மாவட்ட செய்திகள்

கலெக்டர் அலுவலகத்தில் தயார் நிலையில் இருந்த அதிகாரிகள்: முதல் நாள் யாரும் வேட்பு மனு தாக்கல் செய்யவில்லை + "||" + Officers in the office of the Collector: No nomination was filed on the first day

கலெக்டர் அலுவலகத்தில் தயார் நிலையில் இருந்த அதிகாரிகள்: முதல் நாள் யாரும் வேட்பு மனு தாக்கல் செய்யவில்லை

கலெக்டர் அலுவலகத்தில் தயார் நிலையில் இருந்த அதிகாரிகள்: முதல் நாள் யாரும் வேட்பு மனு தாக்கல் செய்யவில்லை
வேட்பு மனு தாக்கல் தொடங்கியதை தொடர்ந்து திருச்சி மாவட்ட கலெக்டர் அலுவலகத்தில் அதிகாரிகள் தயார் நிலையில் இருந்தனர். ஆனால் முதல் நாள் யாரும் வேட்பு மனு தாக்கல் செய்யவில்லை.
திருச்சி,

நாடாளுமன்ற தேர்தலுக்கான வேட்பு மனு தாக்கல் தமிழகம் முழுவதும் நேற்று தொடங்கியது. திருச்சி நாடாளுமன்ற தொகுதிக்கான வேட்பு மனுக்களை வேட்பாளர்கள் திருச்சி மாவட்ட கலெக்டர் அலுவலகத்திலும், பழைய கலெக்டர் அலுவலக வளாகத்தில் உள்ள வருவாய் கோட்டாட்சியர் அலுவலகத்திலும் தாக்கல் செய்யலாம் என அறிவிக்கப்பட்டு உள்ளது. இதனை தொடர்ந்து கலெக்டர் அலுவலகத்திலும், வருவாய் கோட்டாட்சியர் அலுவலகத்திலும் மூன்றடுக்கு போலீஸ் பாதுகாப்பு போடப்பட்டு இருந்தது. கலெக்டர் அலுவலகத்தின் பிரதான வாசல், அலுவலக நுழைவு வாசல், கலெக்டர் அலுவலக அறை அமைந்துள்ள முதல் தளம் ஆகிய இடங்களில் போலீஸ் பாதுகாப்பு போடப்பட்டு இருந்தது. கலெக்டர் அலுவலகத்திற்கு வந்த ஊழியர்கள் உள்பட அனைவரையும் போலீசார் சோதனை செய்த பின்னரே உள்ளே செல்ல அனுமதித்தனர். இதற்காக மெட்டல் டிடெக்டர் கதவும் அமைக்கப்பட்டு இருந்தது.


திருச்சி தொகுதியின் தேர்தல் நடத்தும் அதிகாரியான மாவட்ட கலெக்டர் சிவராசு, வருவாய் கோட்டாட்சியர் அன்பழகன் ஆகியோர் காலை 11 மணி முதல் பிற்பகல் 3 மணி வரை தங்களது அலுவலக அறைகளில் தயார் நிலையில் இருந்தனர். ஆனால் நேற்று மாலை 3 மணி வரை யாரும் வேட்பு மனு தாக்கல் செய்ய வரவில்லை. வருகிற 26-ந்தேதி வரை (சனி, ஞாயிறு விடுமுறை நாட்கள் தவிர) வேட்பு மனு தாக்கல் செய்யலாம் என்பது குறிப்பிடத்தக்கது.

கலெக்டர் அலுவலகத்தின் தரைத்தளத்தில் உள்ள தேர்தல் பிரிவு அலுவலகத்தில் சுயேச்சையாக போட்டியிட விரும்பிய சிலர் விண்ணப்ப மனுக்களை வாங்கியதோடு, வேட்பு மனு தாக்கலின் போது பின்பற்ற வேண்டிய விதிமுறைகளை கேட்டு தெரிந்து கொண்டு சென்றனர்.

தொடர்புடைய செய்திகள்

1. பயங்கரவாதிகள் ஊடுருவல் எச்சரிக்கை: கோவையில் உச்சக்கட்ட பாதுகாப்பு
தமிழகத்தில் பயங்கரவாதிகள் ஊடுருவியதாக உளவுத்துறை எச்சரித்ததையடுத்து கோவையில் பாதுகாப்பு தீவிரப்படுத்தப்பட்டுள்ளது.
2. நாகர்கோவிலில் பிரசவத்துக்கு அனுமதிக்கப்பட்ட இளம்பெண் திடீர் சாவு போலீஸ் விசாரணை
நாகர்கோவிலில் பிரசவத்துக்கு அனுமதிக்கப்பட்ட இளம்பெண் திடீரென இறந்தார். இச்சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.
3. காஷ்மீர் மாநிலத்திற்கு சிறப்பு அந்தஸ்து ரத்து எதிரொலி: திருச்சியில் பலத்த போலீஸ் பாதுகாப்பு
காஷ்மீர் மாநிலத்திற்கு சிறப்பு அந்தஸ்து ரத்து செய்யப்பட்டதை தொடர்ந்து திருச்சியில் பலத்த போலீஸ் பாதுகாப்பு ஏற்பாடு செய்யப்பட்டுள்ளது. சிறப்பு அதிகாரியான கூடுதல் டி.ஜி.பி. சைலேஷ்குமார் யாதவ் ஆய்வு மேற்கொண்டார்.
4. காஷ்மீர் விவகாரம்: குமரி மாவட்டத்தில் பலத்த பாதுகாப்பு 24 மணி நேரமும் போலீசார் ரோந்து
காஷ்மீர் விவகாரம் தொடர்பாக குமரி மாவட்டத்தில் பலத்த போலீஸ் பாதுகாப்பு போடப்பட்டு உள்ளது. அவர்கள் 24 மணி நேரமும் ரோந்து பணியில் ஈடுபட்டு வருகிறார்கள்.
5. வடகாடு அருகே விவசாயி வீட்டில் பெட்ரோல் குண்டு வீச்சு மர்மநபர்களுக்கு போலீஸ் வலைவீச்சு
வடகாடு அருகே விவசாயி வீட்டில் பெட்ரோல் குண்டு வீசிய மர்மநபர்களை போலீசார் வலைவீசி தேடி வருகின்றனர்.