மாவட்ட செய்திகள்

விலையில்லா மடிக்கணினி வழங்கப்படுவது எப்போது? பிளஸ்-2 மாணவ-மாணவிகள் எதிர்பார்ப்பு + "||" + When is the free laptop offered? Plus 2 student expectations

விலையில்லா மடிக்கணினி வழங்கப்படுவது எப்போது? பிளஸ்-2 மாணவ-மாணவிகள் எதிர்பார்ப்பு

விலையில்லா மடிக்கணினி வழங்கப்படுவது எப்போது? பிளஸ்-2 மாணவ-மாணவிகள் எதிர்பார்ப்பு
திருச்சி மாவட்டத்தில் விலையில்லா மடிக்கணினி வழங்கப்படுவது எப்போது? என பிளஸ்-2 மாணவ-மாணவிகள் எதிர்பார்த்துள்ளனர்.
திருச்சி,

மறைந்த ஜெயலலிதா கடந்த 2011-ம் ஆண்டு முதல்- அமைச்சராக இருந்த போது பள்ளிக்கல்வி துறையில் மாணவ-மாணவிகளுக்கு பல்வேறு நலத்திட்டங்களை அறிவித்து செயல்படுத்தினார். அதில் அரசு மற்றும் அரசு உதவிபெறும் பள்ளிகளில் படிக்கும் பிளஸ்-2 மாணவ-மாணவிகளுக்கு விலையில்லா மடிக்கணினி வழங்கும் திட்டம் பெரும் வரவேற்பை பெற்றது. மாணவ- மாணவிகளும் தங்களது படிப்பு மற்றும் உயர்கல்விக்கு மடிக்கணினியை பயன்படுத்தி வருகின்றனர். ஒவ்வொரு கல்வி ஆண்டிலும் பள்ளி திறந்த ஒரு சில மாதங்களிலேயே விலையில்லா மடிக்கணினி வழங்கப்பட்டு விடும்.


இந்த நிலையில் 2018-19-ம் கல்வி ஆண்டில் பிளஸ்-2 மாணவ-மாணவிகளுக்கு விலையில்லா மடிக்கணினி வழங்கப்படுவது தாமதமாகி வருகிறது. விலையில்லா மடிக்கணினி வழங்கப்படுவது எப்போது? என திருச்சி மாவட்டத்தை சேர்ந்த பிளஸ்-2 மாணவ-மாணவிகள் எதிர்பார்த்துள்ளனர்.

இது தொடர்பாக பள்ளிக்கல்வி துறை வட்டாரத்தில் விசாரித்த போது அதிகாரிகள் கூறுகையில், “விலையில்லா மடிக்கணினி வழங்கப்படுவது அரசின் திட்டம். எப்போது வழங்கப்படும் என்பதை அரசு தான் அறிவிக்கும். அரசு அறிவித்த பின்பு தான் மாணவ-மாணவிகளுக்கு வழங்கப்படும். திருச்சி மாவட்டத்தை பொறுத்தவரை கடந்த கல்வி ஆண்டில் பிளஸ்-2 படித்த மாணவ-மாணவிகளுக்கு விலையில்லா மடிக்கணினி வழங்கப்படவில்லை.

இந்த கல்வி ஆண்டில் அவர்களுக்கும் சேர்த்து வழங்கப்படும் என எதிர்பார்க்கப்படுகிறது. மாணவ-மாணவிகளின் எண்ணிக்கை விவரம் ஏற்கனவே பள்ளிக்கல்வி துறை உயர் அதிகாரிகளுக்கு தெரிவிக்கப்பட்டு விட்டன” என்றனர். பள்ளி திறந்து வகுப்புகள் தொடங்கி அரையாண்டு தேர்வு தொடங்கி நடந்து வருகிற நிலையில் இதுவரை விலையில்லா மடிக்கணினி வழங்கப்படாதது மாணவ-மாணவிகளை வருத்தமடைய செய்துள்ளது. விலையில்லா மடிக்கணினியை விரைவில் வழங்க அதிகாரிகள் நடவடிக்கை எடுக்க வேண்டும் என மாணவ-மாணவிகள் கோரிக்கை விடுத்துள்ளனர்.

தொடர்புடைய செய்திகள்

1. மாவட்டத்தில் 9 ஆண்டுகளில் 95 ஆயிரம் மாணவர்களுக்கு விலையில்லா மடிக்கணினி அமைச்சர் தங்கமணி தகவல்
நாமக்கல் மாவட்டத்தில் கடந்த 9 ஆண்டுகளில் 95 ஆயிரம் மாணவ, மாணவிகளுக்கு விலையில்லா மடிக்கணினி வழங்கப்பட்டு இருப்பதாக அமைச்சர் தங்கமணி தெரிவித்தார்.
2. நவீனமாகும் கல்வித்துறை, 320 அரசு பள்ளி தலைமை ஆசிரியர்களுக்கு மடிக்கணினி
கல்வித்துறை நவீனமயமாவதையொட்டி 320 அரசு பள்ளி தலைமை ஆசிரியர்களுக்கு மடிக்கணினி வழங்கப்பட இருக்கிறது.
3. மாணவர்களுக்கான விலையில்லா புத்தக பை- காலணிகள்
மாணவ, மாணவிகளுக்கு வழங்குவதற்காக விலையில்லா காலணிகள் 23 ஆயிரத்து 782 எண்ணிக்கையில் லாரி மூலம் புதுக்கோட்டை மாவட்ட முதன்மை கல்வி அலுவலகத்திற்கு வந்தன.
4. அங்கன்வாடி பணியாளர்கள் 1,451 பேருக்கு செல்போன் தளவாய் சுந்தரம் வழங்கினார்
குமரி மாவட்டத்தில் அங்கன்வாடி பணியாளர்கள் 1,451 பேருக்கு விலையில்லா ஸ்மார்ட் போன் வழங்கப்பட்டது.
5. விலையில்லா வெள்ளாடுகள் வழங்கும் விழா
மேட்டுப்பாளையம் கிராமத்தில் கால்நடை பராமரிப்பு துறையின் சார்பில் தமிழக அரசின் விலையில்லா வெள்ளாடுகள் வழங்கும் விழா நடைபெற்றது.