மாவட்ட செய்திகள்

மாநகராட்சி கோட்ட அலுவலகம் முன்பு துப்புரவு தொழிலாளர்கள் காத்திருப்பு போராட்டம் + "||" + Municipal Corridor Office Cleaning before cleaning workers wait

மாநகராட்சி கோட்ட அலுவலகம் முன்பு துப்புரவு தொழிலாளர்கள் காத்திருப்பு போராட்டம்

மாநகராட்சி கோட்ட அலுவலகம் முன்பு துப்புரவு தொழிலாளர்கள் காத்திருப்பு போராட்டம்
மாநகராட்சி கோட்ட அலுவலகம் முன்பு துப்புரவு தொழிலாளர்கள் காத்திருப்பு போராட்டம் நடத்தினார்கள்.
திருச்சி,

திருச்சி மாநகராட்சி பொன்மலை கோட்ட அலுவலகம் முன்பு நேற்று துப்புரவு தொழிலாளர்கள் தரையில் அமர்ந்து காத்திருப்பு போராட்டம் நடத்தினார்கள். இந்த போராட்டத்துக்கு துப்புரவு தொழிலாளர் சங்கத்தின் மாநகர் மாவட்ட தலைவர் மணிமாறன் தலைமை தாங்கினார்.மாநகராட்சியின் பொன்மலை கோட்டத்திற்கு உட்பட்ட பகுதிகளில் மகளிர் சுய உதவி குழு துப்புரவு தொழிலாளர்களுக்கு ஜனவரி மாத சம்பளம் இதுவரை வழங்கப்படாததால் அதனை உடனே வழங்க வேண்டும், இனி வரும் காலங்களில் ஒவ்வொரு மாதமும் முதல் தேதியில் சம்பளம் கிடைக்க நடவடிக்கை எடுக்க வேண்டும், துப்புரவாளர்களிடம் இருந்து பிடித்தம் செய்யப்பட்ட வருங்கால வைப்பு நிதி தொகையை முழுமையாக வரவு வைக்க வேண்டும் என்ற கோரிக்கைகளை வலியுறுத்தி இந்த போராட்டம் நடந்தது.

கோரிக்கைகளை விளக்கி சங்கத்தின் மாவட்ட துணை தலைவர் பிச்சான், பொருளாளர் நாகராஜன், பொறுப்பாளர் ரெங்கராஜன் ஆகியோர் பேசினார்கள். துப்புரவு தொழிலாளர்கள் காத்திருப்பு போராட்டம் நடத்துவது பற்றிய தகவல் அறிந்ததும் மாநகராட்சி அதிகாரிகள் வெளியே வந்து பேச்சுவார்த்தை நடத்தினார்கள். இதில் ஜனவரி மாத சம்பளத்தை உடனடியாக காசோலை மூலம் வழங்குவதாக உறுதி அளித்ததை தொடர்ந்து, போராட்டம் நடத்தியவர்கள் கலைந்து சென்றனர். 

தொடர்புடைய செய்திகள்

1. கோணம் அரசு கலைக்கல்லூரி ஆசிரியர்கள் கருப்பு பேட்ஜ் அணிந்து போராட்டம்
கடந்த சில நாட்களுக்கு முன் ஜாக்டோ–ஜியோ சார்பில் பல்வேறு கோரிக்கைகளை வலியுறுத்தி காலவரையற்ற வேலைநிறுத்த போராட்டம் நடந்தது.
2. பள்ளி தலைமையாசிரியரை மாற்றக்கோரி மாணவர்களை வகுப்புகளில் இருந்து அழைத்து வந்து பெற்றோர்கள் போராட்டம்
பனங்குளம் அரசு பள்ளியின் தலைமை ஆசிரியையை மாற்றக்கோரி வகுப்பில் இருந்த மாணவர்களை வெளியே அழைத்து வந்து பெற்றோர்கள் போராட்டத்தில் ஈடுபட்டனர். பின்னர் அதிகாரியின் சமாதான பேச்சுவார்த்தைக்கு பிறகு மாணவர்களை வகுப்புகளுக்கு அனுப்பினார்கள்.
3. அனைத்து விவசாயிகளுக்கும் உதவி தொகை வழங்ககோரி முதல்-அமைச்சர் வீட்டை முற்றுகையிடும் போராட்டம்
அனைத்து விவசாயிகளுக்கும் உதவி தொகை வழங்க கோரி முதல்-அமைச்சர் வீட்டை முற்றுகையிடும் போராட்டம் நடத்துவது என திருச்சியில் நடந்த கூட்டத்தில் தீர்மானம் நிறைவேற்றப்பட்டது.
4. கறம்பக்குடி-சென்னைக்கு அரசு பஸ்சை தொடர்ந்து இயக்காவிட்டால் போராட்டம்
கறம்பக்குடி-சென்னைக்கு அரசு பஸ்சை தொடர்ந்து இயக்காவிட்டால் போராட்டம் நடத்தப்படும் என்று வியாபாரிகள் சங்க கூட்டத்தில் தீர்மானம் நிறைவேற்றப்பட்டன.
5. கொள்முதல் செய்ய வலியுறுத்தி நெல் மூட்டைகளின் மீது ஏறி நின்று விவசாயிகள் போராட்டம்
மணல்மேடு அருகே கொள்முதல் செய்ய வலியுறுத்தி நெல் மூட்டைகளின் மீது ஏறி நின்று விவசாயிகள் போராட்டத்தில் ஈடுபட்டனர்.