மாவட்ட செய்திகள்

சேலையூர் அருகே பெண்ணை கொன்று கழிவுநீர் தொட்டியில் உடல் வீச்சு தலைமறைவான வாலிபருக்கு போலீஸ் வலைவீச்சு + "||" + Near Salaiyur Kill the girl Body through to the waste water tank

சேலையூர் அருகே பெண்ணை கொன்று கழிவுநீர் தொட்டியில் உடல் வீச்சு தலைமறைவான வாலிபருக்கு போலீஸ் வலைவீச்சு

சேலையூர் அருகே பெண்ணை கொன்று கழிவுநீர் தொட்டியில் உடல் வீச்சு தலைமறைவான வாலிபருக்கு போலீஸ் வலைவீச்சு
சேலையூர் அருகே, பெண்ணை கொன்று உடலை கழிவுநீர் தொட்டியில் வீசிவிட்டு தலைமறைவான வாலிபரை போலீசார் தேடி வருகின்றனர்.

தாம்பரம்,

சென்னை தாம்பரம் அடுத்த சேலையூர் அருகே உள்ள கோவிலாஞ்சேரி, அகரம் தென் பிரதான சாலையை சேர்ந்தவர் குணசேகரன்(வயது 54). இவர், சொந்தமாக விவசாய நிலம் மற்றும் மாடுகள் வைத்து பராமரித்து வருகிறார்.

கடந்த ஜனவரி மாதம் விழுப்புரத்தைச் சேர்ந்த தேவி (35) என்ற பெண், தனது கணவருடன் சண்டை போட்டுக்கொண்டு வந்துவிட்டதாக கூறி, குணசேகரனிடம் வேலை கேட்டார்.

குணசேகரனும் தனது விவசாய நிலம் மற்றும் மாடுகளை பராமரிக்க தேவியை அங்கேயே தங்கி வேலை செய்ய ஒப்புக்கொண்டார். கடந்த 3 மாதங்களாக தேவி அங்கு வேலை செய்து வந்தார்.

இந்தநிலையில் கடந்த 3–ந்தேதி தேவியின் கணவர் என்று கூறிக்கொண்டு வாலிபர் ஒருவர் வந்து தேவியை ஊருக்கு வரும்படி அழைத்தார். ஆனால் அவருடன் செல்ல தேவி மறுத்து விட்டார்.

எனவே இருவரும் அங்கேயே தங்கி வேலை செய்வதாக குணசேகரனிடம் கூறினர். அதற்கு குணசேகரனும் ஒப்புக்கொண்டார். அதன்பிறகு கணவன்–மனைவி இருவரும் அங்கேயே தங்கி இருந்தனர்.

ஆனால் இருவருக்கும் இடையே அடிக்கடி சண்டை நடந்து வந்தது. இதற்கிடையில் கடந்த 16–ந்தேதியில் இருந்து தேவி மற்றும் அவரது கணவர் இருவரும் மாயமானார்கள். இருவரும் சொல்லாமல் சொந்த ஊருக்கு சென்று இருப்பார்கள் என நினைத்த குணசேகரன், அதை கண்டுகொள்ளாமல் இருந்துவிட்டார்.

இந்தநிலையில் நேற்று காலை குணசேகரனுக்கு சொந்தமான நிலத்தில் உள்ள கழிவுநீர் தொட்டியில் இருந்து துர்நாற்றம் வீசியது. இதனால் சந்தேகம் அடைந்த குணசேகரன், கழிவுநீர் தொட்டி மூடியை திறந்து பார்த்தார். அதில், மாயமானதாக கருதப்பட்ட தேவி, பிணமாக கிடப்பதை கண்டு அதிர்ச்சி அடைந்தார்.

இதுகுறித்து தகவல் அறிந்துவந்த சேலையூர் போலீசார், கழிவுநீர் தொட்டியில் கிடந்த தேவியின் உடலை மீட்டு பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்தனர்.

தேவியுடன் கணவர் என்று கூறி தங்கி இருந்த வாலிபர்தான், அவரை கொன்று உடலை கழிவுநீர் தொட்டியில் வீசிவிட்டு தப்பிச்சென்று இருக்கலாம் என போலீசார் சந்தேகிக்கிறார்கள். உண்மையிலேயே அந்த வாலிபர் தேவியின் கணவர் தானா? அல்லது காதலனா? என்பதும் தெரியவில்லை.

மேலும் இதுபற்றி போலீசார் வழக்குப்பதிவு செய்து, தலைமறைவான வாலிபரை தேடி வருகின்றனர்.


தொடர்புடைய செய்திகள்

1. பழவேற்காடு ஏரிக்கரையில் உள்ள கடலோர போலீஸ் நிலையத்தில் போதிய போலீஸ் இல்லாததால் மீனவர்கள் அச்சம்
பொன்னேரி அடுத்த பழவேற்காடு ஏரிக்கரையில் கட்டப்பட்டுள்ள கடலோர போலீஸ் நிலையத்திற்கு போதிய அளவில் போலீசாரை நியமித்து, சமூக விரோத செயல்களை கட்டுப்படுத்த வேண்டும் என்று மீனவர்கள் கோரிக்கை விடுத்துள்ளனர்.
2. கந்துவட்டி கேட்டு மிரட்டுபவர் மீது நடவடிக்கை எடுக்கவேண்டும் போலீஸ் சூப்பிரண்டிடம் ஆட்டோ உரிமையாளர் மனைவி மனு
கந்து வட்டி கேட்டு மிரட்டுபவர் மீது நடவடிக்கை எடுக்க வேண்டும் என்று போலீஸ் சூப்பிரண்டிடம் ஆட்டோ உரிமையாளர் மனைவி மனு கொடுத்தார்.
3. நடிகர் சங்க நில முறைகேடு வழக்கு: போலீஸ் சூப்பிரண்டு அலுவலகத்தில் நடிகர் விஷால் ஆஜராகவில்லை
நடிகர் சங்க நில முறைகேடு வழக்கு விசாரணைக்கு நடிகர் விஷால் ஆஜராகவில்லை. படப்பிடிப்பு இருப்பதால் வேறொரு நாளில் வருவதாக கடிதம் கொடுத்துள்ளார்.
4. கடந்த ஒரு வருடத்துக்குமேல் காலியாக உள்ள லஞ்ச ஒழிப்புதுறை துணை போலீஸ் சூப்பிரண்டு பணியிடம் அரசு நடவடிக்கை எடுக்க வலியுறுத்தல்
விருதுநகர் மாவட்ட லஞ்ச ஒழிப்புத்துறை துணை போலீஸ் சூப்பிரண்டு பணியிடம் கடந்த 1 வரு டத்திற்குமேல் காலியாக உள்ளதால் இப்பணியிடத்தை நிரப்ப தமிழக அரசு நடவடிக்கை எடுக்க வேண்டும் என வலியுறுத்தப்பட்டுள்ளது.
5. தஞ்சை பெரியகோவிலில் பறந்த ஹெலிகேமராவால் பரபரப்பு படம் பிடித்த நபர் யார்? போலீஸ் விசாரணை
தஞ்சை பெரியகோவிலில் ஹெலிகேமரா பறந்ததால் பரபரப்பு நிலவியது. இதன் மூலம் படம் பிடித்த நபர் யார்? என போலீசார் விசாரணை நடத்தி வருகின்றனர்.