மாவட்ட செய்திகள்

மணல் அள்ளிய லாரி-பொக்லைன் எந்திரத்தை பொதுமக்கள் சிறைபிடித்ததால் பரபரப்பு + "||" + Sensing because of the public's imprisonment of Sandalli Lory-Poklinine

மணல் அள்ளிய லாரி-பொக்லைன் எந்திரத்தை பொதுமக்கள் சிறைபிடித்ததால் பரபரப்பு

மணல் அள்ளிய லாரி-பொக்லைன் எந்திரத்தை பொதுமக்கள் சிறைபிடித்ததால் பரபரப்பு
விராலிமலை அருகே மணல் அள்ளிய லாரி மற்றும் பொக்லைன் எந்திரத்தை பொதுமக்கள் சிறைபிடித்ததால் பரபரப்பு ஏற்பட்டது.
விராலிமலை,

விராலிமலை அருகே உள்ள மீனவேலி ஊராட்சி பெரிச்சிப்பட்டியில் சுமார் 400 ஏக்கர் பரப்பளவில் பெரியகுளம் மற்றும் வெள்ளாறு உள்ளது. இந்த பெரியகுளம் மற்றும் வெள்ளாற்றில் சிலர் அனுமதியின்றி மணல் அள்ளி, அதனை வெளி மாவட்டங்களில் விற்பனை செய்து வருகின்றனர். வருவாய்த்துறையினர், மணல் கடத்தும் லாரிகளை பிடித்து வழக்குப்பதிவு செய்து வருகின்றனர். இந்நிலையில் நேற்று காலை பெரிச்சிப்பட்டி பெரியகுளத்தில் மணல் அள்ளுவதை அறிந்த கிராம மக்கள் அந்த பகுதிக்கு வந்து மணல் அள்ள பயன்படுத்தப்பட்ட பொக்லைன் எந்திரம் மற்றும் டிப்பர் லாரியை சிறைபிடித்தனர்.


இது குறித்து தகவல் அறிந்து சம்பவ இடத்திற்கு வந்த விராலிமலை தாசில்தார் லூர்துசாமி மற்றும் போலீசார் பொதுமக்களிடம் பேச்சுவார்த்தை நடத்தினர். அப்போது வாகனங்களை பறிமுதல் செய்து நடவடிக்கை எடுப்பதாக அதிகாரிகள் உறுதியளித்தனர். இதையடுத்து பொதுமக்கள் அந்த பகுதியில் இருந்து கலைந்து சென்றனர். இதையடுத்து தாசில்தார் லூர்துசாமி டிப்பர் லாரி மற்றும் பொக்லைன் எந்திரத்தை பறிமுதல் செய்து, விராலிமலை போலீஸ் நிலையத்தில் ஒப்படைத்தார். இந்த சம்பவத்தால் அந்த பகுதியில் நேற்று பெரும் பரபரப்பு ஏற்பட்டது.

இந்நிலையில் விராலிமலை அருகே உள்ள காரமேட்டுப்பட்டியில் அனுமதியின்றி மணல் அள்ளப்படுவதாக இலுப்பூர் வருவாய் கோட்டாட்சியருக்கு ரகசிய தகவல் கிடைத்தது. அதன்பேரில்கோட்டாட்சியர் ஜெயபாரதி காரமேட்டுப்பட்டியில் சோதனை மேற்கொண்டார். அப்போது அந்த பகுதியில் அனுமதின்றி மணல் அள்ளிய 2 லாரிகள் மற்றும் பொக்லைன் எந்திரத்தை பறிமுதல் செய்து, விராலிமலை போலீஸ் நிலையத்தில் ஒப்படைத்தார்.

தொடர்புடைய செய்திகள்

1. லாரி உரிமையாளரிடம் லஞ்சம் கேட்டதாக புகார்: திருவெறும்பூர் தாசில்தார் காத்திருப்போர் பட்டியலுக்கு மாற்றம் கலெக்டர் நடவடிக்கை
லாரி உரிமையாளரிடம் லஞ்சம் கேட்டதாக எழுந்த புகாரை தொடர்ந்து திருவெறும்பூர் தாசில்தாரை காத்திருப்போர் பட்டியலுக்கு மாற்றி மாவட்ட கலெக்டர் எஸ்.சிவராசு அதிரடி நடவடிக்கை மேற்கொண்டுள்ளார்.
2. மணல் குவாரி அமைக்க எதிர்ப்பு: அமைதி பேச்சுவார்த்தை தோல்வி
கபிஸ்தலம் அருகே கொள்ளிடம் ஆற்றில் மணல் குவாரி அமைக்க பொதுமக்கள் எதிர்ப்பு தெரிவித்து வருகிறார்கள். இதுதொடர்பாக நடைபெற்ற அமைதி பேச்சுவார்த்தை தோல்வி அடைந்தது.
3. தொழிற்சாலைகளை மூடக்கோரி லாரியை சிறை பிடித்து பொதுமக்கள் ஆர்ப்பாட்டம்
தொழிற்சாலைகளை மூடக்கோரி லாரியை சிறை பிடித்து பொதுமக்கள் ஆர்ப்பாட்டம் நடத்தினர்.
4. விருப்பாட்சி, பெருமாள்குளத்தில் மண் அள்ளுவதால் நிலத்தடி நீர் பாதிக்கும் அபாயம் - நடவடிக்கை எடுக்க விவசாயிகள் வலியுறுத்தல்
விருப்பாட்சி பெருமாள்குளத்தில் சட்டவிரோதமாக மண் சிலர் அள்ளுவதால் நிலத்தடி நீர்மட்டம் பாதிக்கும் அபாயம் உள்ளது. எனவே அவர்கள் மீது நடவடிக்கை எடுக்க வேண்டும் என்று விவசாயிகள் வலியுறுத்தியுள்ளனர்.
5. தஞ்சை அருகே வெண்ணாற்றில் அனுமதியின்றி மணல் அள்ளிய 7 மாட்டு வண்டிகள் பறிமுதல்
தஞ்சை அருகே வெண்ணாற்றில் அனுமதியின்றி மணல் அள்ளிய 7 மாட்டு வண்டிகளை அதிகாரிகள் பறிமுதல் செய்தனர்.