மாவட்ட செய்திகள்

பாலியல் கொடுமை போன்ற குற்றங்களில் பாதிக்கப்பட்டவர்களுக்கு வழிகாட்டியாக பெண் போலீசார் செயல்பட வேண்டும் + "||" + Female police must act as a guide to victims of sexual abuse

பாலியல் கொடுமை போன்ற குற்றங்களில் பாதிக்கப்பட்டவர்களுக்கு வழிகாட்டியாக பெண் போலீசார் செயல்பட வேண்டும்

பாலியல் கொடுமை போன்ற குற்றங்களில் பாதிக்கப்பட்டவர்களுக்கு வழிகாட்டியாக பெண் போலீசார் செயல்பட வேண்டும்
பாலியல் கொடுமை போன்ற குற்றங்களில் பாதிக்கப்பட்டவர்களுக்கு வழிகாட்டியாக பெண் போலீசார் செயல்பட வேண்டும் என்று போலீஸ் துணை கமிஷனர் நிஷா பேசினார்.
திருச்சி,

திருச்சி மாநகரில் உள்ள அனைத்து மகளிர் போலீஸ் நிலையங்களை மேம்படுத்த அங்கு பணிபுரியும் பெண் போலீசாருக்கும், மகளிர் போலீஸ் நிலையங்களில் ஆலோசனை வழங்கும் ஆலோசகர்களுக்கும் தங்கள் பணியை மேலும் சிறப்பாக செய்யும் வகையில் ஒருநாள் திறன் மேம்படுத்தும் பயிற்சி வகுப்பு போலீஸ் கமிஷனர் அமல்ராஜ் உத்தரவின் பேரில் திருச்சி மாநகர கே.கே.நகர் ஆயுதப்படை மைதான வளாகத்தில் நேற்று நடந்தது.


திருச்சி மாநகர போலீஸ் துணை கமிஷனர் நிஷா பயிற்சி வகுப்பை தொடங்கி வைத்து பேசுகையில், “மகளிர் போலீஸ் நிலையங்களுக்கு வரும் வழக்குகள் மற்ற போலீஸ் நிலையங்களுக்கு வரும் பிரச்சினைகளை விட வேறுபட்டது. பெண்கள் தங்களுக்கு பிரச்சினை ஏற்படும்போது, பயமின்றி தானாக முன்வந்து போலீஸ் நிலையத்தை அணுக வேண்டும். பெண்களுக்கு எதிரான பாலியல் கொடுமை மற்றும் பெண் குழந்தைகளுக்கு எதிரான குற்றங்கள் போன்றவற்றில் பெண் போலீசார் பாதிக்கப்பட்டவர்களுக்கு வழிகாட்டியாக செயல்பட்டு அவர்களுடைய வாழ்க்கைக்கு உதவியாக இருக்க வேண்டும். சிக்கலான பிரச்சினைகளை நுணுக்கமான வழிகளை பயன்படுத்தி தீர்க்க வேண்டும்“ என்று பேசினார்.

நிகழ்ச்சியில் ஸ்ரீரங்கம் அனைத்து மகளிர் போலீஸ் நிலைய இன்ஸ்பெக்டர் சித்ரா வரவேற்றார். முடிவில் போக்குவரத்து போலீஸ் உதவி கமிஷனர் (வடக்கு) விக்னேஷ்வரன் நன்றி கூறினார். பயிற்சி வகுப்பில் சிறந்த அனுபவமுள்ள கல்லூரி பேராசிரியர்கள் மற்றும் குடும்ப நல ஆலோசகர்கள் மூலமாக பெண் போலீசார் மற்றும் ஆலோசகர்களுக்கு பயிற்சி அளிக்கப்பட்டது.

தொடர்புடைய செய்திகள்

1. அழகப்பபுரத்தில் கோடைகால விளையாட்டு பயிற்சி முகாம்
அழகப்பபுரம் புனித அந்தோணியார் மேல்நிலைப்பள்ளி மைதானத்தில் விளையாட்டு மன்றம் சார்பில் மாணவர்களுக்கான கோடை கால விளையாட்டு பயிற்சி முகாம் நடந்தது.
2. பயிற்சியில் ஈடுபட்ட இந்திய வீரர் விஜய் சங்கர் காயம்
பயிற்சியில் ஈடுபட்ட இந்திய வீரர் விஜய் சங்கர் காயமடைந்தார்.
3. வாக்கு எண்ணிக்கை மையத்திற்குள் அலுவலர்கள் கண்டிப்பாக செல்போன் கொண்டு செல்ல கூடாது
வாக்கு எண்ணிக்கை மையத்திற்குள் அலுவலர்கள் கண்டிப்பாக செல்போன் கொண்டு செல்ல கூடாது என திருவாரூரில் நடந்த பயிற்சி வகுப்பில் தேர்தல் நடத்தும் அலுவலர் ஆனந்த் கூறினார்.
4. சேலம் ஆயுதப்படை மைதானத்தில் மாடியில் இருந்து விழுந்து பயிற்சி போலீஸ்காரர் படுகாயம்
சேலம் ஆயுதப்படை மைதானத்தில் மாடியில் இருந்து விழுந்து பயிற்சி போலீஸ்காரர் படுகாயம் அடைந்தார். அவர் தற்கொலைக்கு முயன்றாரா? என்பது குறித்து போலீஸ் அதிகாரிகள் விசாரணை நடத்தி வருகின்றனர்.
5. வாக்கு எண்ணிக்கையின் போது கடைபிடிக்க வேண்டிய விதிமுறைகள் குறித்த பயிற்சி
வாக்கு எண்ணிக்கையின் போது கடைபிடிக்க வேண்டிய விதிமுறைகள் குறித்த பயிற்சி வகுப்பு தேர்தல் பொதுபார்வையாளர் தலைமையில் நடந்தது.