மாவட்ட செய்திகள்

கருங்கல் அருகே 1,000 லிட்டர் மண்எண்ணெய் பறிமுதல் + "||" + Around 1,000 liters of soil erosion was seized near the plant

கருங்கல் அருகே 1,000 லிட்டர் மண்எண்ணெய் பறிமுதல்

கருங்கல் அருகே 1,000 லிட்டர் மண்எண்ணெய் பறிமுதல்
கருங்கல் அருகே கேரளாவுக்கு கடத்துவதற்காக பதுக்கி வைத்திருந்த 1,000 லிட்டர் மண்எண்ணெய் பறிமுதல் செய்யப்பட்டது.
கருங்கல்,

குமரி மாவட்டத்தில் ரே‌ஷன் கடைகளில் வழங்கப்படும் அரிசி, மண்எண்ணெய் போன்றவற்றை சிலர் மலிவு விலைக்கு வாங்கி கேரளாவுக்கு கடத்தி சென்று அதிக விலைக்கு விற்பனை செய்து வருகிறார்கள். மேலும், மீனவர்களுக்கு மானிய விலையில் வழங்கப்படும் மண்எண்ணெய்யும் கேரளாவுக்கு கடத்தப்படுகிறது. இதை தடுக்க மாவட்டத்தின் எல்லையில் போலீசார் சோதனை சாவடிகள் அமைத்து கண்காணித்து வருகிறார்கள். மேலும், வருவாய்துறை அதிகாரிகள் ரோந்து சென்றும் கடத்தல் பொருட்களை பறிமுதல் செய்கிறார்கள்.


இந்த நிலையில், மாவட்ட பறக்கும் படை தாசில்தார் ராஜசேகர், துணை தாசில்தார் முருகன், வருவாய் ஆய்வாளர் ரதன் ராஜ்குமார் ஆகியோர் கருங்கல் அருகே ஆலஞ்சி பகுதியில் ரோந்து பணியில் ஈடுபட்டனர்.

அப்போது, சாலையோரம் பிளாஸ்டிக் கேன்களில் 1,000 லிட்டர் மண்எண்ணெய் பதுக்கி வைத்திருப்பதை பார்த்தனர். இந்த மண்எண்ணெய் மீனவர்களுக்கு மானிய விலையில் வழங்கப்படுவதாகும். விசாரணையில், கேரளாவுக்கு கடத்தி செல்வதற்காக பதுக்கி வைத்திருந்தது தெரிய வந்தது. மேலும், அவற்றுக்கு உரிமை கொண்டாட யாரும் வரவில்லை.

இதையடுத்து அதிகாரிகள் மண்எண்ணெய் கேன்களை பறிமுதல் செய்து இனயம் அரசு குடோனில் ஒப்படைத்தனர். மேலும், மண்எண்ணெயை பதுக்கி வைத்திருந்தவர் யார்? என்பது குறித்து விசாரணை நடத்தி வருகிறார்கள்.

தொடர்புடைய செய்திகள்

1. பரங்கிப்பேட்டை அருகே, சிறுமியை கடத்தி சென்று திருமணம் செய்த தொழிலாளி கைது
பரங்கிப்பேட்டை அருகே சிறுமியை கடத்தி சென்று திருமணம் செய்த தொழிலாளியை போலீசார் போக்சோ சட்டத்தில் கைது செய்தனர்.
2. சிங்கப்பூரில் இருந்து கடத்தி வரப்பட்ட ரூ.11½ லட்சம் தங்க நகைகள் பறிமுதல் பெண் பயணியிடம் அதிகாரிகள் விசாரணை
சிங்கப்பூரில் இருந்து திருச்சிக்கு கடத்தி வரப்பட்ட ரூ.11½ லட்சம் தங்க நகைகளை விமான நிலையத்தில் அதிகாரிகள் பறிமுதல் செய்தனர். மேலும் அதை கடத்தி வந்த பெண் பயணியிடம் அதிகாரிகள் விசாரணை நடத்தி வருகிறார்கள்.
3. கெலமங்கலத்தில் பரபரப்பு ரூ.1 கோடி கேட்டு நகைக்கடை அதிபர் கடத்தல் ரூ.40 லட்சம் கொடுத்ததால் விடுவிப்பு
கெலமங்கலத்தில் ரூ.1 கோடி கேட்டு நகைக்கடை அதிபரை கடத்திய கும்பலை சேர்ந்தவர்கள், ரூ.40 லட்சம் கொடுத்ததால் அவரை விடுவித்தனர்.
4. ஆளூர் ரெயில் நிலையத்தில் பதுக்கி வைத்திருந்த 800 கிலோ ரே‌ஷன் அரிசி பறிமுதல்
ஆளூர் ரெயில் நிலையத்தில் இருந்து கேரளாவுக்கு கடத்த பதுக்கி வைத்திருந்த 800 கிலோ ரே‌ஷன் அரிசியை அதிகாரிகள் பறிமுதல் செய்தனர்.
5. குத்தாலம் அருகே சாராயம் கடத்திய 2 பேர் கைது கார் பறிமுதல்
குத்தாலம் அருகே சாராயம் கடத்திய 2 பேரை போலீசார் கைது செய்தனர். மேலும் கடத்தலுக்கு பயன்படுத்தப்பட்ட காரை பறிமுதல் செய்தனர்.