மாவட்ட செய்திகள்

கன்னியகோவில் பகுதியில் மாட்டு வண்டிகளுடன் தொழிலாளர்கள் போராட்டம் + "||" + Workers struggle with cow carts

கன்னியகோவில் பகுதியில் மாட்டு வண்டிகளுடன் தொழிலாளர்கள் போராட்டம்

கன்னியகோவில் பகுதியில் மாட்டு வண்டிகளுடன் தொழிலாளர்கள் போராட்டம்
கோரிக்கைகளை வலியுறுத்தி மாட்டு வண்டிகளுடன் தொழிலாளர்கள் மறியல் போராட்டத்தில் ஈடுபட்டதால் புதுவை– கடலூர் சாலையில் போக்கு வரத்து பாதிக்கப்பட்டது.

பாகூர்,

மாட்டு வண்டி தொழிலாளர்களை அங்கீகாரம் செய்து நலவாரியத்தில் சேர்க்க வேண்டும், மாட்டு வண்டி தொழிலாளர்கள் மீது போடப்பட்டு உள்ள குண்டர் தடை சட்டத்தை வாபஸ் பெற வேண்டும், தொழிலாளர் குடும்பத்துக்கு ரூ. 5 ஆயிரம் நிவாரணம் வழங்க வேண்டும், பறிமுதல் செய்யப்பட்ட மாட்டு வண்டிகளை நிபந்தனை இன்றி தொழிலாளர்களிடம் ஒப்படைக்க வேண்டும் என்பது உள்பட பல்வேறு கோரிக்கைகளை வலியுறுத்தி கன்னிய கோவில் பகுதியில் மாட்டு வண்டிகளுடன் தொழிலாளர்கள் மறியலில் ஈடுபட்டனர்.

புதுவை பிரதேச மாட்டு வண்டி தொழிலாளர் சங்கம் (சி.ஐ.டி.யூ) மற்றும் இந்திய தொழிற்சங்க மைய கவுன்சில் ஆகியவை சார்பில் நடந்த இந்த மறியல் போராட்டத்துக்கு சிவானந்தம் தலைமை தாங்கினார். நிர்வாகிகள் செல்வராஜ், கலியமூர்த்தி, அரிதாஸ், குணசேகரன், தமிழ்செல்வன், சீனுவாசன், ராமசாமி ஆகியோர் முன்னிலை வகித்தனர். போராட்டத்தில் ஈடுபட்டவர்கள் கவர்னர் மற்றும் அரசுக்கு எதிராக கோ‌ஷங்களை எழுப்பினார்கள்.

இதில் பாகூர், குருவிநத்தம், கிருமாம்பாக்கம், மதிகிருஷ்ணாபுரம், சோரியாங்குப்பம் உள்ளிட்ட 100க்கும் மேற்பட்ட தொழிலாளர்கள் கலந்து கொண்டனர். போராட்டத்தில் ஈடுபட்டவர்களுடன் இன்ஸ்பெக்டர்கள் கவுதம் சிவகணேஷ், பாபுஜி, சப்–இன்ஸ்பெக்டர்கள் தன்வந்திரி, வீரன், சந்திரசேகரன், திருமுருகன், மற்றும் கிருமாம்பாக்கம் போலீசார் சமரச பேச்சுவார்த்தை நடத்தினார்கள்.

ஆனால் தொடர்ந்து மறியலில் ஈடுபட்டதால் மாட்டு வண்டி தொழிலாளர்களை போலீசார் கைது செய்து கிருமாம்பாக்கம் போலீஸ் நிலையத்துக்கு கொண்டு சென்றனர். இந்த மறியல் காரணமாக புதுவை –கடலூர் சாலையில் போக்குவரத்து பாதிக்கப்பட்டது.


தொடர்புடைய செய்திகள்

1. ஹைட்ரோகார்பன் திட்டத்தை ரத்து செய்யக்கோரி கடலூரில் அனைத்து கட்சியினர் மனித சங்கிலி போராட்டம்
ஹைட்ரோ கார்பன் திட்டத்தை ரத்து செய்யக்கோரி கடலூரில் தி.மு.க. கிழக்கு மாவட்ட செயலாளர் எம்.ஆர்.கே.பன்னீர்செல்வம் தலைமையில் மனிதசங்கிலி போராட்டம் நடைபெற்றது.
2. திருவெண்ணெய்நல்லூர் அருகே பரபரப்பு மணல் குவாரி அமைக்கும் பணியை தடுத்து நிறுத்தி 8 கிராம மக்கள் போராட்டம்
திருவெண்ணெய்நல்லூர் அருகே மணல் குவாரி அமைக்கும் பணியை தடுத்து நிறுத்தி 8 கிராம மக்கள் போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.
3. சாலை போக்குவரத்து கழகத்தில் தனியார் மயத்தை கைவிடக்கோரி போராட்டம் ஊழியர்கள் சங்கம் முடிவு
தனியார் மயத்தை கைவிடக்கோரி கவன ஈர்ப்பு போராட்டங்கள் நடத்துவது என சாலை போக்குவரத்து கழக ஊழியர்கள் சங்கம் முடிவு செய்துள்ளது.
4. வெள்ளலூர் நாடு கோவில்களை அறநிலையத்துறை கையகப்படுத்த எதிர்ப்பு: 62 கிராம மக்கள் ஒரே இடத்தில் திரண்டு போராட்டம்
மதுரை அருகே மேலூர் வெள்ளலூர் நாடு கோவில்களை இந்து சமய அறநிலையத்துறை கையகப்படுத்துவதற்கு எதிர்ப்பு தெரிவித்து 62 கிராம மக்கள் ஓரிடத்தில் திரண்டு போராட்டம் நடத்தினர். கடைகளும் அடைக்கப்பட்டன.
5. தஞ்சையில், கோவில் கட்ட அனுமதிக்கக் கோரி இந்து முன்னணியினர் சாலை மறியல் போராட்டம் 82 பேர் கைது
தஞ்சையில், விநாயகர் கோவில் கட்ட அனுமதிக்கக் கோரி 2 இடங்களில் இந்து முன்னணியினர் சாலை மறியலில் ஈடுபட்டனர். அப்போது லேசான தடியடி நடத்தப்பட்டது. மறியலில் ஈடுபட்ட 82 பேரை போலீசார் கைது செய்தனர்.

ஆசிரியரின் தேர்வுகள்...