மாவட்ட செய்திகள்

மக்கள் நீதிமன்றத்தில்ஒரே நாளில் 1,911 வழக்குகளுக்கு தீர்வு + "||" + People in court A day to settle 1,911 cases

மக்கள் நீதிமன்றத்தில்ஒரே நாளில் 1,911 வழக்குகளுக்கு தீர்வு

மக்கள் நீதிமன்றத்தில்ஒரே நாளில் 1,911 வழக்குகளுக்கு தீர்வு
தூத்துக்குடி மாவட்டத்தில் நேற்று நடந்த மக்கள் நீதிமன்றத்தில் 1,911 வழக்குகளுக்கு தீர்வு காணப்பட்டது.
தூத்துக்குடி, 

தேசிய சட்டப்பணிகள் ஆணைக்குழு, மாநில சட்டப்பணிகள் ஆணைக்குழு உத்தரவின் பேரில், தூத்துக்குடி மாவட்டத்தில் தூத்துக்குடி, கோவில்பட்டி, திருச்செந்தூர், ஸ்ரீவைகுண்டம், சாத்தான்குளம், விளாத்திகுளம் கோர்ட்டுகளில் நேற்று மக்கள் நீதிமன்றம் நடத்தப்பட்டது. மொத்தம் 18 அமர்வுகள் அமைக்கப்பட்டு விசாரணை நடத்தப்பட்டது.

தூத்துக்குடியில் மக்கள் நீதிமன்றத்தை மாவட்ட முதன்மை நீதிபதி சுரேஷ் விசுவநாத் தொடங்கி வைத்தார். 2-வது கூடுதல் மாவட்ட நீதிபதி கவுதமன், தலைமை குற்றவியல் நீதித்துறை நடுவர் பகவதியம்மாள், சார்பு நீதிபதி செல்வம், முதன்மை மாவட்ட உரிமையியல் நீதிபதி ஹசன் முகமது, குற்றவியல் நீதித்துறை நடுவர்கள் அண்ணாமலை, பிஸ்மிதா, தமிழ்ச்செல்வி, மாவட்ட சட்டப்பணிகள் ஆணைக்குழு செயலாளர் சார்பு நீதிபதி சாமுவேல் பெஞ்சமின் ஆகியோர் கலந்து கொண்டனர்.

தூத்துக்குடி மாவட்டம் முழுவதும் நீதிமன்ற நிலுவையில் உள்ள வழக்குகளில் 4 ஆயிரத்து 116 வழக்குகள் விசாரணைக்கு எடுத்துக் கொள்ளப்பட்டன. இதில் 1,733 வழக்குகளுக்கு தீர்வு காணப்பட்டு, ரூ.6 கோடியே 77 லட்சத்து 48 ஆயிரத்து 946 பைசல் செய்யப்பட்டது. அதேபோல் வங்கி வராக்கடன் வழக்குகளில் 1,400 வழக்குகள் விசாரணைக்கு எடுத்துக்கொள்ளப்பட்டன. இதில் 178 வழக்குகளுக்கு தீர்வு காணப்பட்டு, ரூ.1 கோடியே 23 லட்சத்து 58 ஆயிரத்து 339 பைசல் செய்யப்பட்டது. மாவட்டத்தில் நேற்று ஒரே நாளில் மொத்தம் 1,911 வழக்குகளுக்கு தீர்வு காணப்பட்டு, ரூ.8 கோடியே 1 லட்சத்து 7 ஆயிரத்து 285 பைசல் செய்யப்பட்டது.

இந்த தகவலை சார்பு நீதிபதி சாமுவேல் பெஞ்சமின் தெரிவித்து உள்ளார்.

தொடர்புடைய செய்திகள்

1. மராட்டிய மாநிலத்தில் கனமழை: தண்டவாளம் மூழ்கியதால் “1,000 பேருடன் வெள்ளத்தில் சிக்கிய ரெயில் ” பல மணி நேரம் தவித்த பயணிகள் படகுகள் மூலம் மீட்பு
மராட்டிய மாநிலத்தில் கொட்டித்தீர்த்த கனமழை காரணமாக, மும்பை அருகே தண்டவாளம் மூழ்கியதால், ரெயில் வெள்ளத்தில் சிக்கியது. ரெயிலில் பல மணி நேரம் தவித்த ஆயிரத்துக்கும் மேற்பட்ட பயணிகள் படகுகள் மூலம் மீட்கப்பட்டனர்.
2. திருவாரூரில் இருந்து விழுப்புரத்திற்கு, பொதுவினியோக திட்டத்திற்காக 1,250 டன் அரிசி - சரக்கு ரெயிலில் அனுப்பி வைக்கப்பட்டது
திருவாரூரில் இருந்து விழுப்புரத்திற்கு பொதுவினியோக திட்டத்திற்காக சரக்கு ரெயிலில் 1,250 டன் அரிசி அனுப்பி வைக்கப்பட்டது.
3. மாவட்டம் முழுவதும் ஒரே நாளில் 1,810 மழைநீர் சேகரிப்பு தொட்டிகள் அமைப்பு - கலெக்டர் தகவல்
தேனி மாவட்டத்தில் நேற்று ஒரே நாளில் 1,810 மழைநீர் சேகரிப்பு தொட்டிகள் அமைக்கும் பணிகள் மேற்கொள்ளப்பட்டன.
4. சேலத்தில் மக்கள் நீதிமன்றம்: 1,832 வழக்குகளுக்கு சமரச தீர்வு
சேலத்தில் நடந்த மக்கள் நீதிமன்றம் மூலம் 1,832 வழக்குகளுக்கு சமரச தீர்வு காணப்பட்டன.
5. தடைக்காலம் முடியும்முன் மீன்பிடிக்க சென்ற 1,196 படகுகளின் உரிமையாளர்களுக்கு நோட்டீசு அனுப்ப நடவடிக்கை
தடைக்காலம் முடியும்முன் மீன்பிடிக்க சென்ற ராமநாதபுரம் மாவட்டத்தை சேர்ந்த 1,196 படகுகளின் உரிமையாளர்களுக்கு நேரில் ஆஜராகி விளக்கம் அளிக்க நோட்டீசு அனுப்ப நடவடிக்கை எடுக்கப்பட்டுள்ளதாக மீன்துறை அதிகாரிகள் தெரிவித்தனர்.