மாவட்ட செய்திகள்

ஸ்டாலினுடன் இணைந்து அ.தி.மு.க.வை தினகரன் அழிக்கப் பார்க்கிறார் - அமைச்சர் திண்டுக்கல் சீனிவாசன் பேச்சு + "||" + Together with Stalin, dinakaran is trying to destroy the AIADMK

ஸ்டாலினுடன் இணைந்து அ.தி.மு.க.வை தினகரன் அழிக்கப் பார்க்கிறார் - அமைச்சர் திண்டுக்கல் சீனிவாசன் பேச்சு

ஸ்டாலினுடன் இணைந்து அ.தி.மு.க.வை தினகரன் அழிக்கப் பார்க்கிறார் - அமைச்சர் திண்டுக்கல் சீனிவாசன் பேச்சு
ஸ்டாலினுடன் தினகரன் இணைந்து அ.தி.மு.க.வை அழிக்கப் பார்க்கிறார் என்று அமைச்சர் திண்டுக்கல் சீனிவாசன் கூறினார்.

மதுரை,

எம்.ஜி.ஆர்.நூற்றாண்டு விழா, ஜெயலலிதா பிறந்த நாள் விழாவை முன்னிட்டு ஜெயலலிதா பேரவை சார்பில் வருகிற 24–ந் தேதி பெண்கள் சைக்கிள் பேரணி மதுரை திருப்பரங்குன்றத்தில் நடக்க உள்ளது. இதில் பங்கேற்க உள்ள பெண்களுக்கான பயிற்சி முகாம் வேலம்மாள் மருத்துவக்கல்லூரி பகுதியில் உள்ள தனியார் அரங்கில் நேற்று நடந்தது. முகாமில் ஜெயலலிதா பேரவை செயலாளரும், அமைச்சருமான ஆர்.பி.உதயகுமார் தலைமை தாங்கினார். அமைச்சர்கள் திண்டுக்கல் சீனிவாசன், செல்லூர் ராஜூ, வளர்மதி, ராஜலட்சுமி, மதுரை புறநகர் மாவட்ட செயலாளர் ராஜன் செல்லப்பா எம்.எல்.ஏ. ஆகியோ முன்னிலை வகித்தனர். எம்.எல்.ஏக்கள் சரவணன், மாணிக்கம், பெரியபுள்ளான், நீதிபதி உள்ளிட்ட பலர் கலந்து கொண்டனர்.

முகாமில் அமைச்சர் திண்டுக்கல் சீனிவாசன் பேசும் போது கூறியதாவது:–

தமிழகத்தில் அ.தி.மு.க. ஆட்சி இன்று போய் விடும், நாளை போய் விடும் என எதிர்கட்சியினர் கூறிக் கொண்டிருக்கிறார்கள். ஆனால் தேசிய அளவில் 19 துறைகளில் தமிழகம் சிறந்து விளங்குகிறது. அதை வைத்து பார்க்கும் பொழுது இந்தியாவிலேயே தமிழகம் சிறந்த மாநிலமாக திகழ்ந்து வருகிறது. தமிழகத்தில் சட்டம்– ஒழுங்கு பாதுகாக்கப்பட்டு சிறந்த அளவில் ஆட்சி நடந்து வருகிறது. தி,மு.க.வின் தலைவராக வாரிசுப் படி அண்ணன் அழகிரி தான் வந்து இருக்க வேண்டும். ஆனால் அண்ணனை மீறி ஸ்டாலின் தலைவராகி உள்ளார். அ.தி.மு.க.வை அழிக்கும் நோக்கில் தி.மு.க. செயல்படுகிறது.

கோடி, கோடியாக கொள்ளை அடித்த கலைஞரின் வாரிசுகள் மகாத்மா காந்தியின் வாரிசுகளை போல நடந்து கொள்கிறார்கள். தற்போது புதிய தகவல் வந்துள்ளது. அதில் ஸ்டாலினுடன், தினகரன் இணைந்து கொண்டு அ.தி.மு.க.வை அழிக்கப்பார்க்கிறார். அ.ம.மு.க.கட்சியெல்லாம் சிறிய கட்சி. நேற்று பெய்த மழையில் இன்று முளைத்த காளான். அவர்களுக்கெல்லாம் நாம் பதில் சொல்ல வேண்டிய அவசியம் இல்லை.

