மாவட்ட செய்திகள்

அனுமதி இல்லாமல் பட்டாசு வெடித்த வழக்கு: அர்ஜூன் சம்பத் உள்பட 5 பேருக்கு தலா ரூ.1000 அபராதம் + "||" + Case of cracked fire without the permission Including Arjun Sampat Fine for 5 people

அனுமதி இல்லாமல் பட்டாசு வெடித்த வழக்கு: அர்ஜூன் சம்பத் உள்பட 5 பேருக்கு தலா ரூ.1000 அபராதம்

அனுமதி இல்லாமல் பட்டாசு வெடித்த வழக்கு: அர்ஜூன் சம்பத் உள்பட 5 பேருக்கு தலா ரூ.1000 அபராதம்
கோவையில் அனுமதி இல்லாமல் பட்டாசு வெடித்த வழக்கில் அர்ஜூன் சம்பத் உள்பட 5 பேருக்கு தலா ரூ.1000 அபராதம் விதித்து கோவை கோர்ட்டு உத்தரவிட்டு உள்ளது.

கோவை,

பணமதிப்பிழப்பு நடவடிக்கையை கடந்த 2016–ம் ஆண்டு நவம்பர் 8–ந் தேதி மத்திய அரசு எடுத்தது. கள்ளநோட்டுகள் மற்றும் கருப்பு பணத்தை ஒழிப்பதற்காகவே இந்த நடவடிக்கை எடுக்கப்பட்டு உள்ளதாக பிரதமர் மோடி அறிவித்தார்.

இந்த நடவடிக்கையை வரவேற்று இந்து மக்கள் கட்சி (தமிழகம்) தலைவர் அர்ஜூன் சம்பத் மற்றும் நிர்வாகிகள் அன்று காலை கோவை கலெக்டர் அலுவலகம் முன்பு பட்டாசு வெடித்து மகிழ்ச்சி தெரிவித்ததுடன், அந்த வழியாக சென்றவர்களுக்கு இனிப்புகளை வழங்கினார்கள்.

இதற்கு அவர்கள் போலீசில் எவ்வித அனுமதியும் வாங்கவில்லை என்று கூறப்படுகிறது. இதையடுத்து ரேஸ்கோர்ஸ் போலீசார் அர்ஜூன் சம்பத் மற்றும் நிர்வாகிகள் செந்தில்குமார், சங்கர், சிவக்குமார், தேவகோவிந்தராஜ் ஆகிய 5 பேர் மீது அனுமதி இல்லாமல் பொது இடத்தில் எளிதில் தீப்பிடிக்கக்கூடிய பட்டாசுகளை வெடித்தல் என்ற பிரிவின் கீழ் வழக்குப்பதிவு செய்தனர்.

இந்த வழக்கு கோவை 3–வது மாஜிஸ்திரேட்டு கோர்ட்டில் நடந்து வந்தது. போலீஸ் தரப்பில் குற்றப் பத்திரிக்கையும் தாக்கல் செய்யப்பட்டது. இந்த வழக்கில் விசாரணை முடிவடைந்ததை தொடர்ந்து நேற்று தீர்ப்பு கூறப்பட்டது.

முன்னதாக மாஜிஸ்திரேட்டு வேலுசாமி, குற்றம் சாட்டப்பட்ட 5 பேரிடம் அனுமதி இல்லாமல் பட்டாசுகளை வெடித்தீர்களா என்று கேட்டார். அதற்கு அவர்கள் அனுமதி வாங்கிதான் பட்டாசுகளை வெடித்தோம் என்று கூறினார்கள்.

அப்படி என்றால் ஏன் போலீசார் நீங்கள் அனுமதி இல்லாமல் பட்டாசு வெடித்ததாக வழக்குப்பதிவு செய்து உள்ளனர் என்று கேட்டார். தொடர்ந்து அவர்கள் 5 பேருக்கும் தலா ரூ.1000 அபராதம் விதித்து மாஜிஸ்திரேட்டு வேலுசாமி தீர்ப்பு கூறினார்.


தொடர்புடைய செய்திகள்

1. கள்ளத்துப்பாக்கிகள் விற்பனையை தடுக்கக்கோரிய வழக்கு: மத்திய, மாநில அரசுகளுக்கு மதுரை ஐகோர்ட்டு அதிரடி கேள்விகள் அறிக்கை தாக்கல் செய்யவும் உத்தரவு
தமிழகத்தில் கள்ளத்துப்பாக்கி விற்பனையை தடுக்கக்கோரிய வழக்கில் மத்திய, மாநில அரசுகளுக்கு மதுரை ஐகோர்ட்டு அதிரடி கேள்விகளை எழுப்பியது. இதுதொடர்பாக அறிக்கை தாக்கல் செய்யவும் உத்தரவிட்டது.
2. படிக்கட்டுகளில் பயணம் செய்தவர்களை கண்டிக்காத அரசு பஸ் டிரைவர்-கண்டக்டர் மீது வழக்கு
அரியலூர் முதல் கீழப்பழுவூர் வரை செல்லும் சாலையில் அரியலூர் வட்டார போக்குவரத்து அதிகாரி ஜெயதேவராஜ் நேற்று திடீரென வாகன சோதனையில் ஈடுபட்டார்.
3. இரட்டை இலை சின்னம் வழக்கு: டி.டி.வி.தினகரன் சுப்ரீம் கோர்ட்டில் மேல்முறையீடு
இரட்டை இலை சின்னம் வழக்கில் டெல்லி ஐகோர்ட்டு உத்தரவுக்கு எதிராக டி.டி.வி.தினகரன் சார்பில் சுப்ரீம் கோர்ட்டில் மேல்முறையீட்டு மனு தாக்கல் செய்யப்பட்டுள்ளது.
4. மானாமதுரையில் கபடி போட்டியில் தகராறு; 4 பேருக்கு அரிவாள் வெட்டு 10 பேர் மீது வழக்கு
மானாமதுரையில் நடந்த கபடி போட்டியில் தகராறு ஏற்பட்டது. அதில் 4 பேருக்கு அரிவாள் வெட்டு விழுந்தது. இதுதொடர்பாக 10 மீது போலீசார் வழக்கு பதிவு செய்து தேடிவருகின்றனர்.
5. இரட்டை இலை சின்னம் வழக்கு: சுப்ரீம் கோர்ட்டுக்கு சென்றாலும் தினகரனால் ஜெயிக்க முடியாது அமைச்சர் கே.சி.கருப்பணன் பேட்டி
இரட்டை இலை சின்னம் வழக்கில் சுப்ரீம் கோர்ட்டுக்கு சென்றாலும் தினகரனால் ஜெயிக்க முடியாது என அமைச்சர் கே.சி.கருப்பணன் கூறினார்.