மாவட்ட செய்திகள்

தரைமட்ட பாலத்தை விரைந்து கட்ட கோரி ஈரோட்டில் பொதுமக்கள் சாலை மறியல் + "||" + The public road blockade demanding to build the bridge

தரைமட்ட பாலத்தை விரைந்து கட்ட கோரி ஈரோட்டில் பொதுமக்கள் சாலை மறியல்

தரைமட்ட பாலத்தை விரைந்து கட்ட கோரி ஈரோட்டில் பொதுமக்கள் சாலை மறியல்
ஈரோட்டில் தரைமட்ட பாலத்தை விரைந்து கட்டக்கோரி பொதுமக்கள் சாலை மறியலில் ஈடுபட்டனர்.

ஈரோடு,

ஈரோடு மாணிக்கம்பாளையத்தில் இருந்து சூளைக்கு செல்லும் ரோட்டில் பாண்டியன்நகர் பகுதியில் நெடுஞ்சாலைத்துறை சார்பில் தரைமட்ட பாலம் கட்டப்பட்டு வருகிறது. இந்த தரைமட்ட பாலத்தை விரைந்து கட்டி முடிக்கக்கோரி அந்த பகுதியை சேர்ந்த பொதுமக்கள் நேற்று காலை பாண்டியன்நகர் பகுதியில் திடீர் சாலைமறியலில் ஈடுபட்டனர். அப்போது அவர்கள் பாலம் வேலையை விரைந்து முடிக்க வேண்டும் என்ற கோரிக்கையை வலியுறுத்தி கோ‌ஷங்களை எழுப்பினார்கள்.

இதுபற்றிய தகவல் கிடைத்ததும் ஈரோடு வீரப்பன்சத்திரம் போலீசார் சம்பவ இடத்திற்கு விரைந்து சென்று பொதுமக்களிடம் பேச்சுவார்த்தை நடத்தினார்கள். அப்போது பொதுமக்கள் கூறியதாவது:–

எங்கள் பகுதியில் கடந்த 2 மாதங்களாக கழிவுநீர் செல்வதற்காக தரைமட்ட பாலம் கட்டும் பணி நடந்து வருகிறது. இதனால் அந்த வழியாக பஸ், லாரி உள்ளிட்ட வாகனங்கள் செல்ல முடிவதில்லை. பள்ளிக்கூட பஸ்களும், வேன்களும் எங்கள் பகுதிக்கு வருவதில்லை. இதன் காரணமாக ராம்நகர், பாண்டியன் நகர் உள்ளிட்ட பகுதிகளை சேர்ந்த பொதுமக்கள் தங்களது குழந்தைகளை பள்ளிக்கூடங்களுக்கு சரியான நேரத்திற்கு அனுப்பி வைக்க முடிவதில்லை. எனவே பாலம் கட்டும் பணியை விரைந்து முடிக்க அதிகாரிகள் உரிய நடவடிக்கை எடுக்க வேண்டும்.

இவ்வாறு அவர்கள் கூறினார்கள். அதற்கு போலீசார், ‘‘நெடுஞ்சாலைத்துறை அதிகாரிகளிடம் கூறி வேலையை விரைந்து முடிக்க நடவடிக்கை எடுக்கப்படும்’’, என்று உறுதி அளித்தனர். இதைத்தொடர்ந்து பொதுமக்கள் தங்களது போராட்டத்தை கைவிட்டு அங்கிருந்து கலைந்து சென்றனர். இந்த போராட்டத்தினால் அங்கு சுமார் 30 நிமிடங்கள் போக்குவரத்து பாதிக்கப்பட்டது.


தொடர்புடைய செய்திகள்

1. சுடுகாடு ஆக்கிரமிப்பை அகற்ற கோரி பொன்னேரி கோட்டாட்சியர் அலுவலகத்தை முற்றுகையிட்ட பொதுமக்கள்
பொன்னேரி அடுத்த ஆட்டந்தாங்கல் கிராமத்தின் இடுகாடு மற்றும் சுடுகாடு ஆக்கிரமிப்பை அகற்றக்கோரி பொதுமக்கள் பொன்னேரி கோட்டாட்சியர் அலுவலகத்தை முற்றுகையிட்டதால் பரபரப்பு ஏற்பட்டது.
2. பொள்ளாச்சி பாலியல் சம்பவத்தை கண்டித்து அரசு கல்லூரி மாணவர்கள் சாலை மறியல் செய்ய முயற்சி
பொள்ளாச்சி பாலியல் சம்பவத்தை கண்டித்து தவளக்குப்பத்தில் அரசு கல்லூரி மாணவர்கள் வகுப்புகளை புறக்கணித்து சாலை மறியலில் ஈடுபட முயன்றதால் திடீர் பரபரப்பு ஏற்பட்டது.
3. பள்ளி ஆண்டு விழாவில் தள்ளுமுள்ளு: பொதுமக்கள் திடீர் சாலை மறியல் போக்குவரத்து பாதிப்பு
பள்ளி ஆண்டு விழாவில் தள்ளுமுள்ளு ஏற்பட்ட சம்பவம் தொடர்பாக பொதுமக்கள் திடீரென சாலை மறியலில் ஈடுபட்டனர். இதனால் போக்குவரத்து பாதிக்கப்பட்டது.
4. கழிவுநீர் வாருகால் அமைக்க கோரி சாலை மறியல்
திருப்பத்தூர் சீதளிவடகரைப் பகுதி மக்கள் கழிவுநீர் வாருகால் அமைக்கக் கோரி பொதுமக்கள் சாலை மறியலில் ஈடுபட்டனர்.
5. மீஞ்சூர் அருகே லாரி சக்கரத்தில் சிக்கி வாலிபர் பலி ஆம்புலன்ஸ் வர தாமதம் ஆனதால் பொதுமக்கள் மறியல்
மீஞ்சூர் அருகே லாரி சக்கரத்தில் சிக்கி வாலிபர் பலியானார். ஆம்புலன்ஸ் வர தாமதம் ஆனதால் பொதுமக்கள் மறியல் போராட்டத்தில் ஈடுபட்டனர்.