மாவட்ட செய்திகள்

பாலக்கோடு அருகே கோவில் திருவிழாவில் கரகம் எடுப்பதில் மோதல்; கிராம மக்கள் சாலைமறியல் + "||" + Confrontation at the Temple Festival near Balakode - Village people stir the road

பாலக்கோடு அருகே கோவில் திருவிழாவில் கரகம் எடுப்பதில் மோதல்; கிராம மக்கள் சாலைமறியல்

பாலக்கோடு அருகே கோவில் திருவிழாவில் கரகம் எடுப்பதில் மோதல்; கிராம மக்கள் சாலைமறியல்
பாலக்கோடு அருகே கோவில் திருவிழாவில் கரகம் எடுப்பதில் மோதலையடுத்து ஒரு தரப்பினர் சாலைமறியலில் ஈடுபட்டனர்.
பாலக்கோடு,

தர்மபுரி மாவட்டம் பாலக்கோடு அருகே வாழைத்தோட்டம் மற்றும் சுற்று வட்டார 12 கிராம மக்கள் ஒன்று கூடி பாலக்கோடு புதூர் பொன் மாரியம்மன் கோவில் திருவிழாவை நடத்துவது வழக்கம். இந்த திருவிழா நேற்று முன்தினம் தொடங்கி வருகிற 22-ந்தேதி (வெள்ளிக்கிழமை) வரை நடைபெறுகிறது.


இந்தநிலையில் வாழைத்தோட்டம் கிராமத்தில் கோவில் கரகம் எடுப்பதில் இருதரப்பினர் இடையே மோதல் ஏற்பட்டது. இதையடுத்து ஒருதரப்பினர் நேற்று காலை பாலக்கோட்டிலிருந்து பெல்ரம்பட்டி செல்லும் சாலையில் மறியலில் ஈடுபட்டனர். ஆண்கள், பெண்கள், பள்ளி மாணவர்கள் என 500-க்கும் மேற்பட்டவர்கள் சாலைமறியலில் பங்கேற்றனர். இதனால் போக்குவரத்து பாதிக்கப்பட்டது.

தகவல் அறிந்ததும் பாலக்கோடு தாசில்தார் வெங்கடேஸ்வரன் மற்றும் போலீசார் அங்கு வந்தனர். சாலைமறியலில் ஈடுபட்டவர்களுடன் பேச்சுவார்தையில் ஈடுபட்டனர். அப்போது கிராம மக்கள், திருவிழாவில் கரகம் எடுப்பதில் தனிப்பட்ட முறையில் செயல்படக்கூடாது என்ற கோரிக்கையை வலியுறுத்தினர். இந்த கோரிக்கையை நிறைவேற்றாவிட்டால் வருகிற நாடாளுமன்ற தேர்தலை புறக்கணிப்போம், ஆதார் கார்டு, குடும்ப அட்டை, வாக்காளர் அட்டை என அனைத்தையும் மாவட்ட கலெக்டரிடம் ஒப்படைப்போம், என்று கோஷமிட்டனர்.

தாசில்தார் தொடர்ந்து 4 மணி நேரத்திற்கும் மேல் பேச்சுவார்த்தையில் ஈடுபட்டதில் சுமுக முடிவு ஏற்பட்டது. இதையடுத்து கிராம மக்கள் சாலைமறியலை கைவிட்டு கலைந்து சென்றனர்.


தொடர்புடைய செய்திகள்

1. வேதாரண்யத்தில் இரு தரப்பினர் மோதல்: அம்பேத்கர் சிலை உடைப்பு; ஜீப்புக்கு தீ வைப்பு வன்முறையால் பதற்றம்
வேதாரண்யத்தில் இரு தரப்பினர் இடையே ஏற்பட்ட மோதலில் ஜீப்புக்கு தீ வைக்கப்பட்டது. அம்பேத்கர் சிலை உடைக்கப்பட்டது. அடுத்தடுத்து நடந்த வன்முறை சம்பவங்களை தொடர்ந்து அங்கு போலீசார் குவிக்கப்பட்டு பாதுகாப்பு பலப்படுத்தப்பட்டு உள்ளது.
2. இறுதி ஊர்வலத்தில் பட்டாசு வெடித்ததில் தகராறு இருதரப்பினரிடையே மோதல்; 9 பேர் படுகாயம்
இலுப்பூர் அருகே இறுதி ஊர்வலத்தில் பட்டாசு வெடித்த தகராறில் இருதரப்பினர் இடையே ஏற்பட்ட மோதலில் 9 பேர் படுகாயமடைந்தனர். 12 பேர் மீது வழக்குப்பதிவு செய்து போலீசார் விசாரணை நடத்தி வருகின்றனர்.
3. திருவள்ளூர் அருகே தனியார் நிறுவனத்துக்கு டீ வினியோகம் செய்வதில் மோதல்; வாலிபருக்கு வெட்டு, சகோதரர்கள் கைது
திருவள்ளூர் அருகே தனியார் நிறுவனத்துக்கு டீ வினியோகம் செய்வதில் ஏற்பட்ட மோதல் தொடர்பாக வாலிபருக்கு கத்தியால் வெட்டு விழுந்தது. இது தொடர்பாக சகோதரர்கள் கைது செய்யப்பட்டனர்.
4. மாமல்லபுரம் அருகே பஸ்- கார் மோதல்; சென்னையை சேர்ந்த 2 பேர் பலி
மாமல்லபுரம் அருகே பஸ்-கார் மோதிய விபத்தில் சென்னையை சேர்ந்த 2 பேர் பலியானார்கள்.
5. மாணவிகள் மனதில் முதலில் இடம் பிடிப்பது யார்? என்பதில் பள்ளி மாணவர்கள் பயங்கர மோதல்
மாணவிகள் மனதில் முதலில் இடம் பிடிப்பது யார்? என்று திருச்சி மத்திய பஸ் நிலையத்தில் பள்ளி மாணவர்கள் இடையே நேற்று மாலை பயங்கர மோதல் ஏற்பட்டது.