குடியரசு தினவிழா கொண்டாட்டம் கலெக்டர் தேசியக் கொடியை ஏற்றினார்

சிவகங்கை, 

சிவகங்கை கலெக்டர் அலுவலகத்தில் உள்ள மைதானத்தில் குடியரசு தினவிழா சிறப்பாக கொண்டாடப்பட்டது. இதையொட்டி மைதானத்திற்கு காலை 8 மணிக்கு கலெக்டர் ஜெயகாந்தன் வந்தார். அவரை மாவட்ட போலீஸ் சூப்பிரண்டு ஜெயச்சந்திரன் வரவேற்றார். பின்பு 8.05 மணியளவில் கலெக்டர் தேசியக் கொடியினை ஏற்றி வைத்து, போலீசாரின் அணிவகுப்பு மரியாதையை ஏற்றுக்கொண்டார். தொடர்ந்து நடைபெற்ற நிகழ்ச்சியில் சுதந்திர போராட்ட தியாகிகளுக்கு பொன்னாடை போர்த்தி கவுரவித்தார்.

பின்பு மாவட்ட மாற்றுத்திறனாளிகள் நலத்துறை, முன்னாள் படைவீரர் நலத்துறை, வருவாய்த்துறை, தொழில் வணிகத்துறை, தொழிலாளர் நல அலுவலகம், மாவட்ட பிற்படுத்தப்பட்டோர் மற்றும் சிறுபான்மையினர் நலத்துறை, மாவட்ட ஆதிதிராவிடர் மற்றும் பழங்குடியினர் நலத்துறை, வேளாண்மைத்துறை, தோட்டக்கலைத்துறை, மகளிர் திட்டம், மாவட்ட மத்திய கூட்டுறவு வங்கி உள்ளிட்ட துறைகளின் மூலம் மொத்தம் 105 பயனாளிகளுக்கு ரூ. ஒரு கோடியே 27 லட்சத்து 54 ஆயிரத்து 980 மதிப்பிலான நலத்திட்ட உதவிகளை கலெக்டர் வழங்கினார்.

காவல்துறையில் சிறப்பாக பணிபுரிந்த 41 போலீசாருக்கு தமிழக முதல்–அமைச்சரின் விருதை கலெக்டர் வழங்கினார். நிகழ்ச்சியில் மாவட்ட வருவாய் அலுவலர் லதா, மாவட்ட ஊரக வளர்ச்சி முகமை திட்ட இயக்குனர் வடிவேல், கலெக்டரின் நேர்முக உதவியாளர் சக்திவேல், மாவட்ட முதன்மை கல்வி அலுவலர் பாலுமுத்து, தொழிலாளர் நலத்துறை அலுவலர் மைவிழிச்செல்வி, துணை இயக்குனர் யசோதாமணி, கூடுதல் போலீஸ் சூப்பிரண்டு மங்களேஸ்வரன், துணை போலீஸ் சூப்பிரண்டுகள் அப்துல்கபூர், மனோகர், சக்கரவர்த்தி, முருகேசன், சிவகங்கை தாசில்தார் ராஜா உள்பட பலர் கலந்து கொண்டனர். அதைத்தொடர்ந்து பள்ளி மாணவ–மாணவிகளின் கலைநிகழ்ச்சிகள் நடைபெற்றன.

சிவகங்கை ரமண விகாஷ் மேல்நிலைப்பள்ளியில் தலைமை ஆசிரியர் முத்துகண்ணன் தலைமையில், ஓய்வு பெற்ற தலைமை ஆசிரியர் பாலகிருஷ்ணன் தேசிய கொடியை ஏற்றினார். விழாவில் நேரு இளைஞர் மைய முன்னாள் ஒருங்கிணைப்பாளர் ஜவஹர் உள்பட பலர் கலந்து கொண்டனர். இடையமேலூர் விக்னேஷ்வரா வித்யாலயா பள்ளியில், பள்ளி செயலாளர் ஜானகி தலலைமையில் ராணுவ வீரர் முருகேஸ்வரன் தேசிய கொடிய ஏற்றினார். முடிவில் ஆசிரியை ஜான்சி நன்றி கூறினார். சிவகங்கை அருகே உள்ள நடேசன் செட்டியார் நடுநிலைப்பள்ளியில் தலைமை ஆசிரியர் பாண்டியராஜன் தலைமையில் பெற்றோர் ஆசிரியர் கழக தலைவர் ராமலட்சுமி தேசிய கொடியை ஏற்றி வைத்தார்.

மேட்டுபட்டி சுவாமி விவேகானந்தா மேல்நிலைபள்ளியில் பள்ளி முதல்வர் மலர்விழி தலைமையில் திருமலை அய்யனார் தேசிய கொடிய ஏற்றிவைத்தார், பள்ளி செயலர் தனலெட்சுமி முதுதுகலை ஆசிரியர் பிரேம்குமார், அஜீத்பாண்டி உள்பட பலர் கலந்து காண்டனர். சிவகங்கை கிராமதான நிர்மான சங்கத்தில் பொது செயலாளர் உறுமத்தான் தேசிய கொடியை ஏற்றிவைத்தார்.

