மாவட்ட செய்திகள்

பொங்கல் பண்டிகையையொட்டி அறுவடைக்கு தயாரான கரும்புகள் உரிய விலை கிடைக்குமா? என விவசாயிகள் எதிர்பார்ப்பு + "||" + Will the pulses be prepared for the harvest at the Pongal festival? Farmers expectation

பொங்கல் பண்டிகையையொட்டி அறுவடைக்கு தயாரான கரும்புகள் உரிய விலை கிடைக்குமா? என விவசாயிகள் எதிர்பார்ப்பு

பொங்கல் பண்டிகையையொட்டி அறுவடைக்கு தயாரான கரும்புகள் உரிய விலை கிடைக்குமா? என விவசாயிகள் எதிர்பார்ப்பு
பொங்கல் பண்டிகையையொட்டி கரும்புகள் அறுவடைக்கு தயார் நிலையில் உள்ளன. உரிய விலை கிடைக்குமா? என்று விவசாயிகள் எதிர்பார்க்கின்றனர்.
விக்கிரமங்கலம்,

பொங்கல் பண்டிகையின்போது ஒவ்வொருவரின் வீடுகளில் இடம்பெறுவது கரும்பு தான். சிறுவர்கள் முதல் பெரியவர்கள் வரை கரும்பு பிடிக்காதவர்கள் என்று யாரும் இருக்கமாட்டார்கள். அரியலூர் மாவட்டத்தில் உடையார்பாளையம், கொலையனூர், உல்லியக்குடி, ஆலம்பள்ளம், சுத்தமல்லி, சுந்தரேசபுரம், ஸ்ரீபுரந்தான் பொய்யூர் உள்ளிட்ட பல்வேறு பகுதிகளில் 15 ஏக்கருக்கு மேல் கரும்பு சாகுபடி செய்யப்பட்டுள்ளது.


கடந்த சில மாதங்களுக்கு முன்பு விதை கரும்பு நட்டு தொடர்ந்து உரம், தண்ணீர் விட்டு பராமரித்து வந்தனர். விளைந்த நிலையில் சில இடங்களில் வயலிலேயே கரும்புகளை வைத்து சில்லறையாகவும், மொத்தமாகவும் விற்பனை செய்ய தொடங்கி உள்ளனர். சென்ற ஆண்டைவிட இந்த ஆண்டு சரியாக மழை இல்லாததாலும், வேலையாட்கள் பற்றாக்குறையாலும் கரும்புகளின் விலை உயர தொடங்கி உள்ளது. ஒரு கரும்பின் விலை ரூ.15 முதல் ரூ.25 வரையிலும், 10 கரும்பு கொண்ட ஒரு கட்டு ரூ.250 முதல் ரூ.350 வரையிலும் விற்கப்படும் என தெரிகிறது.

இந்த நிலையில் கரும்புகள் அறுவடைக்கு தயாராகி உள்ளது. இதனை அறுவடை செய்ய விவசாயிகள் தற்போது தயாராகி வருகின்றனர்.

அரியலூர் மாவட்டத்தில் அறுவடை செய்யப்படும் கரும்புகள் கரூர், திருச்சி, பெரம்பலூர், மதுரை, தஞ்சை உள்ளிட்ட பல்வேறு மாவட்டங்களுக்கு விற்பனைக்கு அனுப்பி வைக்கப்படும் என்று விவசாயிகள் தெரிவிக்கின்றனர்.

இதுகுறித்து விவசாயி ஒருவர் கூறுகையில், கரும்பு ஓராண்டு கால பயிர் என்பதால் நாங்கள் கடந்த ஆண்டு பொங்கல் முடிந்த உடன் சாகுபடி செய்ய தொடங்கி, தொடர் பராமரிப்பு பணியில் ஈடுபட்டு வந்தோம். தற்போது வயலில் கரும்புகள் அறுவடைக்கு தயார் நிலையில் உள்ளது. இந்த ஆண்டு பருவமழை இல்லாததால் தண்ணீர், ஆள்பற்றாக்குறையால் அதிக செலவு ஏற்பட்டுள்ளது. அதனால் கரும்புக்கு உரிய விலை கிடைக்கும் என எதிர்பார்க்கிறோம். தற்போது தமிழக அரசு பொங்கல் பையுடன் கரும்பை சேர்த்துள்ளது மகிழ்ச்சியளிக்கிறது. ஆனால் கொள்முதல் செய்யவரும் அதிகாரிகள் 1 கரும்பு ரூ.8 முதல் ரூ.10 வரை மட்டுமே கேட்டுச்செல்கின்றனர். ஆனால் 1 கரும்பு ரூ.15-ல் இருந்து ரூ.20 வரை விற்றால் மட்டுமே உற்பத்தி செய்த விலை கிடைக்கும். மேலும் கரும்பு பொங்கல் பண்டிகை 2 தினங்களுக்கு முன்பு அறுவடை செய்யப்படும் என தெரிவித்தார். 

தொடர்புடைய செய்திகள்

1. சாலை மறியலில் ஈடுபட்ட விவசாயிகள் 45 பேர் கைது
ஜெயங்கொண்டம் காந்தி பூங்காவிலிருந்து ஊர்வலமாக புறப்பட்டு, நான்கு ரோடு சந்திப்பு வந்து, பின்னர் தபால் நிலையம் அருகே சாலையில் அமர்ந்து மறியலில் ஈடுபட்டனர்.
2. எதிர்ப்பை மீறி சுண்ணாம்புக்கல் லாரிகள் செல்ல பாதை அமைப்பு ஆய்வு நடத்தியவரின் காலில் விழுந்து பெண் கதறல்
செந்துறை அருகே எதிர்ப்பை மீறி சுண்ணாம்புக்கல் ஏற்றிச் செல்லும் லாரிகள் செல்ல பாதை அமைக்கப்பட்டது. இதனை ஆய்வு செய்யவந்த வக்கீல் காலில் விழுந்து பெண் கதறியதால் பரபரப்பு ஏற்பட்டது.
3. பருவமழை கைவிட்டதால் காய்ந்து கிடக்கும் கடைமடை ஏரிகள் விவசாயிகள் வேதனை
பருவமழை கைவிட்டதால் கடைமடை பகுதியில் உள்ள ஏரிகள் காய்ந்து கிடக்கின்றன. இதனால் விவசாயிகள் வேதனையில் உள்ளனர்.
4. விவசாயிகள் காங்கிரஸ் கட்சிக்கு ஓட்டு வங்கி; எங்களுக்கு உணவு அளிப்பவர்கள்: பிரதமர் மோடி பேச்சு
விவசாயிகள் காங்கிரஸ் கட்சிக்கு ஓட்டு வங்கியாக உள்ளனர். ஆனால் எங்களுக்கு உணவு அளிப்பவர்களாக உள்ளனர் என பிரதமர் மோடி பேசியுள்ளார்.
5. தஞ்சை நுகர்பொருள் வாணிப கழக அலுவலகம் முன்பு தரையில் நெல்லை கொட்டி விவசாயிகள் போராட்டம்
தஞ்சை நுகர்பொருள் வாணிப கழக அலுவலகம் முன்பு 20 சதவீதம் ஈரப்பதம் வரை உள்ள நெல்லை கொள்முதல் செய்ய வலியுறுத்தி தரையில் நெல்லை கொட்டி விவசாயிகள் போராட்டத்தில் ஈடுபட்டனர்.