நாமக்கல் மண்டலத்தில் முட்டை விலை 10 காசுகள் சரிவு 415 காசுகளாக நிர்ணயம்

நாமக்கல்,

நாமக்கல் மண்டலத்தில் முட்டை கொள்முதல் விலை 425 காசுகளாக இருந்து வந்தது. இந்த நிலையில் நேற்று நாமக்கல்லில் நடந்த தேசிய முட்டை ஒருங்கிணைப்பு குழு கூட்டத்தில் முட்டையின் கொள்முதல் விலையை 10 காசுகள் குறைக்க முடிவு செய்தனர். இதன்படி முட்டை கொள்முதல் விலை 415 காசுகளாக சரிவடைந்து உள்ளது.

பிற மண்டலங்களில் முட்டை விலை (காசுகளில்) வருமாறு:- சென்னை-440, ஐதராபாத்-398, விஜயவாடா, தனுகு-425, பார்வாலா-400, மும்பை-460, மைசூரு-435, பெங்களூரு-425, கொல்கத்தா-472, டெல்லி-435.

முட்டைக்கோழி கிலோ ரூ.69-க்கு விற்பனை செய்யப்பட்டு வந்தது. இந்த நிலையில் நேற்று நாமக்கல்லில் நடந்த முட்டைக்கோழி ஒருங்கிணைப்பு குழு கூட்டத்தில் அதன் விலையை கிலோவுக்கு ரூ.2 குறைக்க முடிவு செய்தனர். எனவே முட்டைக்கோழி விலை கிலோ ரூ.67-ஆக சரிவடைந்து உள்ளது. கறிக்கோழி கிலோ ரூ.83-க்கு விற்பனை செய்யப்பட்டு வருகிறது. அதன் விலையில் மாற்றம் செய்யப்படவில்லை என பண்ணையாளர்கள் தெரிவித்தனர்.

பொங்கல் பண்டிகை மற்றும் தைப்பூசத்தையொட்டி தமிழகத்தில் முட்டை தேவை பொதுமக்கள் இடையே வெகுவாக குறைந்து உள்ளது. இதனால் நாமக்கல் மண்டலத்தில் அதிக அளவில் முட்டைகள் தேக்கம் அடைந்து உள்ளன. எனவே முட்டை விற்பனையை அதிகரிக்க அதன் கொள்முதல் விலை குறைக்கப்பட்டு இருப்பதாக பண்ணையாளர்கள் தெரிவித்தனர்.