சிவகங்கை ஆக்ஸ்வர்டு மேல்நிலைபள்ளியில் நடைபெற்ற விழாவிற்கு தாளாளர் வெங்கடேசன் தலைமை தாங்கினார். பள்ளி செயலர் சியாமளா மற்றும் ராஜேந்திரன் உள்பட பலர் கலந்து கொண்டனர்.

சிவகங்கை ராமகிருஷ்ணா தொடக்கப்பள்ளியில் தலைமை ஆசிரியை விஜயா தலைமையில் ஜஸ்டீன் திரவியம் தேசிய கொடியை ஏற்றிவைத்தார்.

மானாமதுரை அருகே காங்கிரஸ் கட்சி சார்பில் வட்டார காங்கிரஸ் தலைவர் ஆரோக்கியதாஸ் கொடியோற்றி இனிப்புகள் வழங்கினர் இதில் நிர்வாகிகள் ஹபிப், முத்துமாயன், அல்போன்ஸ் உட்பட பொது மக்கள் கலந்து கொண்டனர். இதேபோல மானாமதுரை ஜோசப் பள்ளியில் பள்ளி தாளாளர் கிறிஸ்டிராஜ் கொடியோற்றினார். விழாவில் கலை நிகழ்ச்சிகள், பேச்சு போட்டி ஆகிவை நடைபெற்றன. மானாமதுரை தாலுகா அலுவலகத்தில் தேர்தல் பிரிவு துணை தாசில்தார் சேகர் கொடியேற்றினார். மானாமதுரை அருகே கல்குறிச்சி உயர்நிலை பள்ளியில் பெற்றோர் ஆசிரியர் கழக பொருளாளர் ராபர்ட் குழந்தைநாதன் கொடியேற்றினர். பெற்றோர் ஆசிரியர் கழக தலைவர் மாரி, தலைமை ஆசிரியர் சேவியர், ஆரோக்கியதாஸ் ஏற்பட்டில் மாணவ–மாணவிகள் கலை நிகழ்ச்சி நடைபெற்றன. முடிவில் தமிழ் ஆசிரியர் சுந்தராஜன் நன்றி கூறினார்.

சிங்கம்புணரி ஊராட்சி ஒன்றிய அலுவலக வளாகத்தில் வட்டார வளர்ச்சி அலுவலர் சுந்தரமகாலிங்கம் தலைமையில் தேசிய கொடி ஏற்றப்பட்டது. இதில் மேலாளர்கள் செழியன், தவம் மற்றும் துணை வட்டார வளர்ச்சி அலுவலர் அருள்பிரகாசம், சேக்முகமது மற்றும் அலுவலக பணியாளர்கள் கலந்து கொண்டனர். பேருராட்சி அலுவலகத்தில் செயல் அலுவலர் சண்முகம் தேசிய கொடி ஏற்றி வைத்தார். இதில் இளநிலை உதவியாளர் ஹபிப்ராஜா மற்றும் வரி தண்டல் அலுவலர் நாவுக்கரசர் துப்புரவு மேற்பார்வையாளர் ரவிச்சந்திரன் துணை மேற்பார்வையாளர் தென்னரசு, கணினி அலுவலர் உள்பட பணியாளர்கள் கலந்து கொண்டனர்

அரசு பெண்கள் மேல்நிலை பள்ளியில் தலைமை ஆசிரியர் சங்கு முத்தையா தலைமையில் உதவி தலைமை ஆசிரியர் கண்ணன் தேசிய கொடியை ஏற்றி வைத்தார். அரசு ஆண்கள் மேல்நிலை பள்ளியில் தலைமை ஆசிரியர் தேசிய கொடியை ஏற்றி வைத்தார். பள்ளியின் பெற்றோர் ஆசிரியர் கழக தலைவர் அமிர்தலிங்கம் சிறப்புரை ஆற்றினார். ஸ்ரீ சேவுகமூர்த்தி மெட்ரிக் பள்ளியில் பள்ளி முதல்வர் ரஜேஸ்வரி தலைமையில், பள்ளி தாளாளர் செந்தில்குமார் தேசிய கொடி ஏற்றி வைத்தார். பள்ளி செயலாளர் சந்திரசேகர் சிறப்புரை ஆற்றினார். சிங்கம்புணரி அரசு பொது மருத்துவமனை வளாகத்தில் தேசிய கொடியை மருத்துவர் செந்தில்வேலன் ஏற்றி வைத்தார். நிகழ்ச்சியில் டாக்டர் சத்ரபதி, ராமநாதன் மற்றும் நர்சுகள், மருந்தாளுனர்கள் கலந்து கொண்டனர்.