மாவட்ட செய்திகள்

கும்பகோணத்தில் ரதசப்தமி விழா: சுழலும் சூரிய பிரபை வாகனத்தில் சக்கரபாணி பெருமாள் வீதி உலா + "||" + Rathasabhtham Festival in Kumbakonam: The wheel of the wheelbarrow

கும்பகோணத்தில் ரதசப்தமி விழா: சுழலும் சூரிய பிரபை வாகனத்தில் சக்கரபாணி பெருமாள் வீதி உலா

கும்பகோணத்தில் ரதசப்தமி விழா: சுழலும் சூரிய பிரபை வாகனத்தில் சக்கரபாணி பெருமாள் வீதி உலா
கும்பகோணத்தில் ரதசப்தமி விழாவையொட்டி சக்கரபாணி பெருமாள் சுழலும் சூரிய பிரபை வாகனத்தில் எழுந்தருளி வீதி உலா வரும் நிகழ்ச்சி 97 ஆண்டுகளுக்கு பிறகு நேற்று நடைபெற்றது.
கும்பகோணம்,

சூரியன் தெற்கு நோக்கிய தனது பயணத்தை முடித்துக்கொண்டு, வடக்கு நோக்கிய பயணத்தை தை மாதம் சுக்லபட்ச வளர்பிறையில் தொடங்கும் நாள் “ரதசப்தமி” என்று அழைக்கப்படுகிறது. சூரிய பகவானுக்கு உகந்த நாளான இந்த நாளில் தஞ்சை மாவட்டம் கும்பகோணத்தில் உள்ள சக்கரபாணி கோவிலில் ரதசப்தமி விழா நடைபெறுவது வழக்கம்.


சக்கரபாணி கோவில் சூரிய பகவானால் நிர்மாணிக்கப்பட்ட கோவில் என புராணங்கள் கூறுகின்றன. சூரியனால் உருவாக்கப்பட்டதால் இக்கோவிலை பாஸ்கர சேத்திரம் என்று பக்தர்கள் அழைக்கிறார்கள். இங்கு ஆண்டுதோறும் ரதசப்தமி விழா அன்று சக்கரபாணி வீதி உலா நடைபெறும்.

கடந்த 96 ஆண்டுகளுக்கு முன்பு சக்கரபாணி பெருமாள் சுழலக்கூடிய சூரிய பிரபை வாகனத்தில் அமர்ந்து வீதி உலா வரும் நிகழ்ச்சி நடைபெற்றது. சூழலும் சூரிய பிரபை வாகனம் சிதிலம் அடைந்ததால் கடந்த பல ஆண்டுகளாக வாகனத்தை வீதி உலாவுக்கு பயன்படுத்த முடியவில்லை.

இந்த ஆண்டு ரதசப்தமி விழாவில் சுழலும் சூரிய பிரபை வாகனத்தில் பெருமாள் வீதி உலா நிகழ்ச்சியை நடத்த திட்டமிடப்பட்டது. அதன்படி கோவில் தேர் கட்டுமான ஸ்தபதி செல்வம் உள்ளிட்டோர், சுழலும் சூரிய பிரபை வாகனத்தை சீரமைத்தனர். இந்த நிலையில் நேற்று ரதசப்தமி விழா கோவிலில் நடந்தது.

விழாவில் சக்கரபாணி பெருமாள் சுழலும் சூரிய பிரபை வாகனத்தில் எழுந்தருளி வீதி உலா வந்தார். 97 ஆண்டுகளுக்கு பிறகு சுழலும் சூரிய பிரபையில் சக்கரபாணி பெருமாள் வீதி உலா வந்ததை திரளான பக்தர்கள் தரிசனம் செய்தனர்.

தொடர்புடைய செய்திகள்

1. மாசி மாத முதல் ஞாயிற்றுக்கிழமை: மண்டைக்காடு பகவதி அம்மன் கோவிலுக்கு பக்தர்கள் வருகை அதிகரிப்பு
மண்டைக்காடு பகவதி அம்மன் கோவிலில் மாசி மாத முதல் ஞாயிற்றுக்கிழமையையொட்டி நேற்று பக்தர்கள் வருகை அதிகரித்தது. அவர்கள் பொங்கலிட்டு வழிபட்டனர்.
2. சிவன்மலை கோவில் படிக்கட்டில் ஏறியபோது மயங்கி விழுந்து கல்லூரி மாணவர் சாவு
சிவன்மலை கோவில் படிக்கட்டில் ஏறியபோது மயங்கி விழுந்து கல்லூரி மாணவர் இறந்தார்.
3. மண்டைக்காடு பகவதி அம்மன் கோவிலில் கலசாபிஷேக விழா திரளான பக்தர்கள் பங்கேற்பு
மண்டைக்காடு பகவதி அம்மன் கோவிலில் நேற்று கலசாபிஷேக விழா நடந்தது. இதில் திரளான பக்தர்கள் கலந்து கொண்டு தரிசனம் செய்தனர்.
4. கோவில்பட்டியில் பரபரப்பு 1¼ வயது ஆண் குழந்தையை கோவிலில் விட்டுச் சென்ற பெண் போலீசார் விசாரணை
கோவில்பட்டியில் 1¼ வயது ஆண் குழந்தையை கோவிலில் விட்டுச் சென்ற பெண் குறித்து போலீசார் விசாரணை நடத்தி வருகின்றனர்.
5. திருச்செந்தூர் வெயிலுகந்தம்மன் கோவிலில் மாசித் திருவிழா தேரோட்டம் திரளான பக்தர்கள் வடம் பிடித்து இழுத்தனர்
திருச்செந்தூர் வெயிலுகந்தம்மன் கோவிலில் மாசித் திருவிழா தேரோட்டம் நேற்று நடந்தது.