மோட்டார் சைக்கிள்- டிராக்டர் மோதல்; 2 பேர் காயம்

ஜெயங்கொண்டம், 

அரியலூர் மாவட்டம் தா.பழூர் அருகே உள்ள கார்குடி ரோட்டு தெருவை சேர்ந்தவர் முத்துலிங்கம்(வயது 41). இவரும், இவரது உறவினரான திருவிடைமருதூர் தாலுகா புளியம் பேட்டை பகுதியை சேர்ந்த கணேசனும்(18) ஒரு மோட்டார் சைக்கிளில் பாண்டிபஜார் பாலத்திற்கு அருகே சென்று கொண்டிருந்தனர். அப்போது எதிரே வந்த டிராக்டரும், மோட்டார் சைக்கிளும் நேருக்கு நேர் மோதிக்கொண்டன. இதில் முத்துலிங்கமும், கணேசனும் காயம் அடைந்தனர். அவர்களை அருகில் இருந்தவர்கள் மீட்டு சிகிச்சைக்காக ஜெயங்கொண்டம் அரசு மருத்துவமனைக்கு கொண்டு சென்றனர். இதுகுறித்த புகாரின் பேரில் தா.பழூர் போலீஸ் சப்- இன்ஸ்பெக்டர் சண்முகம் வழக்குப்பதிவு செய்து விசாரணை நடத்தி வருகிறார்.