூதியத்தை வருமானவரி சட்டத்தில் இணைக்கக்கூடாது. 21 மாத ஊதிய உயர்வு நிலுவை பலன்களை வழங்க வேண்டும். புதிய ஓய்வூதிய திட்டத்தை ரத்து செய்ய வேண்டும் என்பன உள்ளிட்ட 8 அம்ச கோரிக்கைகளை வலியுறுத்தி போராட்டத்தில் கோஷங்கள் எழுப்பப்பட்டன.

போராட்டத்தில் ஓய்வூதியர் சங்க நிர்வாகிகள் மற்றும் உறுப்பினர்கள் உள்பட பலர் கலந்துகொண்டனர். முடிவில் ஓய்வூதியர் சங்க நாகை வட்ட தலைவர் காதர்மொகிதீன் நன்றி கூறினார்.


தொடர்புடைய செய்திகள்

1. திருவனந்தபுரத்தில் முழு அடைப்பு போராட்டம்: குமரி எல்லையில் தமிழக பஸ்கள் நிறுத்தம் பயணிகள் அவதி
திருவனந்தபுரத்தில் பா.ஜனதா சார்பில் நடைபெற்ற முழு அடைப்பு போராட்டத்தையொட்டி தமிழக அரசு பஸ்கள் குமரி எல்லை பகுதியான களியக்காவிளையில் நிறுத்தப்பட்டது. இதனால் பயணிகள் அவதியடைந்தனர்.
2. குமரி மாவட்டத்தில் கிராம நிர்வாக அலுவலர்கள் 3 நாள் விடுப்பு எடுத்து போராட்டம்
குமரி மாவட்டத்தில் கிராம நிர்வாக அலுவலர்கள் 3 நாட்கள் தற்செயல் விடுப்பு எடுத்து போராட்டத்தில் ஈடுபட்டனர்.
3. தஞ்சை கலெக்டர் அலுவலகத்தில் இந்திய கம்யூனிஸ்டு கட்சியினர் நூதன போராட்டம்
புயலால் பாதித்த அனைவருக்கும் நிவாரணம் வழங்கக்கோரி தஞ்சை கலெக்டர் அலுவலகத்தில் இந்திய கம்யூனிஸ்டு கட்சியினர் நூதன போராட்டம் நடத்தினர்.
4. மாநில அரசுக்கு எதிராக ஊர்வலம் நடத்திய எடியூரப்பாவின் வீட்டை முற்றுகையிட்டு காங்கிரசார் போராட்டம்
பெலகாவியில், விவசாயிகளை திரட்டி மாநில அரசுக்கு எதிராக ஊர்வலம் நடத்தி போராட்டத்தில் ஈடுபட்ட எடியூரப்பாவின் வீட்டை காங்கிரசார் முற்றுகையிட்டு போராட்டத்தில் ஈடுபட்டனர். இதனால் சிகாரிப்புராவில் பரபரப்பு ஏற்பட்டது.
5. புயலால் பாதிக்கப்பட்டவர்களுக்கு உடனடியாக நிவாரணம் வழங்கக்கோரி தாசில்தாரிடம் மனு அளிக்கும் போராட்டம்
புயலால் பாதிக்கப்பட்டவர்களுக்கு உடனடியாக நிவாரணம் வழங்கக்கோரி கும்பகோணத்தில் தாசில்தாரிடம் மனு அளிக்கும் போராட்டம் நடைபெற்றது.