மாவட்ட செய்திகள்

கூட்டுறவு சர்க்கரை ஆலையை அரசே ஏற்று நடத்த வேண்டும்: கரும்பு விவசாயிகள் உண்ணாவிரதம் + "||" + The Cooperative Sugar Factory should be adopted by the Government

கூட்டுறவு சர்க்கரை ஆலையை அரசே ஏற்று நடத்த வேண்டும்: கரும்பு விவசாயிகள் உண்ணாவிரதம்

கூட்டுறவு சர்க்கரை ஆலையை அரசே ஏற்று நடத்த வேண்டும்: கரும்பு விவசாயிகள் உண்ணாவிரதம்
புதுவை கூட்டுறவு சர்க்கரை ஆலையை அரசே ஏற்று நடத்தக்கோரி கரும்பு விவசாயிகள் உண்ணாவிரதம் இருந்தனர்.

புதுச்சேரி,

லிங்காரெட்டிபாளையம் கூட்டுறவு சர்க்கரை ஆலையை அரசே ஏற்று நடத்த வேண்டும், கரும்பு விவசாயிகளுக்கு வழங்க வேண்டிய பாக்கித் தொகையை உடனே வழங்கவேண்டும், முத்தரப்பு கூட்டம் என்ற பெயரில் விவசாயிகளை அழைத்து பழைய பாக்கிகளை பற்றி பேசாமல் 2016–17ம் ஆண்டு பாக்கி ரூ.9 கோடியே 61 லட்சத்தை பொங்கல் பண்டிகைக்கு முன்பு வழங்க எடுத்த முடிவினை அமல்படுத்த வேண்டும் என்பன போன்ற கோரிக்கைகளை புதுச்சேரி கரும்பு விவசாயிகள் சங்கத்தினர் வலியுறுத்தி வருகின்றனர்.

தங்கள் கோரிக்கையை வலியுறுத்தி புதுவை சுதேசி மில் அருகே கரும்புகளுடன் உண்ணாவிரதம் இருந்தனர். உண்ணாவிரதத்துக்கு புதுவை கரும்பு விவசாயிகள் சங்க கவுரவ தலைவர் வடிவேல் தலைமை தாங்கினார். ராமமூர்த்தி, முருகையன் ஆகியோர் முன்னிலை வகித்தனர்.

அகில இந்திய விவசாயிகள் சங்க முன்னாள் தலைவர் நிலவழகன் உண்ணாவிரதத்தை தொடங்கிவைத்தார். மார்க்சிஸ்ட் கம்யூனிஸ்டு செயலாளர் ராஜாங்கம் வாழ்த்திப் பேசினார்.

உண்ணாவிரதத்தில் விவசாய சங்க நிர்வாகிகள் சங்கர், பத்மநாபன், ராமமூர்த்தி, முத்துலிங்கம், ராமசாமி, அன்புமணி உள்பட பலர் கலந்துகொண்டனர்.


தொடர்புடைய செய்திகள்

1. விவசாயிகளுக்கு ரூ.6 ஆயிரம் வழங்கும் திட்டம் மோடிக்கு வாக்குகளை பெற்றுத்தரும் - ஆய்வில் தகவல்
விவசாயிகளுக்கு ரூ.6 ஆயிரம் வழங்கும் திட்டம் மோடிக்கு வாக்குகளை பெற்றுத்தரும் என ஆய்வு ஒன்றில் தெரிவிக்கப்பட்டுள்ளது.
2. மத்திய அரசின் நிதி திட்டத்தில் பயன்பெறும் விவசாயிகள் பட்டியல் கிராம நிர்வாக அலுவலகங்களில் ஒட்டப்பட்டுள்ளது கலெக்டர் தகவல்
மத்திய அரசின் நிதி திட்டத்தில் பயன் பெறும் விவசாயிகளின் பட்டியல் கிராம நிர்வாக அலுவலகங்களில் ஒட்டப்பட்டுள்ளது என்று கலெக்டர் ஜெயகாந்தன் தெரிவித்தார்.
3. ஊக்கத்தொகை பெற விவசாயிகள் உரிய விண்ணப்பிக்கலாம் மாவட்ட கலெக்டர் வீரராகவ ராவ் தகவல்
பிரதம மந்திரி கிஷான் சம்மான் நிதி திட்டத்தின்கீழ் ஊக்கத்தொகை பெறுவதற்கு தகுதியான விவசாயிகள் உரிய ஆவணங்களுடன் விண்ணப்பிக்கலாம் என மாவட்ட கலெக்டர் வீரராகவ ராவ் தெரிவித்துள்ளார்.
4. மத்தியில் ராகுல் காந்தி தலைமையில் ஆட்சி அமைந்தவுடன் விவசாய கடன்கள் தள்ளுபடி செய்யப்படும் காங்கிரஸ் கட்சியின் அகில இந்திய செயலாளர் சஞ்சய்தத் பேச்சு
மத்தியில் ராகுல்காந்தி தலைமையில் காங்கிரஸ் கட்சி ஆட்சி அமைந்தவுடன் விவசாய கடன்கள் தள்ளுபடி செய்யப்படும் என்று காங்கிரஸ் கட்சியின் அகில இந்திய செயலாளர் சஞ்சய்தத் கூறினார்.
5. ராமநாதபுரத்தை வறட்சி மாவட்டமாக அறிவிக்கக்கோரி விவசாயிகள் ஆர்ப்பாட்டம்
ராமநாதபுரம் கலெக்டர் அலுவலகம் முன்பு தமிழ்நாடு விவசாயிகள் சங்கம் சார்பில் கண்டன ஆர்ப்பாட்டம் நடைபெற்றது.

ஆசிரியரின் தேர்வுகள்...