காங்கிரஸ் சார்பில் 19 வாரிய தலைவர்கள் நியமனம் மந்திரி பதவி கிடைக்காத எம்.எல்.ஏ.க்களின் அதிருப்தியை சமாளிக்க நடவடிக்கை


காங்கிரஸ் சார்பில் 19 வாரிய தலைவர்கள் நியமனம் மந்திரி பதவி கிடைக்காத எம்.எல்.ஏ.க்களின் அதிருப்தியை சமாளிக்க நடவடிக்கை
x
தினத்தந்தி 22 Dec 2018 11:00 PM GMT (Updated: 22 Dec 2018 9:56 PM GMT)

கர்நாடகத்தில் காங்கிரஸ் சார்பில் 19 வாரியங்களுக்கு தலைவர்கள் நியமனம் செய்யப்பட்டுள்ளனர்.

பெங்களூரு, 

கர்நாடகத்தில் காங்கிரஸ் சார்பில் 19 வாரியங்களுக்கு தலைவர்கள் நியமனம் செய்யப்பட்டுள்ளனர். மந்திரி பதவி கிடைக்காமல் அதிருப்தியில் இருக்கும் எம்.எல்.ஏ.க்களை சமாளிக்க இந்த நடவடிக்கை எடுக்கப்பட்டுள்ளது.

வாரிய தலைவர்கள் நியமனம்

கர்நாடகத்தில் காங்கிரஸ்-ஜனதா தளம்(எஸ்) கூட்டணி அமைத்து ஆட்சியை பிடித்தது. முதல்-மந்திரி குமாரசாமி தலைமையிலான இந்த அரசு பதவியேற்று 7 மாதங்கள் ஆன நிலையில், நேற்று முதல் முறையாக மந்திரி சபை விரிவாக்கம் செய்யப்பட்டது.

நேற்று நடந்த விழாவில் காங்கிரஸ் கட்சியை சேர்ந்த 8 பேர் புதிய மந்திரியாக பொறுப்பு ஏற்றுக்கொண்டனர். மேலும் மந்திரி பதவி கிடைக்காத காங்கிரஸ் எம்.எல்.ஏ.க்கள் அதிருப்தி அடைந்தனர். இதனால் அவர்களின் அதிருப்தியை சமாளிக்க எம்.எல்.ஏ.க்கள் 19 வாரியங்களின் தலைவர்களாக நியமிக்கப்பட்டுள்ளனர். அதன் விவரம் வருமாறு:-

நரேந்திரா

* கர்நாடக ராணுவ நில வாரிய தலைவர்- சங்கமேஷ்வர், கர்நாடக உணவு மற்றும் பொது வினியோக வாரிய தலைவர்-நரேந்திரா, கர்நாடக வனமேம்பாட்டு வாரிய தலைவர்- நாராயணராவ், கர்நாடக சாலை மேம்பாட்டு வாரிய தலைவர்- வெங்கடரமணய்யா, கர்நாடக மாநில பண்டகசாலை வாரிய தலைவர்- உமேஷ் ஜாதவ்,

ஹட்டி தங்கம் நிறுவன தலைவர்- ரகு மூர்த்தி, கர்நாடக பட்டு தொழில் வாரிய தலைவராக சுப்பாரெட்டி,

முனிரத்னா

* கர்நாடக நகர குடிநீர் வினியோகம் மற்றும் வடிகால் வாரிய தலைவர்- யஷ்வந்தராயகவுடா. வி.பட்டீல், கர்நாடக சோப்பு மற்றும் டிடர்ஜென்ட் நிறுவனத்தின் தலைவர்-பசவராஜ், கர்நாடக மாநில எலெக்ட்ரானிக்ஸ் மேம்பாட்டு கழகத்தின் தலைவர்- சிவண்ணா, டாக்டர். பி.ஆர். அம்பேத்கர் மேம்பாட்டு வாரிய தலைவர்- நாராயணசாமி,

கர்நாடக திறன் மேம்பாட்டு வாரிய தலைவர்- முனிரத்னா, வடமேற்கு போக்குவரத்து கழகத்தின் தலைவர்- சிவராம் ஹெப்பார்,

என்.ஏ.ஹாரீஸ்

* பெங்களூரு மாநகர போக்குவரத்து கழகத்தின் தலைவர்- என்.ஏ.ஹாரீஸ், பெங்களூரு வளர்ச்சி வாரிய தலைவர்- சோமசேகர், கர்நாடக மாநில சிறுதொழில் மேம்பாட்டு கழக தலைவர்- பி.எஸ்.சுரேஷ், மாசு கட்டுப்பாட்டு வாரிய தலைவர்- கே.சுதாகர், மைசூரு கனிம நிறுவன தலைவர்- லட்சுமி ஹெப்பால்கர், மலநாடு பகுதி மேம்பாட்டு வாரிய தலைவர்-ராஜு கவுடா ஆகியோர் நியமிக்கப்பட்டுள்ளனர்.

Next Story