மாவட்ட செய்திகள்

ஓய்வூதிய திட்டத்தை அரசே பொறுப்பேற்று நடத்தக்கோரி ஓய்வு பெற்ற போக்குவரத்து தொழிலாளர்கள் ஆர்ப்பாட்டம் + "||" + Retired transport workers demonstrated to the government to take over the pension scheme

ஓய்வூதிய திட்டத்தை அரசே பொறுப்பேற்று நடத்தக்கோரி ஓய்வு பெற்ற போக்குவரத்து தொழிலாளர்கள் ஆர்ப்பாட்டம்

ஓய்வூதிய திட்டத்தை அரசே பொறுப்பேற்று நடத்தக்கோரி ஓய்வு பெற்ற போக்குவரத்து தொழிலாளர்கள் ஆர்ப்பாட்டம்
ஓய்வூதிய திட்டத்தை அரசே பொறுப்பேற்று நடத்தக்கோரி ஓய்வு பெற்ற போக்குவரத்து தொழிலாளர்கள் ஆர்ப்பாட்டத்தில் ஈடுபட்டனர்.
தஞ்சாவூர்,

கும்பகோணம், நாகை மண்டல அரசு போக்குவரத்து ஏ.ஐ.டி.யூ.சி. ஓய்வு பெற்றோர் மற்றும் வாரிசுகள் சங்கம் சார்பில் ஆர்ப்பாட்டம் தஞ்சையை அடுத்த கரந்தையில் உள்ள அரசு போக்குவரத்து கழகம் முன்பு நேற்று நடைபெற்றது. ஆர்ப்பாட்டத்துக்கு ஓய்வு பெற்றோர் சங்க பொதுச்செயலாளர் அப்பாத்துரை தலைமை தாங்கினார். தலைவர் தியாகராஜன், கவுரவ தலைவர் சந்திரமோகன் ஆகியோர் முன்னிலை வகித்தனர்.


ஆர்ப்பாட்டத்தை ஏ.ஐ.டி.யூ.சி. மாநில செயலாளர் சந்திரகுமார் தொடங்கி வைத்தார்.

ஆர்ப்பாட்டத்தில் ஓய்வூதிய திட்டங்களை அரசே பொறுப்பேற்று நடத்த வேண்டும். ஒவ்வொரு மாதமும் 1–ந்தேதி ஓய்வூதியம் வழங்க வேண்டும். ஓய்வூதியத்திற்கு கணக்கிடும் 119 சதவீத அகவிலைப்படியை 125 சதவீதமாக உயர்த்த வேண்டும். நிலுவைத்தொகைகளை வழங்க வேண்டும். ஓய்வூதியர்களுக்கு மருத்துவ காப்பீடு மற்றும் சமூக பாதுகாப்பு திட்டத்தை அமல்படுத்த வேண்டும்.


1–4–2003–க்கு பின் பணியில் சேர்ந்தவர்களையும் ஓய்வூதிய திட்டத்தில் இணைக்க வேண்டும். ஓய்வு பெற்றவர்களின் பணப்பலன்களை தாமதிக்காமல் உடனே வழங்க வேண்டும். ஓய்வூதியர்களின் நீதிமன்ற தீர்ப்பினை காலம் தாழ்த்தாமல் உடனே அமல்படுத்த வேண்டும். வாரிசு பணிக்கு தேர்வு செய்யப்பட்டவர்களுக்கு பணி நியமன ஆணையை உடனே வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

ஆர்ப்பாட்டத்தில் ஏ.ஐ.டி.யூ.சி. மாவட்ட செயலாளர் தில்லைவனம், மாவட்ட தலைவர் சேவையா, ஓய்வு பெற்றோர் சங்க மாநில துணைத்தலைவர் துரை.மதிவாணன், குடந்தை அரசு போக்குவரத்து சங்க நிர்வாகிகள் சுந்தரபாண்டியன், மாணிக்கம், ஆழகிரி, முருகையன், வெங்கடபிரசாத் ஆகியோர் கலந்து கொண்டனர். முடிவில் பொருளாளர் பாலசுப்பிரமணியன் நன்றி கூறினார்.

தொடர்புடைய செய்திகள்

1. பெட்ரோல், டீசல் விலை உயர்வை கண்டித்து ஏ.ஐ.டி.யூ.சி. ஆர்ப்பாட்டம்
தஞ்சை தலைமை தபால் நிலையம் முன்பு ஏ.ஐ.டி.யூ.சி. சார்பில் நேற்றுகாலை ஆர்ப்பாட்டம் நடந்தது.
2. மத்திய பட்ஜெட்டை கண்டித்து ஆர்ப்பாட்டம்
புதுக்கோட்டை மாவட்ட ஏ.ஐ.டி.யு.சி. சார்பில் மத்திய பட்ஜெட்டை கண்டித்து புதுக்கோட்டை திலகர் திடலில் நேற்று ஆர்ப்பாட்டம் நடைபெற்றது.
3. நல்லம்பள்ளி, காரிமங்கலத்தில் அங்கன்வாடி ஊழியர்கள் ஆர்ப்பாட்டம்
தமிழ்நாடு அங்கன்வாடி ஊழியர் மற்றும் உதவியாளர் சங்கம் சார்பில் நல்லம்பள்ளியில் உள்ள ஒருங்கிணைந்த குழந்தைகள் வளர்ச்சி திட்ட அலுவலகம் முன்பு நேற்று கருப்பு பேட்ஜ் அணிந்து ஆர்ப்பாட்டம் நடத்தினர்.
4. பெட்ரோல், டீசல் விலை உயர்வை கண்டித்து ஆட்டோ டிரைவர்கள் ஆர்ப்பாட்டம்
திருச்சி விமான நிலையத்திற்குள் ஆட்டோவில் பயணிகளை ஏற்றிச்செல்ல அனுமதிக்க வேண்டும் என்பன உள்ளிட்ட கோரிக்கைகளை வலியுறுத்தியும் திருச்சி ஜங்ஷன் பகுதியில் நேற்று ஆட்டோ டிரைவர்கள் ஆர்ப்பாட்டம் நடத்தினார்கள்.
5. பயிர் காப்பீட்டு தொகை வழங்காததை கண்டித்து விவசாயிகள் ஆர்ப்பாட்டம் கீழ்வேளூரில் நடந்தது
பயிர் காப்பீட்டு தொகை வழங்காததை கண்டித்து கீழ்வேளூரில் விவசாயிகள் ஆர்ப்பாட்டத்தில் ஈடுபட்டனர்.