மாவட்ட செய்திகள்

பெரியகுளத்தில்: தீபாவளி சீட்டு நடத்தி ரூ.10 லட்சம் மோசடி - தம்பதி உள்பட 3 பேர் மீது வழக்கு + "||" + In Periyakulam: Diwali slip Rs 10 lakh fraud -The case is filed against three persons, including couple

பெரியகுளத்தில்: தீபாவளி சீட்டு நடத்தி ரூ.10 லட்சம் மோசடி - தம்பதி உள்பட 3 பேர் மீது வழக்கு

பெரியகுளத்தில்: தீபாவளி சீட்டு நடத்தி ரூ.10 லட்சம் மோசடி - தம்பதி உள்பட 3 பேர் மீது வழக்கு
பெரியகுளத்தில் தீபாவளி சீட்டு நடத்தி ரூ.10 லட்சம் மோசடி செய்ததாக தம்பதி உள்பட 3 பேர் மீது போலீசார் வழக்குப்பதிவு செய்து விசாரித்து வருகிறார்கள்.
பெரியகுளம்,


பெரியகுளம், வடகரையை சேர்ந்தவர் சவுந்திரராஜன்(வயது52). இவரது மனைவி கிருஷ்ணவேணி(45), மகன் விவேக்(27). இவர்கள் 3 பேரும் ஏலச்சீட்டு மற்றும் தீபாவளி சீட்டு நடத்தி வந்தனர். கிருஷ்ணவேணி மகளிர் சுயஉதவிக்குழு நடத்தி தலைவியாக இருந்துள்ளார். இந்நிலையில் வடகரை, வடக்கு பூந்தோட்ட தெருவை சேர்ந்த பாலசுப்பிரமணியம் என்பவரது மனைவி கலாவதி(44) மற்றும் அப்பகுதியை சேர்ந்த சுமார் 25 பேர் சேர்ந்து கிருஷ்ணவேணியிடம் ரூ.10 லட்சம் கட்டியுள்ளனர்.

இந்த பணத்தை அவர்கள் கிருஷ்ணவேணியிடம் திருப்பி கேட்டபோது அவர்கள் வீட்டை விற்று தருவதாக கூறியுள்ளனர். ஆனால் பணத்தை திரும்ப தராமல் மோசடி செய்து விட்டதாக கூறப்படுகிறது.

இந்நிலையில் கலாவதி மற்றும் சிலர் கிருஷ்ணவேணி வீட்டிற்கு சென்று பணத்தை கேட்டனர். அப்போது கிருஷ்ணவேணி, கணவர் சவுந்திரராஜன், மகன் விவேக் ஆகியோர் தகாத வார்த்தையில் பேசி, இனிமேல் பணம் கேட்டு வந்தால் உங்களை கொல்லாமல் விடமாட்டோம் என்று மிரட்டியுள்ளனர்.

இது குறித்து கலாவதி கொடுத்த புகாரின் பேரில் கிருஷ்ணவேணி, சவுந்திரராஜன், விவேக் ஆகிய 3 பேர் மீது பெரியகுளம் போலீஸ் இன்ஸ்பெக்டர் சுரேஷ் வழக்குப்பதிவு செய்து விசாரணை நடத்தி வருகிறார்.



தொடர்புடைய செய்திகள்

1. திருப்பூரில் போலி ஆவணங்கள் கொடுத்து வங்கியில் ரூ.1 கோடி கடன் பெற்று மோசடி செய்த சகோதரர்கள் கைது
போலி ஆவணங்கள் கொடுத்து திருப்பூரில் உள்ள வங்கியில் ரூ.1 கோடி கடன் பெற்று மோசடி செய்த சகோதரர்களை மத்திய குற்றப்பிரிவு போலீசார் கைது செய்தனர்.
2. சேலத்தில் பரபரப்பு: அரசு வேலை வாங்கி தருவதாக 16 பேரிடம் ரூ.76 லட்சம் மோசடி - கள்ளக்குறிச்சியை சேர்ந்தவருக்கு வலைவீச்சு
சேலத்தில் அரசு வேலை வாங்கி தருவதாக கூறி 16 பேரிடம் ரூ.76 லட்சம் மோசடி செய்த கள்ளக்குறிச்சியை சேர்ந்தவரை போலீசார் வலைவீசி தேடி வருகின்றனர்.
3. ரூ.9 ஆயிரம் கோடி கடன் வாங்கி மோசடி: இங்கிலாந்துக்கு தப்பி ஓடிய விஜய் மல்லையாவை நாடு கடத்த உத்தரவு - லண்டன் கோர்ட்டு அதிரடி நடவடிக்கை
ரூ.9 ஆயிரம் கோடிக்கு வங்கிகளில் கடன் வாங்கி மோசடி செய்த வழக்கில் பிரபல தொழில் அதிபர் விஜய் மல்லையாவை இந்தியாவுக்கு நாடு கடத்தலாம் என்று இங்கிலாந்து கோர்ட்டு தீர்ப்பளித்தது.
4. டாக்டர் மனைவிக்கு அரசு வேலை வாங்கித் தருவதாக ரூ.10 லட்சம் மோசடி; போலி உதவி கலெக்டர் உட்பட 21 பேர் மீது வழக்கு
டாக்டர் மனைவிக்கு அரசு வேலை வாங்கித்தருவதாக கூறி ரூ.10 லட்சம் மோசடி செய்ததாக போலி உதவி கலெக்டர் உள்பட 21 பேர் மீது மாவட்ட குற்றப்பிரிவு போலீசார் வழக்குப்பதிவு செய்துள்ளனர்.
5. தனியார் நிதி நிறுவனம் ரூ.350 கோடி மோசடி; குறைதீர்க்கும் கூட்டத்தில் புகார்
ராமநாதபுரம் மாவட்டத்தில் தனியார் நிதி நிறுவனம் ரூ.350 கோடி மோசடி செய்து விட்டதாக குறைதீர்க்கும் கூட்டத்தில் ஏஜெண்டுகள் புகார் தெரிவித்தனர்.