<
இன்று குடியரசு தினவிழா கொண்டாட்டம்: பாளையங்கோட்டையில், கலெக்டர் தேசிய கொடி ஏற்றுகிறார்
குடியரசு தின விழா இன்று (சனிக்கிழமை) நாடு முழுவதும் கொண்டாடப்படுகிறது. நெல்லை மாவட்ட நிர்வாகம் சார்பில் பாளையங்கோட்டையில் நடைபெறும் விழாவில் கலெக்டர் ஷில்பா தேசிய கொடி ஏற்றுகிறார்.
நெல்லை,
நாடு முழுவதும் குடியரசு தினவிழா இன்று (சனிக்கிழமை) கோலாகலமாக கொண்டாடப்படுகிறது. நெல்லை மாவட்ட நிர்வாகம் சார்பில் பாளையங்கோட்டை வ.உ.சி. மைதானத்தில் காலை 8 மணிக்கு விழா தொடங்குகிறது. இந்த விழாவில் மாவட்ட கலெக்டர் ஷில்பா கலந்து கொண்டு தேசிய கொடியேற்றுகிறார்.
தொடர்ந்து போலீசாரின் அணிவகுப்பு மரியாதை நடக்கிறது. அதை கலெக்டர் ஷில்பா ஏற்றுக் கொள்கிறார். பின்னர் சுதந்திர போராட்ட தியாகிகள் கவுரவிக்கப்படுகிறார்கள்.
பல்வேறு துறைகள் சார்பில் நலத்திட்ட உதவிகள் வழங்கப்படுகின்றன. அதன் பின்னர் பள்ளி மாணவ-மாணவிகளின் கலை நிகழ்ச்சி நடக்கிறது.
குடியரசு தினவிழாவையொட்டி நேற்று காலை வ.உ.சி மைதானத்தில் காவல்துறையின் அணி வகுப்பு ஒத்திகை நடந்தது. காவல்துறை, ஆயுதப்படை, ஊர்க்காவல் படை,என்.சி.சி.மாணவ- மாணவிகள் கலந்து கொண்டனர். இந்த ஒத்திகை நிகழ்ச்சியை கலெக்டர் ஷில்பா, நெல்லை மாவட்ட போலீஸ் சூப்பிரண்டு அருண்சக்தி குமார் ஆகியோர் பார்வையிட்டனர்.
குடியரசு தின விழாவையொட்டி நெல்லை மாவட்டத்தில் போலீஸ் பாதுகாப்பு பலப்படுத்தப்பட்டு உள்ளது. வ.உ.சி.மைதானத்தை சுற்றி போலீசார் பாதுகாப்பு பணியில் ஈடுபட்டு உள்ளனர். சுமார் 3 ஆயிரத்துக்கும் மேற்பட்ட போலீசார் ஈடுபடுத்தப்பட்டு உள்ளனர். சோதனை சாவடிகளில் கூடுதல் போலீஸ் பாதுகாப்பு போடப்பட்டு உள்ளது.
நெல்லை சந்திப்பு ரெயில் நிலையத்தில் பயணிகள் உடமைகள் மெட்டல் டிடெக்டர் கருவி மூலம் போலீசார் சோதனை செய்து வருகிறார்கள். சோதனைக்கு பின்னர் பயணிகள் ரெயில் நிலையத்துக்கு அனுமதிக்கப்படுகிறார்கள். ரெயில் தண்டவாளங்களிலும் போலீசார் சோதனை செய்தனர். மக்கள் அதிகம் கூடும் இடங்களில் போலீஸ் தீவிரமாக கண்காணித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
