மாவட்ட செய்திகள்

பட்டாசு தொழிலை பாதுகாக்க கோரி கருப்பு கொடி போராட்டம்; சி.ஐ.டி.யூ. தொழிற்சங்கம் அறிவிப்பு + "||" + Struggle to defend the fireworks industry

பட்டாசு தொழிலை பாதுகாக்க கோரி கருப்பு கொடி போராட்டம்; சி.ஐ.டி.யூ. தொழிற்சங்கம் அறிவிப்பு

பட்டாசு தொழிலை பாதுகாக்க கோரி கருப்பு கொடி போராட்டம்; சி.ஐ.டி.யூ. தொழிற்சங்கம் அறிவிப்பு
பட்டாசு தொழிலை பாதுகாக்கும் வகையில் சுற்றுச்சூழல் விதியிலிருந்து பட்டாசு தொழிலுக்கு முழு விலக்கு அளிக்க மத்திய அரசை வலியுறுத்தியும் மாநில அரசு சுப்ரீம் கோர்ட்டில் இதுதொடர்பான வழக்கில் மறு சீராய்வு மனு தாக்கல் செய்ய கோரியும் பட்டாசு தொழிலாளர்கள் வீடுகளில் கருப்பு கொடியேற்றும் போராட்டம் நடத்த போவதாக சி.ஐ.டி.யு. தொழிற்சங்கம் அறிவித்துள்ளது.

விருதுநகர்,

சி.ஐ.டி.யு. தொழிற்சங்க மாவட்ட செயலாளர் தேவா நிருபர்களிடம் கூறியதாவது:–

பட்டாசு ஆலைகள் கடந்த 1 மாதமாக மூடப்பட்டுள்ள நிலையில் 5 லட்சத்திற்கும் மேற்பட்ட தொழிலாளிகள் வாழ்வாதாரம் இழந்து பெரும் பாதிப்பு அடைந்துள்ளனர். இதனால் விருதுநகர் மாவட்ட பொருளாதார நிலையும் பெருமளவு பாதிக்கப்பட்டுள்ளது. மத்திய மாநில அரசுகள் பட்டாசு தொழிலை பாதுகாக்க உரிய நடவடிக்கை எடுக்காத நிலை நீடிக்கிறது. மத்திய அரசு பசுமை பட்டாசு என்ற காரணத்தை கூறி பட்டாசு ஆலைகளை மூடும் நடவடிக்கையை மேற்கொண்டுள்ளது.

இந்நிலையில் வருகிற 18–ந்தேதி பட்டாசுஆலை தொழிலாளர்கள் மத்திய அரசு சுற்றுச்சூழல் விதியிலிருந்து முழு விலக்கு அளிக்க கோரியும் மாநில அரசு இது தொடர்பான வழக்கில் மறு சீராய்வு மனு தாக்கல் செய்ய கோரியும் தங்களது வீடுகளில் கருப்புக்கொடி ஏற்றுவதுடன் அந்தந்த கிராமங்களில் ஆர்ப்பாட்டமும் நடத்த உள்ளனர். மாவட்டம் முழுவதும் 100–க்கும் மேற்பட்ட கிராமங்களில் இந்த ஆர்ப்பாட்டம் நடைபெறும்.

இதனை தொடர்ந்து இம்மாதம் 21–ந்தேதி பட்டாசு உற்பத்தியாளர்கள் மற்றும் லாரி உரிமையாளர்கள் ஆகியோருடன் இணைந்து பட்டாசு தொழிலாளர்கள் கோரிக்கையை வலியுறுத்தி கலெக்டரிடம் மனு கொடுப்பதுடன் கலெக்டர் அலுவலக வளாகத்தில் காத்திருப்பு போராட்டத்திலும் ஈடுபட உள்ளனர். மத்திய மாநில அரசுகள் பாதிக்கப்பட்டுள்ள பட்டாசு ஆலை தொழிலாளர்களுக்கு நிவாரண உதவி வழங்கவும் நடவடிக்கை எடுக்க வேண்டும். இவ்வாறு அவர் பேட்டியளித்தார்.


தொடர்புடைய செய்திகள்

1. இலங்கை சிறையில் உள்ள மாணவர்கள் உள்பட 8 மீனவர்களை விடுவிக்காவிட்டால் போராட்டம் - மீனவர்கள் அறிவிப்பு
இலங்கை சிறையில் உள்ள 2 மாணவர்கள் உள்பட 8 மீனவர்களை விடுவிக்காவிட்டால் போராட்டம் நடத்த உள்ளதாக மீனவர்கள் தெரிவித்துள்ளனர்.
2. பல்லடத்தில் மொபட் மீது பஸ் மோதல்; கட்டிட தொழிலாளி பரிதாப சாவு பொதுமக்கள் போராட்டம்
பல்லடத்தில் மொபட் மீது தனியார் பஸ் மோதிய விபத்தில் கட்டிடதொழிலாளி பரிதாபமாக இறந்தார். இதன் காரணமாக ஆத்திரம் அடைந்த பொதுமக்கள் பஸ்சை தாக்கி போராட்டத்தில் ஈடுபட்டனர்.
3. இலங்கை சிறையில் உள்ள மாணவர்களை விடுதலை செய்யாவிட்டால் போராட்டம், மீனவர்கள் அறிவிப்பு
இலங்கை சிறையில் உள்ள 2 மாணவர்களை உடனடியாக விடுதலை செய்யாவிட்டால் போராட்டத்தில் ஈடுபடுவோம் என்று சம்பந்தப்பட்ட மீனவர்களின் பெற்றோர் தெரிவித்துள்ளனர்.
4. சத்தியமங்கலம் அருகே பரபரப்பு; இலவச பொருட்களுடன் மலைவாழ் மக்கள் தேர்தல் புறக்கணிப்பு போராட்டம், அடிப்படை வசதிகளை நிறைவேற்ற கோரி நடந்தது
அடிப்படை வசதிகளை நிறைவேற்ற கோரி சத்தியமங்கலம் அருகே இலவச பொருட்களுடன் மலைவாழ் மக்கள் தேர்தல் புறக்கணிப்பு போராட்டத்தில் ஈடுபட்டதால் பரபரப்பு ஏற்பட்டது.
5. ஈரோடு ஆர்.என்.புதூரில் வீடுகளில் கருப்பு கொடி ஏற்றி பொதுமக்கள் போராட்டம் அடிப்படை வசதி கேட்டு நடந்தது
ஈரோடு ஆர்.என்.புதூரில் அடிப்படை வசதி செய்து தரக்கோரி பொதுமக்கள் தங்களது வீடுகளில் கருப்பு கொடி ஏற்றி போராட்டத்தில் ஈடுபட்டனர்.