மாவட்ட செய்திகள்

விழுப்புரம் பழைய பஸ் நிலையத்தில் மூதாட்டியிடம் 6 பவுன் நகை அபேஸ் + "||" + Villupuram old bus station To godmother 6 pounds of jewelry apes

விழுப்புரம் பழைய பஸ் நிலையத்தில் மூதாட்டியிடம் 6 பவுன் நகை அபேஸ்

விழுப்புரம் பழைய பஸ் நிலையத்தில் மூதாட்டியிடம் 6 பவுன் நகை அபேஸ்
விழுப்புரம் பழைய பஸ் நிலையத்தில் மூதாட்டியிடம் 6 பவுன் நகையை அபேஸ் செய்த பெண்ணை போலீசார் வலைவீசி தேடி வருகின்றனர்.
விழுப்புரம்,

விழுப்புரம் மாவட்டம் கண்டாச்சிபுரம் தாலுகா சித்தாத்தூர் என்ற கிராமத்தை சேர்ந்தவர் அழகப்பன் (வயது 80), இவருடைய மனைவி வள்ளியம்மை (70). இவர்கள் இருவரும் நேற்று முன்தினம் விழுப்புரத்தில் நடந்த உறவினர் ஒருவரின் திருமண நிகழ்ச்சியில் பங்கேற்க வந்தனர். திருமண நிகழ்ச்சியை முடித்துக்கொண்டு மீண்டும் கண்டாச்சிபுரத்திற்கு செல்வதற்காக மாலையில் விழுப்புரம் பழைய பஸ் நிலையத்தில் பஸ்சிற்காக இருவரும் காத்து நின்றனர்.

அப்போது அங்கு வந்த பெண் ஒருவர், வள்ளியம்மையிடம் சென்று நைசாக பேச்சுக்கொடுத்தபடி, விழுப்புரம் பஸ் நிலையத்தில் திருடர்கள் நடமாட்டம் அதிகமாக இருக்கிறது, எனவே நகையை அணிந்துகொண்டு பஸ்சில் செல்லாதீர்கள் என்றும் நகையை கழற்றி பையில் வைத்துக்கொள்ளுமாறும் கூறினார். இதை நம்பிய வள்ளியம்மை தனது கழுத்தில் அணிந்திருந்த 3 பவுன் சங்கிலி, கையில் போட்டிருந்த 3 பவுன் வளையல் ஆகியவற்றை கழற்றி தான் கொண்டு வந்திருந்த பையில் வைத்தார். பின்னர் கண்டாச்சிபுரம் செல்லும் அரசு டவுன் பஸ் வந்ததும் வள்ளியம்மையும், அழகப்பனும் பஸ்சில் ஏறினர். அதன் பிறகு பஸ் புறப்படுவதற்கு முன்பாக வள்ளியம்மை தனது பையை பார்த்தபோது அதில் வைத்திருந்த 6 பவுன் நகையை காணவில்லை. அப்போது தான் பஸ்சில் இருந்த கூட்ட நெரிசலை பயன்படுத்தி அந்த பெண், வள்ளியம்மையிடம் நகையை அபேஸ் செய்திருப்பது தெரியவந்தது.

நகையை பறிகொடுத்த வள்ளியம்மை, இதுபற்றி விழுப்புரம் மேற்கு போலீஸ் நிலையத்தில் புகார் செய்தார். புகாரின்பேரில் போலீசார் தீவிர விசாரணை நடத்தி வருவதோடு நகையை அபேஸ் செய்து தப்பிச்சென்ற பெண்ணை வலைவீசி தேடி வருகின்றனர்.

தொடர்புடைய செய்திகள்

1. தளி அருகே, மூதாட்டியிடம் 2½ பவுன் நகை அபேஸ் - 3 பெண்களுக்கு வலைவீச்சு
தளி அருகே மூதாட்டியிடம் நூதன முறையில் 2½ பவுன் நகையை அபேஸ் செய்த 3 பெண்களை போலீசார் தேடி வருகிறார்கள்.
2. புவனகிரியில், ஓடும் பஸ்சில் பெண்ணிடம் 5 பவுன் நகை அபேஸ் - போலீசார் விசாரணை
புவனகிரியில் ஓடும் பஸ்சில் பெண்ணிடம் 5 பவுன் நகை அபேஸ் செய்யப்பட்டது இது தொடர்பாக போலீசார் விசாரணை நடத்தி வருகின்றனர்.
3. நாகர்கோவிலில் மோட்டார் சைக்கிள் மோதி மூதாட்டி பலி
நாகர்கோவிலில் சாலையை கடக்க முயன்ற மூதாட்டி மீது மோட்டார் சைக்கிள் மோதியது. இதில் அவர் சம்பவ இடத்திலேயே பரிதாபமாக பலியானார்.
4. கும்பகோணத்தில் முதியோர் காப்பகத்தில் இருந்த மூதாட்டி திடீர் மரணம் உறவினர்கள் பரபரப்பு புகார்
கும்பகோணத்தில், முதியோர் காப்பகத்தில் இருந்த மூதாட்டி திடீரென இறந்தார். அவரது உடலை சரியாக பராமரிக்கவில்லை என்று உறவினர்கள் பரபரப்பு புகார் அளித்தனர். இது தொடர்பாக தாசில்தார் விசாரணை நடத்தினார்.
5. தஞ்சையில் விஷவாயு தாக்கி மூதாட்டி சாவு கழிவுநீர் தொட்டியை திறந்தபோது பரிதாபம்
தஞ்சையில் கழிவுநீர் தொட்டியை திறந்தபோது விஷவாயு தாக்கி மூதாட்டி இறந்தார்.