மாவட்ட செய்திகள்

சாலை விதிகளை மீறிய 1,647 பேர் மீது வழக்கு - ரூ.2 லட்சம் அபராதம் வசூல் + "||" + The case against 1,647 violators of road rules - Rs. 2 lakh fine

சாலை விதிகளை மீறிய 1,647 பேர் மீது வழக்கு - ரூ.2 லட்சம் அபராதம் வசூல்

சாலை விதிகளை மீறிய 1,647 பேர் மீது வழக்கு - ரூ.2 லட்சம் அபராதம் வசூல்
போளூர் உட்கோட்டத்தில் சாலை விதிகளை மீறிய 1,647 பேர் மீது வழக்கு பதிவு செய்யப்பட்டு, ரூ.2 லட்சம் அபராதமாக வசூல் செய்யப்பட்டுள்ளது.
போளூர்,

திருவண்ணாமலை மாவட்ட போலீஸ் சூப்பிரண்டு சிபி சக்ரவர்த்தி உத்தரவின்பேரில் போளூர் போலீஸ் உட்கோட்டத்திற்கு உட்பட்ட போளூர், கலசபாக்கம், கடலாடி, சேத்துப்பட்டு, ஜமுனாமரத்தூர் ஆகிய 5 போலீஸ் நிலைய பகுதியில் போலீசார் இரவு மற்றும் பகல் நேரங்களில் தீவிர வாகன தணிக்கை செய்தனர்.


அப்போது சீருடை அணியாமல் வாகனம் ஓட்டிய 482 பேர் மீதும், ஹெல்மெட் அணியாமல் இருசக்கர வாகனம் ஓட்டிய 274 பேர் மீதும், அதில் பின்னால் அமர்ந்து சென்றவர்கள் 239 பேர் மீதும், செல்போன் பேசியபடி வாகனம் ஓட்டிய 69 பேர் மீதும் வழக்குப்பதிவு செய்தனர்.

மேலும் கார் ஓட்டும்போது ‘சீட்’ பெல்ட் அணியாமல் இருந்த 81 பேர் மீதும், இருசக்கர வாகனங்களில் 3 பேர் அமர்ந்து சென்ற 112 பேர் மீதும் என சாலை விதிகளை மீறிய பல்வேறு குற்றத்திற்காக 1,647 பேர் மீது வழக்குப்பதிவு செய்யப்பட்டது. அவர்களிடம் இருந்து ரூ.2 லட்சத்து 8 ஆயிரத்து 800 அபராதம் வசூலிக்கப்பட்டது.

மேலும் கடந்த ஜனவரி 1-ந் தேதி முதல் அக்டோபர் மாதம் வரை 10 மாதங்களில் 20 ஆயிரத்து 173 பேர் மீது வழக்குப்பதிவு செய்யப்பட்டு, அவர்களிடம் இருந்து ரூ.30 லட்சத்து 92 ஆயிரத்து 550 அபராதம் வசூலிக்கப்பட்டு உள்ளது.

இந்த தகவலை போளூர் துணை போலீஸ் சூப்பிரண்டு சின்னராஜ் கூறினார். அப்போது இன்ஸ்பெக்டர் சுரேஷ்பாபு, சப்-இன்ஸ்பெக்டர் சந்திரசேகர் ஆகியோர் உடனிருந்தனர்.



தொடர்புடைய செய்திகள்

1. ஓசூர் அரசு பெண்கள் மேல்நிலைப்பள்ளியில் 1,103 மாணவிகளுக்கு விலையில்லா சைக்கிள்கள் - அமைச்சர் பாலகிருஷ்ணரெட்டி வழங்கினார்
ஓசூர் அரசு பெண்கள் மேல்நிலைப்பள்ளியில் 1,103 மாணவிகளுக்கு விலையில்லா சைக்கிள்களை அமைச்சர் பாலகிருஷ்ணரெட்டி வழங்கினார்.
2. பள்ளிபாளையத்தில் 1,694 மாணவ, மாணவிகளுக்கு விலையில்லா சைக்கிள்கள் - அமைச்சர் தங்கமணி வழங்கினார்
பள்ளிபாளையத்தில் 1,694 மாணவ, மாணவிகளுக்கு விலையில்லா சைக்கிள்களை அமைச்சர் தங்கமணி வழங்கினார்.
3. வேதாரண்யம் பகுதியில் 1,500 ஏக்கரில் மல்லிகை செடிகள் சேதம்
வேதாரண்யம் பகுதியில் 1,500 ஏக்கரில் மல்லிகை செடிகள் சேதமடைந்துள்ளன. 15 ஆண்டுகள் வாழ்வாதாரம் பின்னோக்கி சென்று விட்டதாக விவசாயிகள் வேதனை தெரிவித்துள்ளனர்.
4. நாளை சபரிமலை நடைதிறப்பு: 1,500 போலீசார் குவிப்பு, கமாண்டோ படையும் விரைவு
நாளை நடை திறக்கப்படுவதால் சபரிமலையில் 1,500 போலீசார் குவிக்கப்பட்டுள்ளனர். மேலும் அங்கு கமாண்டோ படையும் விரைந்தனர்.
5. ஈரோடு மாவட்டத்தில் இந்து முன்னணி சார்பில் 1,008 விநாயகர் சிலைகள் பிரதிஷ்டை
இந்து முன்னணி சார்பில் ஈரோடு மாவட்டத்தில் 1,008 விநாயகர் சிலைகள் பிரதிஷ்டை செய்யப்பட்டது.