மாவட்ட செய்திகள்

போதிய டாக்டர்கள் இல்லாததால் அரசு ஆஸ்பத்திரிகளில் சிகிச்சைக்காக பல மணி நேரம் காத்திருக்கும் மக்கள் + "||" + Lack of sufficient doctors Government hospitals People waiting for treatment

போதிய டாக்டர்கள் இல்லாததால் அரசு ஆஸ்பத்திரிகளில் சிகிச்சைக்காக பல மணி நேரம் காத்திருக்கும் மக்கள்

போதிய டாக்டர்கள் இல்லாததால் அரசு ஆஸ்பத்திரிகளில் சிகிச்சைக்காக பல மணி நேரம் காத்திருக்கும் மக்கள்
அரசு ஆஸ்பத்திரிகளில் போதிய டாக்டர்கள் இல்லாததால் சிகிச்சைக்காக வரும் பொதுமக்கள் பல மணி நேரம் காத்துக் கிடக்க வேண்டிய நிலை உள்ளது.

மானாமதுரை,

சிவகங்கை மாவட்டத்தில் 50–க்கும் மேற்பட்ட அரசு ஆஸ்பத்திரிகள், ஆரம்ப சுகாதார நிலையங்கள் உள்ளன. தற்போது மாவட்டம் முழுவதும் டெங்கு, சிக்குன் குன்யா உள்ளிட்ட காய்ச்சல் வேகமாக பரவி வருகிறது. காய்ச்சல் பாதிப்பால் அவதியடையும் மக்கள் வீடுகளில் முடங்கிப் போய் உள்ளனர். பலரும் தனியார் மற்றும் அரசு ஆஸ்பத்திரிகளில் சிகிச்சை பெற்று வருகின்றனர். சமீப காலமாக ஆஸ்பத்திரிகளில் காய்ச்சல் உள்ளிட்ட நோய்களுக்காக சிகிச்சை பெறுவோர் எண்ணிக்கை அதிகரித்த வண்ணம் உள்ளது.

இந்த நிலையில் அரசு ஆஸ்பத்திரிகளில் போதிய டாக்டர்கள் இல்லாததால் சிகிச்சைக்காக பொதுமக்கள் பல மணி நேரம் கால்கடுக்க காத்துக் கிடக்க வேண்டிய நிலை உள்ளது. மேலும் பணியில் இருக்கும் டாக்டர்களும் சிறப்பு முகாம், விழிப்புணர்வு முகாம் என்று வேறு இடங்களுக்கு செல்வதால் அந்தந்த ஆஸ்பத்திரிகளுக்கு சிகிச்சைக்காக வரும் பொதுமக்கள் அவதியடையும் சூழ்நிலை உள்ளது.

மானாமதுரை அருகே முத்தனேந்தல் அரசு ஆரம்ப சுகாதார நிலையத்தில் தினசரி 300–க்கும் மேற்பட்ட வெளிநோயாளிகள் சிகிச்சைக்காக வருகின்றனர். 50–க்கும் மேற்பட்டோர் உள்நோயாளிகளாக சிகிச்சை பெற்று வருகின்றனர். இங்கு மேட்டுமடை, வாகுடி, இடைக்காட்டூர் உள்ளிட்ட கிராமங்களை சேர்ந்தவர்கள் சிகிச்சைக்காக வருகின்றனர். தற்போது காய்ச்சல் பாதிப்பால் ஏராளமானோர் சிகிச்சைக்காக தினசரி வருகின்றனர். அவ்வாறு வரும் மக்கள் ஆஸ்பத்திரியில் போதிய டாக்டர்கள் இல்லாததால் பல மணி நேரம் காத்திருக்கின்றனர்.

இதேபோல் நேற்று முத்தனேந்தல் ஆரம்ப சுகாதார நிலையத்தில் ஏராளமானோர் சிகிச்சைக்காக வரிசையில் காத்திருந்தனர். அப்போது பெண்களில் சிலர் மயக்கமடைந்து கீழே விழுந்தனர். இதனால் அங்கு பரபரப்பு ஏற்பட்டது. இதனையடுத்து அங்கிருந்த ஆஸ்பத்திரி ஊழியர்கள் உடனடியாக சிகிச்சை அளித்தனர்.

எனவே மாவட்டத்தில் உள்ள அரசு ஆஸ்பத்திரிகளில் காய்ச்சலை கட்டுப்படுத்தும் விதமாகவும், பொதுமக்களின் சிரமங்களை கருத்தில் கொண்டு போதிய டாக்டர்களை நியமிக்க நடவடிக்கை எடுக்க வேண்டும் என்று கோரிக்கை விடுத்துள்ளனர்.



தொடர்புடைய செய்திகள்

1. கோவை அரசு ஆஸ்பத்திரியில் டெங்கு, பன்றிக்காய்ச்சலுக்கு 4 பேர் பலி
கோவை அரசு ஆஸ்பத்திரியில் டெங்கு, பன்றிக்காய்ச்சலுக்கு 4 பேரும்,, வைரஸ் காய்ச்சலுக்கு ஒருவரும் பரிதாபமாக இறந்தனர்.
2. விருதுநகர் அரசு ஆஸ்பத்திரி பிரசவ வார்டு பகுதியில் சுகாதார வளாகம் தேவை; மாவட்ட நிர்வாகத்துக்கு கோரிக்கை
விருதுநகர் அரசு ஆஸ்பத்திரியில் பிரசவ வார்டு பகுதியில் சுகாதார வளாகம் அமைக்க மாவட்ட நிர்வாகம் நடவடிக்கை எடுக்க வேண்டும் என கோரப்பட்டுள்ளது.
3. அரசு ஆஸ்பத்திரியில் ஆஞ்சியோ பிளாஸ்டி சிகிச்சை; பிரெஞ்சு மருத்துவ குழுவினர் அளித்தனர்
புதுவை அரசு ஆஸ்பத்திரி நோயாளிகளுக்கு பிரெஞ்சு மருத்துவ குழுவினர் ஆஞ்சியோ பிளாஸ்டி சிகிச்சை அளித்தனர்.
4. ஊட்டி அரசு ஆஸ்பத்திரியில் சேதமான தடுப்பு சுவர் சீரமைக்கப்படுமா? சமூக ஆர்வலர்கள் எதிர்பார்ப்பு
ஊட்டி அரசு ஆஸ்பத்திரியில் சேதமான தடுப்பு சுவரை சீரமைக்கப்படுமா? என்று சமூக ஆர்வலர்கள் எதிர்பார்த்து உள்ளனர்.
5. விருதுநகர் அரசு ஆஸ்பத்திரியில் எம்.ஆர்.ஐ. ஸ்கேன் எந்திரத்தை பயன்பாட்டிற்கு கொண்டுவர கோரிக்கை
விருதுநகர் அரசு ஆஸ்பத்திரியில் ரூ.4 1/4 கோடி மதிப்பீட்டிலான எம்.ஆர்.ஐ. ஸ்கேன் எந்திரம் தயார் நிலையில் இருந்தும் பயன்பாட்டிற்கு வராமல் உள்ளதால் மாவட்ட நிர்வாகம் உரிய நடவடிக்கை எடுக்க வேண்டும் என கோரப்பட்டுள்ளது.