இவ்வாறு அவர் தெரிவித்தார்.

முன்னதாக அமைச்சர் ஆர்.பி.உதயகுமார் நிருபர்களிடம் கூறியதாவது:–

வருகிற 24–ந் தேதி 3 ஆயிரம் பெண்கள் கலந்து கொள்ளும் சைக்கிள் பேரணி நடைபெற உள்ளது. பெண்கள் பங்கேற்கும் இந்த பேரணியை முருகனின் முதற்படை வீடான திருப்பரங்குன்றத்தில் தொடங்க உள்ளோம். தி.மு.க. தலைவர் ஸ்டாலின், முதல்–அமைச்சர் பதவி விலக வேண்டும் என்று கூறி வருகிறார். அவர் முதல்வர் பதவிக்கு வர மிகவும் அவசரப்படுகிறார். அ.தி.மு.க.ஆட்சி அமைத்து இன்னும் 5 ஆண்டுகள் நிறைவடையாத நிலையில் அவர் பதவி ஆசையில் தான் இவ்வாறு பேசுகிறார். தேர்தலை சந்திக்க ஸ்டாலின் தயங்குகிறாரோ என்னவோ. ஆனால் நாங்கள் தயாராக உள்ளோம். இவ்வாறு கூறினார்.


தொடர்புடைய செய்திகள்

1. அ.தி.மு.க. கூட்டணியில் கருத்து வேறுபாடு இல்லை - அமைச்சர் தங்கமணி பேட்டி
அ.தி.மு.க. கூட்டணியில் கருத்து வேறுபாடு எதுவும் இல்லை என அமைச்சர் தங்கமணி கூறினார்.
2. நாடாளுமன்ற தேர்தலில் அ.தி.மு.க., தி.மு.க. தலா 20 தொகுதிகளில் போட்டி நேரடி மோதலுக்கும் தயாராகிறது
நாடாளுமன்ற தேர்தலில் அ.தி.மு.க., தி.மு.க. தலா 20 தொகுதிகளில் போட்டியிடுகிறது. மேலும், நேரடி மோதலுக்கும் தயாராகிறது.
3. என்.ஆர்.காங்கிரஸ் கட்சி தலைவருக்கு தேர்தல் நேரத்தில் மட்டும் தான் மக்களை பற்றிய சிந்தனை வரும் அமைச்சர் நமச்சிவாயம் தாக்கு
என்.ஆர்.காங்கிரஸ் கட்சி தலைவருக்கு தேர்தல் நேரத்தில் மட்டும் தான் மக்களை பற்றிய சிந்தனை வரும் என்று அமைச்சர் நமச்சிவாயம் கூறினார்.
4. அ.தி.மு.க. ஆலமரம் போன்றது, கூட்டணியில் உள்ளவர்கள் பழம் பறிக்கலாம் அமைச்சர் ராஜேந்திரபாலாஜி பேட்டி
அ.தி.மு.க. ஆலமரம் போன்றது, கூட்டணியில் உள்ளவர்கள் பழம் பறிக்கலாம் என பால்வளத்துறை அமைச்சர் ராஜேந்திர பாலாஜி தெரிவித்தார்.
5. அ.தி.மு.க.வுடன் ரங்கசாமி சந்தர்ப்பவாத கூட்டணி; நாடாளுமன்ற தேர்தலில் காங்கிரஸ் வெற்றி பெற வாய்ப்பு - முன்னாள் மாநில தலைவர் ஏ.வி.சுப்பிரமணியன் சொல்கிறார்
அ.தி.மு.க.வுடன் ரங்கசாமி சந்தர்ப்பவாத கூட்டணி அமைத்துள்ளதால் நாடாளுமன்ற தேர்தலில் காங்கிரஸ் வெற்றி பெறுவதற்கான வாய்ப்பு ஏற்பட்டுள்ளது என்று முன்னாள் காங்கிரஸ் தலைவர் ஏ.வி.சுப்பிரமணியன் கூறினார்.