மாவட்ட செய்திகள்

ராச்சாண்டார் திருமலை விரையாச்சல ஈஸ்வரர் கோவிலில் ராகு-கேது பெயர்ச்சி விழா + "||" + Rahu-Ketu deviating ceremony at Yaswara Temple in Rachhandar Thirumalai

ராச்சாண்டார் திருமலை விரையாச்சல ஈஸ்வரர் கோவிலில் ராகு-கேது பெயர்ச்சி விழா

ராச்சாண்டார் திருமலை விரையாச்சல ஈஸ்வரர் கோவிலில் ராகு-கேது பெயர்ச்சி விழா
ராச்சாண்டார் திருமலையில் உள்ள விரையாச்சல ஈஸ்வரர் கோவிலில் ராகு-கேது பெயர்ச்சி விழா நடந்தது. இதில் திரளான பக்தர்கள் கலந்து கொண்டனர்.
தோகைமலை,

ராகு பகவான் கடக ராசியில் இருந்து மிதுன ராசிக்கும், கேது பகவான் மகர ராசியிலிருந்து தனுசு ராசிக்கும் நேற்று இடம் பெயர்ந்தனர்.இதையொட்டி ராகு-கேது உள்ள கோவில்களில் சிறப்பு வழிபாடு நடைபெற்றது.கரூர் மாவட்டம், தோகைமலை அருகே ராச்சாண்டார் திருமலையில் விரையாச்சல ஈஸ்வரர் மற்றும் பெரியநாயகி அம்பாள் கோவில் உள்ளது. இக்கோவிலில் ராகு-கேது பெயர்ச்சி விழா நேற்று நடந்தது.இதனையொட்டி கோவிலில் நவக்கிரகங்களுக்கு சிறப்பு பூஜைகள் நடத்தப்பட்டது.


பின்னர் ராகு பகவானுக்கு உளுந்து சாதமும், 16 வகையான பழங்களும், கேது பகவானுக்கு கொள்ளு சாதம் மற்றும் 12 வகையான பழங்களையும் கொண்டு கோவில் அர்ச்சகர் கந்தசுப்ரமணிய சிவாச்சாரியார் சிறப்பு அபிஷேகம் செய்தார்.தொடர்ந்து தீபாராதனை நடைபெற்றது.

பின்னர் பக்தர்களுக்கு அன்னதானம் வழங்கப்பட்டது. இதில் 12 ராசிகளை சேர்ந்தவர்கள் திரளாக கலந்துகொண்டு பரிகார பூஜைகளை செய்து ராகு-கேது பகவானை வழிபட்டனர். இதில் ராச்சாண்டார் திருமலை, வடசேரி, புழுதேரி, நெய்தலூர், பில்லூர், ஆர்ச்சம்பட்டி உள்பட பல்வேறு பகுதிகளில் இருந்து திரளான பக்தர்கள் கலந்துகொண்டனர்.

இதேபோல் லாலாபேட்டை கடைவீதியில் உள்ள மாரியம்மன் கோவிலில் சிறப்பு வழிபாடு நடைபெற்றது.இதனை தொடர்ந்து ராகு பகவான் மற்றும் கேது பகவானுக்கு பால், பழம், விபூதி உள்ளிட்ட பல்வேறு வகையான அபிஷேகங்கள் நடந்தது. தொடர்ந்து சுவாமிகளுக்கு மலர்களால் அலங்காரம் செய்யப்பட்டு, தீபாராதனை காட்டப்பட்டது. இதில் அனைத்து ராசிக் காரர்களும் கலந்து கொண்டு சாமி தரிசனம் செய்தனர்.இதற்கான ஏற்பாடுகளை கோவில் நிர்வாகிகள் செய்திருந்தனர். 

தொடர்புடைய செய்திகள்

1. தென்கொரியாவில் நடந்த விழாவில் பிரதமர் மோடிக்கு அமைதி விருது
தென்கொரியாவில் நடந்த விழாவில் பிரதமர் மோடிக்கு சியோல் அமைதி விருது வழங்கப்பட்டது. இதில் கிடைத்த சுமார் ரூ.1½ கோடி பரிசுத்தொகையை கங்கை நதி தூய்மை திட்டத்துக்கு அவர் வழங்குவதாக அறிவித்தார்.
2. தமிழ்மொழி உயிரோடும், உணர்வோடும் கலந்திருக்கிறது தமிழ்ப்பல்கலைக்கழக துணைவேந்தர் பேச்சு
தமிழ்மொழி உயிரோடும், உணர்வோடும் கலந்திருக்கிறது என தமிழ்ப்பல்கலைக்கழக துணை வேந்தர் கோ.பாலசுப்ர மணியன் கூறினார்.
3. அரசு பாலிடெக்னிக் கல்லூரி விளையாட்டு விழா
அரசு பாலிடெக்னிக் கல்லூரி விளையாட்டு விழா நடைபெற்றது.
4. குமரி மாவட்டத்தில் கூடுதலாக 2 தாலுகாக்கள் பிரித்ததற்கு நன்றி அறிவிப்பு விழா தளவாய்சுந்தரம் பங்கேற்பு
குமரி மாவட்டத்தில் கூடுதலாக 2 தாலுகாக்கள் பிரித்ததற்காக நடைபெற்ற நன்றி அறிவிப்பு விழாவில் தமிழக அரசின் டெல்லி சிறப்பு பிரதிநிதி தளவாய்சுந்தரம் கலந்து கொண்டார்.
5. கோவிலில் 7 ஐம்பொன் சிலைகள் திருட்டு: 47 ஆண்டுகளுக்கு பிறகு போலீசார் வழக்குப்பதிவு பொன் மாணிக்கவேல் நடவடிக்கை
கும்பகோணம் அருகே உள்ள சிவன் கோவிலில் 47 ஆண்டுகளுக்கு முன்பு விலை உயர்ந்த 7 ஐம்பொன் சிலைகள் திருட்டு போனது. இதுதொடர்பாக தற்போது சிறப்பு அதிகாரி பொன் மாணிக்கவேல் தலைமையிலான சிலை கடத்தல் தடுப்பு பிரிவு போலீசார் வழக்குப்பதிவு செய்துள்ளனர்.