மாவட்ட செய்திகள்

சமைக்கவில்லை எனக்கூறி கணவன் அடித்து உதைத்ததால்3 குழந்தைகளுக்கு விஷம் கொடுத்துவிட்டு தாய் தற்கொலை முயற்சி + "||" + Because the husband kicked and chewed 3 Parents are poisoned and the mother is trying to commit suicide

சமைக்கவில்லை எனக்கூறி கணவன் அடித்து உதைத்ததால்3 குழந்தைகளுக்கு விஷம் கொடுத்துவிட்டு தாய் தற்கொலை முயற்சி

சமைக்கவில்லை எனக்கூறி கணவன் அடித்து உதைத்ததால்3 குழந்தைகளுக்கு விஷம் கொடுத்துவிட்டு தாய் தற்கொலை முயற்சி
சமைக்கவில்லை எனக் கூறி கணவன் அடித்து உதைத்ததால் 3 குழந்தைகளுக்கு விஷம் கொடுத்துவிட்டு தாய் தற் கொலைக்கு முயன்றார். அவர்கள் 4 பேருக்கும் ஆஸ்பத்திரியில் சிகிச்சை அளிக்கப்படுகிறது.
கரூர், 


கரூர் மாவட்டம், குளித்தலை அருகே உள்ள பட்டவர்த்தியை சேர்ந்தவர் துரைபாண்டி. கூலி தொழிலாளி. இவருக்கு திருமணமாகி கார்த்திகா (வயது 28) என்ற மனைவியும், கனிஷ்கா (8), தனுஷ்கா (6), துர்கா (3) ஆகிய 3 பெண் குழந்தைகளும் உள்ளனர். துரைபாண்டிக்கு குடிப்பழக் கம் இருந்துவந்துள்ளது.

இதனால் கணவன்-மனைவி இடையே அடிக்கடி குடும்ப பிரச்சினை ஏற்படுமாம். இந்தநிலையில் நேற்று முன்தினம் மாலை வீட்டுக்கு துரைபாண்டியன் மது அருந்திவிட்டு வந்ததாக கூறப்படுகிறது.

மேலும் தான் காய்கறிகள் வாங்கி கொடுத்தும் அதை சமைக்கவில்லை எனக்கூறி, மனைவி கார்த்திகாவை திட்டி அடித்த உதைத்து விட்டு வெளியே சென்றுள்ளார். இதனால் மனமுடைந்த கார்த்திகா தற்கொலை செய்ய முடிவு செய்து அரளிவிதையை (விஷவிதையை) அரைத்து அதை உணவில் கலந்து சாப்பிட்டுள்ளார். தான் இறந்த பிறகு தனது மகள்கள் துன்பப்படுவார்கள் என நினைத்து தனது 3 மகள்களுக்கும் விஷம் கலந்த உணவை கொடுத்துள்ளார்.

இதன்பின்னர் அன்று இரவு வீட்டிற்கு வந்த தனது கணவன் துரைபாண்டியிடம், அரளிவிதை கலந்த உணவை தானும், 3 குழந்தைகளும் சாப்பிட்டதாக தெரிவித்துள்ளார். இதையடுத்து துரைப்பாண்டி அக்கம்பக்கத்தினர் உதவியுடன் 4 பேரையும் மீட்டு சிகிச்சைக்காக ஆஸ்பத்திரியில் சேர்த்தார். இதில் கனிஷ்கா, தனுஷ்கா ஆகிய இருவர் மட்டும் தீவிர சிகிச்சை பிரிவில் உள்ளனர். இந்த சம்பவம் குறித்து குளித்தலை போலீசார் விசாரணை நடத்தி வருகின்றனர்.

தொடர்புடைய செய்திகள்

1. ஜெயங்கொண்டத்தில் மின்சாரம் வழங்கக்கோரி குடும்பத்துடன் விவசாயி தற்கொலை முயற்சி பொதுமக்கள் சாலை மறியலால் பரபரப்பு
ஜெயங்கொண்டத்தில் மின்சாரம் வழங்கக்கோரி குடும்பத்துடன் விவசாயி தற்கொலைக்கு முயன்றார். மின்சாரம் வழங்க கூடாது என்று கூறி பொதுமக்கள் சாலை மறியலில் ஈடுபட்டதால் பரபரப்பு ஏற்பட்டது.
2. அணைக்கரை செக்போஸ்டில் பணியில் இருந்த போலீஸ்காரர் விஷம் குடித்து தற்கொலை முயற்சி பிறந்த நாளை கேக் வெட்டி கொண்டாடி விட்டு விபரீத முடிவு
அணைக்கரை செக்போஸ்டில் பணியில் இருந்த போலீஸ் காரர் விஷம் குடித்து தற்கொலை முயற்சியில் ஈடுபட்டார். பிறந்த நாளை கேக் வெட்டி கொண்டாடிவிட்டு அவர் இந்த விபரீத முடிவை மேற்கொண்டார்.
3. பெற்றோர் பிரித்து விடுவார்கள் என நினைத்து விஷம் குடித்து காதலி தற்கொலை - காதலனுக்கு தீவிர சிகிச்சை
துடியலூர் அருகே காதல் ஜோடி விஷம் குடித்து தற்கொலைக்கு முயன்றனர். இதில் காதலி சிகிச்சை பலனின்றி பரிதாபமாக இறந்தார். காதலனுக்கு தொடர்ந்து சிகிச்சை அளிக்கப்பட்டு வருகிறது.
4. சேலத்தில் வெவ்வேறு இடங்களில் கல்லூரி மாணவிகள் 2 பேர் தற்கொலை முயற்சி
சேலத்தில் வெவ்வேறு இடங்களில் கல்லூரி மாணவிகள் 2 பேர் தற்கொலை முயற்சியில் ஈடுபட்டனர்.
5. வேலூர் கோர்ட்டு அருகே மனநிலை பாதித்தவர் மரத்தில் ஏறி மின்கம்பியில் தொங்கி தற்கொலை முயற்சி ஊழியர்கள் கயிறுகட்டி இறக்கினர்
வேலூர் கோர்ட்டு அருகே மனநிலை பாதிக்கப்பட்ட ஒருவர் மரத்தில் ஏறி மின்கம்பியில் தொங்கி தற்கொலைக்கு முயன்றார். மின்சாரம் துண்டிக்கப்பட்டதால் உயிர்தப்பினார் அவரை மின் ஊழியர்கள் கயிறு கட்டி கீழே இறக்கினர். இந்த சம்பவத்தால் பரபரப்பு ஏற்பட்டது.