மாவட்ட செய்திகள்

சபரிமலைக்கு பெண்களை இருமுடி கட்டி அழைத்து செல்லக்கூடாது அய்யப்ப குருசாமிகள் கூட்டத்தில் தீர்மானம் + "||" + Women should not be taken to Sabarimala by the decision of the Ayyappa Kurusumas meeting

சபரிமலைக்கு பெண்களை இருமுடி கட்டி அழைத்து செல்லக்கூடாது அய்யப்ப குருசாமிகள் கூட்டத்தில் தீர்மானம்

சபரிமலைக்கு பெண்களை இருமுடி கட்டி அழைத்து செல்லக்கூடாது அய்யப்ப குருசாமிகள் கூட்டத்தில் தீர்மானம்
சபரிமலைக்கு பெண்களை இருமுடி கட்டி அழைத்து செல்லக் கூடாது என்று தர்மபுரியில் நடந்த அய்யப்ப குருசாமிகள் ஆலோசனை கூட்டத்தில் தீர்மானம் நிறைவேற்றப்பட்டது.
தர்மபுரி,

தர்மபுரி மாவட்டத்தை சேர்ந்த அய்யப்ப குருசாமிகள் சங்கத்தின் ஆலோசனை கூட்டம் தர்மபுரி பொன்னி ஓட்டல் வளாகத்தில் நடைபெற்றது. கூட்டத்திற்கு தமிழக அய்யப்ப பக்தர்கள் பேரவையின் நிறுவனத்தலைவர் முனுசாமி தலைமை தாங்கினார். குருசாமிகள் வேதன், கைலாசம், முருகேசன், சுகுமார், மாதையன் ஆகியோர் முன்னிலை வகித்தனர். சண்முகம் வரவேற்று பேசினார்.


இந்த கூட்டத்தில் மாவட்டத்தின் பல்வேறு ஊர்களை சேர்ந்த அய்யப்ப குருசாமிகள் பங்கேற்று அனைத்து வயது பெண்களையும் சபரிமலைக்கு செல்ல அனுமதிப்பது தொடர்பான தீர்ப்பு குறித்து விரிவாக ஆலோசனை நடத்தினார்கள். சபரிமலையில் அனைத்து வயது பெண்களையும் அனுமதிக்கும் சுப்ரீம் கோர்ட்டு தீர்ப்பை மறுஆய்வு செய்ய வேண்டும். கேரள அரசும், தேவசம்போர்டும் அதற்கான மறு ஆய்வு மனுவை தாக்கல் செய்ய வேண்டும்.

சபரிமலைக்கு 10 வயதிற்கு மேல் 50 வயது வரை உள்ள பெண்கள் செல்ல விரும்பினால் அவர்களுக்கு மாலை அணிவிப்பது, இருமுடி கட்டுவது, வாகனங்களில் உடன் அழைத்து செல்வது ஆகிய செயல்களில் குருசாமிகள் ஈடுபடக்கூடாது. சுப்ரீம் கோர்ட்டு தீர்ப்புபடி சபரிமலையில் பெண்களை அனுமதிக்கும் முடிவுக்கு எதிர்ப்பு தெரிவித்து தர்மபுரி மாவட்டத்தில் பல்வேறு போராட்டங்களை நடத்த வேண்டும்.

தமிழக அய்யப்ப பக்தர்கள் பேரவை சார்பில் முதல் கட்டமாக சபரிமலையில் பெண்களை அனுமதிக்கும் முடிவை கண்டித்து தர்மபுரியில் ஆர்ப்பாட்டம் நடத்துவது என்பது உள்ளிட்ட பல்வேறு தீர்மானங்கள் இந்த கூட்டத்தில் நிறைவேற்றப்பட்டன. கூட்டத்தில் குருசாமிகள் முனுசாமி, சபரிராஜன், அண்ணாதுரை, பழனி, முருகன், ராமசாமி, தொப்பலாகவுண்டர், சக்திவேல், ஜெயவேல் உள்பட திரளானோர் கலந்து கொண்டனர். முடிவில் ராஜா நன்றி கூறினார்.


தொடர்புடைய செய்திகள்

1. கஜா புயலால் வீடுகள் பாதிப்புக்கு நிவாரணமாக 64 ஆயிரத்து 58 பேரின் வங்கி கணக்கில் ரூ.32 கோடி செலுத்தப்பட்டுள்ளது
புதுக்கோட்டை மாவட்டத்தில் வீடுகள் பாதிக்கப்பட்ட 64 ஆயிரத்து 58 பேரின் வங்கி கணக்கில் ரூ.32 கோடி நிவாரணம் செலுத்தப்பட்டு உள்ளது என்று அமைச்சர் விஜயபாஸ்கர் கூறினார்.
2. புயலால் சேதமடைந்த படகுகளுக்கு கூடுதல் நிவாரணம் வழங்க வேண்டும்
புயலால் சேதமடைந்த படகுகளுக்கு கூடுதல் நிவாரணம் வழங்க வேண்டும் என ஏ.ஐ.டி.யூ.சி. மீனவ தொழிலாளர் சங்க கூட்டத்தில் வலியுறுத்தப்பட்டது.
3. கோரிக்கைகளை வலியுறுத்தி அடுத்த மாதம் ரெயில்வே தொழிற்சங்கத்தினர் பாராளுமன்றம் முன்பு ஆர்ப்பாட்டம்
கோரிக்கைகளை வலியுறுத்தி அடுத்த மாதம் பாராளுமன்றம் முன்பு ரெயில்வே தொழிற்சங்கத்தினர் ஆர்ப்பாட்டத்தில் ஈடுபட உள்ளதாக எஸ்.ஆர்.இ.எஸ். பொதுச்செயலாளர் சூர்யபிரகாசம் தெரிவித்தார்.
4. தடைசெய்யப்பட்ட புகையிலை பொருட்கள் விற்றால் புகார் தெரிவிக்கலாம் கலெக்டர் சாந்தா தகவல்
தடைசெய்யப்பட்ட புகையிலை பொருட்கள் விற்பனை செய்யப்பட்டால் புகார் தெரிவிக்கலாம் என்று மாவட்ட கலெக்டர் சாந்தா கூறினார்.
5. கன்னியாகுமரியில் ஜெயலலிதாவுக்கு மணிமண்டபம் அகஸ்தீஸ்வரம் ஒன்றிய அ.தி.மு.க. கூட்டத்தில் தீர்மானம்
கன்னியாகுமரியில் ஜெயலலிதாவுக்கு மணிமண்டபம் அமைக்க வேண்டும் என்று அகஸ்தீஸ்வரம் ஒன்றிய அ.தி.மு.க. செயல்வீரர்கள் கூட்டத்தில் தீர்மானம் நிறைவேற்றப்பட்டது.