மாவட்ட செய்திகள்

ஆண்டிப்பட்டி அருகே: அனுமதியின்றி மணல் அள்ளிய லாரிகள், பொக்லைன் எந்திரங்கள் பறிமுதல் + "||" + Near the Andipatti: Unauthorized sand lorries and pokeline machinery seized without permission

ஆண்டிப்பட்டி அருகே: அனுமதியின்றி மணல் அள்ளிய லாரிகள், பொக்லைன் எந்திரங்கள் பறிமுதல்

ஆண்டிப்பட்டி அருகே: அனுமதியின்றி மணல் அள்ளிய லாரிகள், பொக்லைன் எந்திரங்கள் பறிமுதல்
ஆண்டிப்பட்டி அருகே அனுமதியின்றி மணல் அள்ளிய லாரிகள், பொக்லைன் எந்திரங்கள் பறிமுதல் செய்யப்பட்டன.
கண்டமனூர்,

ஆண்டிப்பட்டி ஒன்றியம் தெப்பம்பட்டி மேற்குத்தொடர்ச்சி மலைப்பகுதியில், அனுமதியின்றி மணல் அள்ளப்பட்டு வந்தது. இதனால் நிலத்தடி நீர்மட்டம் அதலபாதாளத்துக்கு சென்று விட்டது. இதனால் விவசாயம் பாதிக்கப்பட்டது. இதற்கு விவசாயிகள் கடும் எதிர்ப்பு தெரிவித்தனர்.

இதன் காரணமாக, மணல் அள்ளுவதற்கு வழங்கப்பட்ட உரிமங்களை மாவட்ட நிர்வாகம் ரத்து செய்தது. இதனால் விவசாயிகள் மகிழ்ச்சி அடைந்தனர். அதேநேரத்தில் மணல் தட்டுப்பாடு காரணமாக கட்டுமானத்தொழில் கடுமையாக பாதிக்கப்பட்டது. இதனை தங்களுக்கு சாதகமாக பயன்படுத்திய சிலர் திருட்டுத்தனமாக மணலை அள்ளி கூடுதல் விலைக்கு விற்பனை செய்து வந்தனர்.

இதனையடுத்து கனிமவளத்துறை சார்பில் ஜி.உசிலம்பட்டியை சேர்ந்த ஒருவருக்கு மட்டும் தனது நிலத்தில் மணல் அள்ளி விற்பனை செய்ய அனுமதிச்சீட்டு வழங்கப்பட்டது. ஆனால் அந்த அனுமதி சீட்டை, வேறு ஒரு நபருக்கு அவர் விற்று விட்டதாக கூறப்படுகிறது. அதனை பயன்படுத்தி, அனுமதி பெறாத சிலர் தங்களது பட்டா நிலத்தில் இரவு, பகலாக மணலை அள்ளி விற்பனை செய்து வருகின்றனர்.

வரைமுறையின்றி மணல் அள்ளுவதால் நிலத்தடி நீர்மட்டம் பாதிக்கப்பட்டுள்ளது. இதுகுறித்து அப்பகுதியை சேர்ந்த விவசாயிகள் பெரியகுளம் ஆர்.டி.ஓ. ஜெயப்பிரித்தாவிடம் புகார் செய்தனர். அதன்பேரில் தெப்பம்பட்டி பகுதிக்கு ஆர்.டி.ஓ. தலைமையில் வருவாய்த்துறையினர் நேற்று நேரடியாக வந்தனர். பின்னர் அனுமதியின்றி மணல் அள்ளப்படுகிற தனியார் நிலத்தை அவர்கள் ஆய்வு செய்தனர்.

அப்போது அங்கு மணல் அள்ளிக்கொண்டிருந்த 2 பொக்லைன் எந்திரங்கள், 2 டிப்பர் லாரிகளை வருவாய்த்துறையினர் பறிமுதல் செய்தனர். அவை தாசில்தார் அலுவலக வளாகத்தில் நிறுத்தி வைக்கப்பட்டுள்ளன. மேலும் ஆண்டிப்பட்டி தாசில்தார் அர்ச்சுணன் மற்றும் நில அளவைத்துறையினர் மூலம், அனுமதியின்றி மணல் அள்ளப்பட்ட இடங்கள் அளவீடு செய்யப்பட்டன.

எவ்வளவு மணல் அள்ளப்பட்டுள்ளது என்பதை கணக்கீடு செய்து, அதற்கு ஏற்ப அபராதத்தொகை வசூலிக்கப்படும் என்று கூறப்படுகிறது. அதேநேரத்தில் கடந்த சில தினங்களாக, அனுமதியின்றி மணல் அள்ளுவதை கண்டுகொள்ளாமல் இருந்த வருவாய்த்துறையினர் மீது நடவடிக்கை எடுக்கப்படும் என்று எதிர்பார்க்கப்படுகிறது.


தொடர்புடைய செய்திகள்

1. ராசிபுரம் அருகே லாரிகள் மோதல்; டிரைவர், கிளனர் பலி
ராசிபுரம் அருகே லாரிகள் மோதிக்கொண்ட விபத்தில் டிரைவர், கிளனர் பலியாகினர்.
2. தமிழகத்தில் லாரிகள் வேலை நிறுத்த போராட்டத்துக்கு தீர்வு ஏற்படுத்த வேண்டும்
தமிழகத்தில் லாரிகள் வேலை நிறுத்த போராட்டத்துக்கு தீர்வு ஏற்படுத்த வேண்டும் என்று மத்திய மந்திரிக்கு, முதல்-அமைச்சர் எடப்பாடி பழனிசாமி கடிதம் எழுதியுள்ளார்.
3. பேச்சுவார்த்தைக்கு அழைப்பு இல்லை: லாரிகள் வேலைநிறுத்தம் தீவிரம் அடைகிறது
லாரிகள் வேலைநிறுத்த போராட்டம் தொடர்பாக மத்திய அரசிடம் இருந்து பேச்சுவார்த்தைக்கு அழைப்பு வரவில்லை என்பதால், போராட்டத்தை தீவிரப்படுத்த முடிவு செய்துள்ள சம்மேளன நிர்வாகிகள், இதில் பிரதமர் தலையிட வேண்டும் என வேண்டுகோள் விடுத்து உள்ளனர்.
4. தர்மபுரி மாவட்டத்தில் 7-வது நாளாக லாரிகள் வேலைநிறுத்தம் தொழிலாளர்கள் கடும் பாதிப்பு
தர்மபுரி மாவட்டத்தில் கோரிக்கைகளை வலியுறுத்தி லாரிகள் வேலைநிறுத்த போராட்டம் நேற்று 7-வது நாளாக நீடித்தது. இதனால் தொழிலாளர்கள் கடுமையான பாதிப்புக்குள்ளாகி உள்ளனர்.
5. லாரிகள் வேலைநிறுத்தம் 6-வது நாளாக நீடிப்பு
லாரிகள் வேலைநிறுத்தம் நேற்று 6-வது நாளாக நீடித்தது. டெல்லியில் நாளை மத்திய அரசுடன் மோட்டார் போக்குவரத்து காங்கிரஸ் நிர்வாகிகள் பேச்சுவார்த்தை நடத்த இருப்பதாக தகவல் வெளியாகி உள்ளது.