மாவட்ட செய்திகள்

விபத்தில் பலியான சிவகாசி ராணுவ வீரர் குடும்பத்துக்கு ரூ.50 லட்சம் இழப்பீடு + "||" + Crash Kills The Sivakasi army soldier's family Compensation

விபத்தில் பலியான சிவகாசி ராணுவ வீரர் குடும்பத்துக்கு ரூ.50 லட்சம் இழப்பீடு

விபத்தில் பலியான சிவகாசி ராணுவ வீரர் குடும்பத்துக்கு ரூ.50 லட்சம் இழப்பீடு
விபத்தில் பலியான ராணுவ வீரர் குடும்பத்துக்கு ரூ.50 லட்சம் இழப்பீடு வழங்க விருதுநகர் கோர்ட்டு உத்தரவிட்டுள்ளது.

விருதுநகர்,

விருதுநகர் மாவட்டம் சிவகாசி அருகே உள்ள விஸ்வநத்தம் திருவள்ளுவர் நகரை சேர்ந்த லட்சுமணன் என்பவரது மகன் ராம்பிரசாத்(வயது23). இவர் நீலகிரி மாவட்டம் குன்னூரில் ராணுவ வீரராக இருந்தார். திருவனந்தபுரம் முகாமுக்கு சென்று இருந்த இவர் விடுமுறையில் சொந்த ஊருக்கு வந்திருந்தார்.

கடந்த 25.5.2017 அன்று இரு சக்கர வாகனத்தில் ஸ்ரீவில்லிபுத்தூர் சாட்சியாபுரம் ரெயில்வே கேட் அருகே சென்று கொண்டிருந்தார். அப்போது எதிரே வந்த இரு சக்கர வாகனம் மோதியதில் நிலை குலைந்து கீழே விழுந்தார். அப்போது பின்னால் வந்த லாரி அவர் மீது மோதியது. இதில் ராம்பிரசாத் உயிரிழந்தார். இதுகுறித்து லாரி டிரைவர் மற்றும் எதிரே இரு சக்கர வாகனத்தில் வந்தவர் மீது வழக்குபதிவு செய்து போலீசார் விசாரணை நடத்தினர்.

இந்த நிலையில் இழப்பீடு கோரி ராம்பிரசாத்தின் பெற்றோர் லட்சுமணன்,செல்வி ஆகியோர் விருதுநகரிலுள்ள மாவட்ட கூடுதல் அமர்வு கோர்ட்டில் வழக்கு தொடர்ந்தனர். நீதிபதி பரிமளா அதனை விசாரித்து நேற்று தீர்ப்பு கூறினார்.

அவர், ராம்பிரசாத் குடும்பத்துக்கு ரூ.50 லட்சத்து 4ஆயிரத்து 800 இழப்பீடாக வழங்க உத்தரவிட்டார். இதில் 80 சதவீதத்தை மதுரையிலுள்ள இரு சக்கர வாகன இன்சூரன்சு நிறுவனமும் மீதமுள்ள 20 சதவீததொகையை விருதுநகரிலுள்ள லாரி நிறுவனத்தின் இன்சூரன்சு நிறுவனமும் 7½ சதவீத வட்டியுடன் வழங்கவும் அவர் உத்தரவிட்டார்.


தொடர்புடைய செய்திகள்

1. கர்ப்பப்பை அகற்றப்பட்ட பெண் மூளைச்சாவு தனியார் மருத்துவமனையை கண்டித்து உறவினர்கள் திடீர் சாலை மறியல்
கர்ப்பப்பை அகற்றப்பட்ட பெண் மூளைச்சாவு அடைந்ததால், தவறான சிகிச்சை அளித்ததாக கூறி தனியார் மருத்துவமனையை கண்டித்து உறவினர்கள் திடீர் சாலை மறியலில் ஈடுபட்டனர்.
2. கரூர் அருகே காவிரி ஆற்றில் மூழ்கி ஐ.டி.ஐ. மாணவர் உள்பட 3 பேர் பலி
கரூர் அருகே கோவில் திருவிழாவிற்கு தீர்த்தக்குடம் எடுக்க வந்த ஐ.டி.ஐ. மாணவர் உள்பட 3 பேர் காவிரி ஆற்றில் மூழ்கி பரிதாபமாக இறந்தனர்.
3. குமாரபாளையம் அருகே லாரி மோதி தந்தை-மகன் பலி பிறந்தநாள் அன்று பரிதாபம்
குமாரபாளையம் அருகே பிறந்தநாள் அன்று மாமனார், மாமியாரிடம் ஆசி வாங்கி விட்டு விசைத்தறி தொழிலாளி தனது மகனுடன் மொபட்டில் வீட்டுக்கு திரும்பி வந்த போது லாரி மோதியதில் அவர்கள் இருவரும் பலியானார்கள்.
4. வேளாங்கண்ணி அருகே ஆம்னி வேன் மீது கார் மோதியது; 2 பேர் பலி 8 பேர் படுகாயம்
வேளாங்கண்ணி அருகே ஆம்னி வேன் மீது கார் மோதியதில் 2 பேர் பலியானார்கள். 8 பேர் படுகாயமடைந்தனர்.
5. பஸ் சக்கரங்களில் சிக்கி வாலிபர் பலி மோட்டார் சைக்கிளில் இருந்து தவறி விழுந்து பரிதாபம்
அய்யம்பேட்டை அருகே மோட்டார் சைக்கிளில் இருந்து தவறி விழுந்த வாலிபர், பஸ் சக்கரங்களில் சிக்கி பலியானார்.