மாவட்ட செய்திகள்

டாஸ்மாக் கடையை வேறு இடத்திற்கு மாற்றக்கோரி கிராம நிர்வாக அலுவலத்தை மாணவர்கள் முற்றுகை + "||" + To change the shop Village administration office Students siege

டாஸ்மாக் கடையை வேறு இடத்திற்கு மாற்றக்கோரி கிராம நிர்வாக அலுவலத்தை மாணவர்கள் முற்றுகை

டாஸ்மாக் கடையை வேறு இடத்திற்கு மாற்றக்கோரி கிராம நிர்வாக அலுவலத்தை மாணவர்கள் முற்றுகை
ராஜபாளையம் அருகே டாஸ்மாக் கடையை வேறு இடத்திற்கு மாற்றக்கோரி பள்ளி மாணவ–மாணவிகள் கிராம நிர்வாக அலுவலகத்தை முற்றுகையிட்டு போராட்டத்தில் ஈடுபட்டனர்.

ராஜபாளையம்,

ராஜபாளையம் அருகே உள்ள சோழபுரத்தில் இயங்கும் தனியார் பள்ளியில் சோழபுரம், ஆசிலாபுரம், பணமேடு, நரிமேடு, இந்திரா காலனி, முறம்பு உள்ளிட்ட பல்வேறு பகுதிகளில் இருந்து 200–க்கும் மேற்பட்ட மாணவ–மாணவிகள் படித்து வருகின்றனர். இவர்கள் பள்ளிக்கு செல்லும் சாலையில் புதிதாக டாஸ்மாக் கடை திறக்கப்பட்டுள்ளது. இந்த கடையில் மது அருந்தும் நபர்களில் சிலர் மாணவ–மாணவிகளுக்கு இடையூறு செய்யும் வகையில் நடந்து கொள்வதாக தெரிகிறது.

மேலும் சிலர் அந்த வழியாக செல்லும் மாணவிகளை கேலி செய்வதும், தகாத வார்த்தைகளால் பேசுவதும் வழக்கமாகி விட்டதாக அந்த பகுதியினர் தெரிவித்தனர். இதுகுறித்து கிராம மக்கள் சென்று தட்டிகேட்கும் பட்சத்தில் அந்த இடத்தில் சட்டம்–ஒழுங்கு பிரச்சினை ஏற்படுகிறது. எனவே இந்த கடையை இடமாற்றம் செய்ய கோரி கிராமமக்கள் பலமுறை அதிகாரிகளிடம் மனு அளித்தனர்.

இந்தநிலையில் பள்ளியில் இருந்து வீடு திரும்பிக் கொண்டிருந்த 6–ம் வகுப்பு மாணவன் ராஜ்குமார் மீது, மது அருந்திவிட்டு இருசக்கர வாகனத்தில் சென்ற நபர்கள் மோதி உள்ளனர். இதனால் மாணவர் தலையில் ரத்தகாயம் ஏற்பட்டுள்ளது. உடனடியாக அக்கம்பக்கத்தில் இருந்தவர்கள் மாணவரை மருத்துவமனைக்கு அழைத்து சென்று சிகிச்சை அளித்துள்ளனர்.

இதுபோன்ற சம்பவம் அடிக்கடி நடப்பதால் டாஸ்மாக் கடையை வேறு இடத்திற்கு மாற்றக்கோரி, அப்பகுதியை சேர்ந்த 100–க்கும் மேற்பட்ட மாணவர்கள் மற்றும் கிராம மக்கள் கிராம நிர்வாக அலுவலகத்தை முற்றுகையிட்டு போராட்டத்தில் ஈடுபட்டனர். அப்போது டாஸ்மாக் கடையை இடம் மாற்ற வலியுறுத்தி மாணவ–மாணவிகள் கோ‌ஷம் எழுப்பினர்.

சம்பவ இடத்திற்கு வந்த அதிகாரிகள் டாஸ்மாக் கடையை இடம் மாற்ற நடவடிக்கை எடுக்கப்படும் என உறுதி அளித்ததன் பேரில் மாணவர்கள் போராட்டத்தை கைவிட்டனர்.



தொடர்புடைய செய்திகள்

1. மருத்துவக்கல்லூரியில் பரபரப்பு விடுதி மாணவர்களின் ஆடையை களைய செய்து ராக்கிங் சீனியர் மாணவர்கள் மீது புகார்
நாகர்கோவில் அரசு ஆயுர்வேத மருத்துவக்கல்லூரியில் முதலாமாண்டு விடுதி மாணவர்களின் ஆடையை களைய செய்து சீனியர் மாணவர்கள் ராக்கிங் செய்துள்ளது பரபரப்பை ஏற்படுத்தி உள்ளது.
2. கோபியில் மூடப்பட்ட டாஸ்மாக் கடையை திறக்கக்கூடாது; கலெக்டரிடம் பொதுமக்கள் புகார்
கோபியில் மூடப்பட்ட டாஸ்மாக் கடையை திறக்கக்கூடாது என்று கலெக்டரிடம் பொதுமக்கள் புகார் கொடுத்தனர்.
3. குறைதீர்க்கும் கூட்டத்தில் அதிகாரியிடம் புயல் நிவாரண நிதி வழங்கிய மாணவர்கள்
சிவகங்கையில் நடைபெற்ற குறைதீர்க்கும் கூட்டத்தில் அதிகாரியிடம் மாணவர்கள் புயல் நிவாரண நிதியை வழங்கினர்.
4. ஏம்பலம் தொகுதியில் 35 கிராமங்களை கல்லூரி மாணவர்கள் தத்தெடுத்தனர்
புதுச்சேரி பல்கலைக்கழக இணைப்பு கல்லூரிகளை சேர்ந்த மாணவர்கள் 35 கிராமங்களை தத்தெடுத்தனர். அந்த கிராமங்களில் விழிப்புணர்வு நிகழ்ச்சிகள், மருத்துவ முகாம், மரம் நடுதல் உள்ளிட்ட பணிகளை மேற்கொள்ள உள்ளனர்.
5. டாஸ்மாக் கடைக்கு சென்று மது குடிக்க இலவச பஸ் பாஸ்: ஈரோடு கலெக்டர் அலுவலகத்தில் குடிமகன் நூதன கோரிக்கை
மோட்டார்சைக்கிளில் சென்றால் போலீசார் பிடிக்கிறார்கள் ஆதலால் டாஸ்மாக் கடைக்கு சென்று மது குடிக்க இலவச பஸ் பாஸ் கேட்டு குடிமகன் மாவட்ட வருவாய் அதிகாரியிடம் நூதன கோரிக்கை மனு கொடுத்தார்.