பிலாவிளைக்கு செல்லும் பஸ் திடீர் நிறுத்தம் பணிமனையை முற்றுகையிட்டு கிராம மக்கள் போராட்டம்

நாகர்கோவில்,

நாகர்கோவிலை அடுத்த பிலாவிளைக்கு செல்லும் அரசு பஸ் திடீரென நிறுத்தப்பட்டது. இதனால் பிலாவிளை மற்றும் சுற்று வட்டார கிராம மக்கள் அவதி அடைந்தனர். இந்த நிலையில் அந்த பகுதி மக்கள் நேற்று ராணி தோட்டத்தில் உள்ள அரசு போக்குவரத்து கழக பணிமனையை முற்றுகையிட்டு போராட்டத்தில் ஈடுபட்டனர்.

பிலாவிளைக்கு வழக்கமாக இயக்கப்படும் அரசு பஸ்சை இயக்க வேண்டும் என்று கோ‌ஷங்களை எழுப்பினர். இதனால் அங்கு பரபரப்பு ஏற்பட்டது. இதை தொடர்ந்து போக்குவரத்து கழக அதிகாரிகள் அங்கு வந்து மக்களிடம் பேச்சுவார்த்தை நடத்தியதோடு, வழக்கம் போல் பிலாவிளைக்கு பஸ் இயக்கப்படும் என்று கூறியுள்ளனர். இதனையடுத்து அவர்கள் போராட்டத்தை கைவிட்டு கலைந்து சென்றனர்.