மாவட்ட செய்திகள்

மதுரை அருகே மூச்சை திணறடித்து காவலாளி கொலை + "||" + The guard was killed near Madurai

மதுரை அருகே மூச்சை திணறடித்து காவலாளி கொலை

மதுரை அருகே மூச்சை திணறடித்து காவலாளி கொலை
முகத்தை போர்வையால் மூடி டேப்பை சுற்றியதால் மூச்சை திணறடித்து காவலாளி கொடூரமான முறையில் கொலை செய்யப்பட்டார். இந்த பயங்கர சம்பவத்தில் ஈடுபட்ட மர்ம நபர்களை போலீசார் தீவிரமாக தேடிவருகிறார்கள்.
நாகமலைபுதுக்கோட்டை,

மதுரை பழங்காநத்தம் பகுதியை சேர்ந்தவர் கார்த்திகேயன் (வயது 45). இவர் நாகமலை புதுக்கோட்டை பகுதியில் நான்கு வழிச்சாலை சர்வீஸ் ரோட்டில் ஒர்க் ஷாப் நடத்தி வருகிறார். அங்கு துவரிமானைச் சேர்ந்த நித்யானந்தம் (65) என்பவர் இரவு நேர காவலாளியாக வேலை பார்த்து வந்தார்.


நேற்று முன்தினம் இரவு வழக்கம்போல் நித்யானந்தம் ஒர்க்‌ஷாப்பில் பணியில் இருந்தார். நள்ளிரவு நேரத்தில் அங்கு வந்த மர்ம நபர்கள் நித்யானந்தத்தை சரமாரியாக தாக்கியதாக தெரிகிறது.

நித்யானந்தம் உயிருக்கு போராடிய போது, அந்த மர்ம நபர்கள் அவரது கை, கால்களில் பிளாஸ்டிக் டேப்பை சுற்றி கட்டிப் போட்டனர். மேலும் அங்கிருந்த போர்வையை அவரது தலையில் போர்த்தி முகத்தை மூடி, கழுத்தை டேப்பை சுற்றி கட்டிவிட்டனர். சற்று நேரத்தில் மூச்சை திணறிடித்து நித்யானந்தம் கொடூரமான முறையில் கொலை செய்யப்பட்டார். பின்னர் அந்த மர்ம நபர்கள் அங்கிருந்து தப்பி ஓடிவிட்டார்கள்.

இதனையடுத்து நேற்று காலை ஒர்க்‌ஷாப்புக்கு வந்த கார்த்திகேயன், காவலாளி நித்யானந்தம் டேப் சுற்றப்பட்டு கொலை செய்யப்பட்டு கிடந்ததை பார்த்து அதிர்ச்சி அடைந்தார்.

இதுகுறித்து நாகமலைபுதுக்கோட்டை போலீஸ் நிலையத்தில் புகார் அளிக்கப்பட்டது. போலீசார் விரைந்து வந்து காவலாளி நித்யானந்தத்தின் உடலை மீட்டு பிரேத பரிசோதனைக்காக மதுரை பெரிய ஆஸ்பத்திரிக்கு அனுப்பிவைத்தனர்.

மேலும் இதுதொடர்பாக போலீஸ் இன்ஸ்பெக்டர் முத்து வழக்குப்பதிவு செய்தார். கொலையாளிகள் யார், எதற்காக நித்யானந்தத்தை கொலை செய்தனர், முன் விரோதம் காரணமாக அவர் கொலை செய்யப்பட்டாரா? என்பது குறித்து போலீசார் தீவிர விசாரணை நடத்தி வருகின்றனர்.

இந்த சம்பவம் அந்த பகுதியில் பரபரப்பை ஏற்படுத்தியது.

தொடர்புடைய செய்திகள்

1. மதுரையில் பட்டப்பகலில் வீடுபுகுந்து பயங்கரம்: தூங்கிக் கொண்டிருந்தவரின் தலையை துண்டித்து எடுத்துச் சென்ற கும்பல்
மதுரையில் வீட்டில் தூங்கிக் கொண்டிருந்தவரை கொன்று, ஒரு கும்பல் அவரது தலையை துண்டித்துச் சென்ற சம்பவம் பரபரப்பை ஏற்படுத்தியது. கொலையாளிகளை போலீசார் தீவிரமாக தேடிவருகிறார்கள்.
2. மதுரையில் பிளாட்பாரத்துக்கு கொண்டு வந்த போது செங்கோட்டை ரெயில் பெட்டி தடம் புரண்டது
மதுரையில் பிளாட் பாரத்துக்கு கொண்டு வந்த போது செங்கோட்டை ரெயிலின் ஒரு பெட்டி தடம்புரண்டது. இதனால் அந்த ரெயில் ஒரு மணி நேரம் தாமதமாக புறப்பட்டது.
3. மதுரை-கன்னியாகுமரி இடையிலான நெடுஞ்சாலை பணிகளுக்கு ரூ.27 லட்சம் லஞ்சம் - நெடுஞ்சாலை வாரிய பொதுமேலாளர் உள்பட 4 பேர் கைது
மதுரை-கன்னியாகுமரி இடையிலான நெடுஞ்சாலை பணிகளுக்கு ரூ.27 லட்சம் லஞ்சம் வாங்கியது தொடர்பாக, நெடுஞ்சாலை வாரிய பொதுமேலாளர் உள்பட 4 பேர் கைது செய்யப்பட்டனர்.
4. மதுரை: வாக்குப்பதிவு இயந்திரம் உள்ள அறையில் மர்ம நபர் நுழைந்ததாக புகார் - பரபரப்பு
மதுரையில் வாக்குப்பதிவு இயந்திரம் உள்ள அறையில் மர்ம நபர் நுழைந்து நகல் எடுத்ததாக எழுந்த புகாரால் பரபரப்பு நிலவி வருகிறது.
5. உலக புகழ் பெற்ற மதுரை மீனாட்சி அம்மன் கோவில் திருத்தேரோட்டம் தொடங்கியது
உலக புகழ் பெற்ற மதுரை மீனாட்சி அம்மன் கோவில் திருத்தேரோட்டம் தொடங்கியது