மாவட்ட செய்திகள்

பிச்சம்பாளையம் அருகே பள்ளி முன் பெற்றோர் தர்ணா போராட்டம் புதிய கட்டிடம் கட்டி தர வலியுறுத்தினர் + "||" + Near Bichumbhalam Parents struggle before school New building build quality was emphasized

பிச்சம்பாளையம் அருகே பள்ளி முன் பெற்றோர் தர்ணா போராட்டம் புதிய கட்டிடம் கட்டி தர வலியுறுத்தினர்

பிச்சம்பாளையம் அருகே பள்ளி முன் பெற்றோர் தர்ணா போராட்டம் புதிய கட்டிடம் கட்டி தர வலியுறுத்தினர்
பிச்சம்பாளையம் அருகே கேத்தம்பாளையம் மாநகராட்சி பள்ளிக்கு புதிய கட்டிடம் கட்டித்தர வலியுறுத்தி பெற்றோர் பள்ளி முன்பு தர்ணா போராட்டத்தில் ஈடுபட்டனர்.

அனுப்பர்பாளையம்,

திருப்பூர் பி.என்.ரோடு பிச்சம்பாளையத்தை அடுத்த கேத்தம்பாளையத்தில் மாநகராட்சி நடுநிலைப்பள்ளி உள்ளது. இங்கு 1–ம் வகுப்பு முதல் 8–ம் வகுப்பு வரை 380 மாணவ–மாணவிகள் படித்து வருகின்றனர். ஆனால் பள்ளியில் 2 வகுப்பறைகள் மட்டுமே உள்ளன. அதில் ஒரு அறை தலைமையாசிரியை அறையாக பயன்படுத்தப்பட்டு வருகிறது. மேலும் அந்த ஒரு வகுப்பறையை 2–ஆக பிரித்து வகுப்புகள் நடத்தப்படுகின்றன.

மீதமுள்ள 6 வகுப்புகளை சேர்ந்த மாணவ–மாணவிகளுக்கு பள்ளி வளாகத்தில் உள்ள மரத்தடியிலேயே பாடம் நடத்தப்படுகிறது. அந்த பள்ளிக்கு கூடுதல் வகுப்பறைகளுடன் கூடிய புதிய கட்டிடம் கட்டி தர வேண்டும் என்று பெற்றோர் ஆசிரியர் கழகமும், பெற்றோர்களும் பல ஆண்டுகளாக அரசுக்கு கோரிக்கை விடுத்து வருகின்றனர்.

இதுதொடர்பாக முன்னாள் அமைச்சர், முன்னாள் மேயர் மற்றும் கலெக்டருக்கு பலமுறை மனு கொடுத்தும் இதுவரை பள்ளிக்கு புதிய கட்டிடம் கட்டி கொடுக்கப்படவில்லை. இந்த நிலையில் பள்ளிக்கு புதிய கட்டிடம் கட்டி தர வலியுறுத்தி மாணவர்களின் பெற்றோர் 60–க்கும் மேற்பட்டோர் நேற்று காலை திடீரென பள்ளி முன்பு அமர்ந்து தர்ணா போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.

அப்போது பெற்றோர்கள் கூறியதாவது:–

380 மாணவர்கள் படிக்கும் இந்த பள்ளியில் குறைந்தது 8 வகுப்பறைகளாக இருக்க வேண்டும். ஆனால் ஒரே ஒரு வகுப்பறையை வைத்து கொண்டு 8–ம் வகுப்பு வரை பள்ளி நடத்தப்படுகிறது. மாணவர்களுக்கு கரும்பலகையில் எழுதி போட்டு பாடம் கற்று கொடுத்தால் மட்டுமே எளிதாக புரியும். பல ஆண்டுகளாக மரத்தடியிலேயே பாடம் நடத்தப்படுவதால் மாணவர்களின் எதிர்காலம் பாதிக்கப்பட்டு உள்ளது.

பள்ளியின் அருகிலேயே அரசுக்கு சொந்தமான 33 சென்ட் இடம் உள்ளது. அங்கு பள்ளிக்கு புதிய கட்டிடம் கட்டலாம். மேலும் பள்ளி தற்போது செயல்பட்டு வரும் கட்டிடம் மிகவும் சேதமடைந்து எந்த நிலையிலும் இடிந்து விழும் அபாய நிலையில் உள்ளது. எனவே மாணவர்களின் நலன் கருதி உடனடியாக பள்ளிக்கு புதிய கட்டிடம் கட்டி கொடுக்க அரசு நடவடிக்கை எடுக்க வேண்டும். இல்லையென்றால் அடுத்த கல்வியாண்டின் முதல் நாளிலேயே மாணவர்களும், பெற்றோர்களும் சாலைமறியல் போராட்டத்தில் ஈடுபடுவோம்

இவ்வாறு அவர்கள் கூறினார்கள்.

பின்னர் இதே கோரிக்கையை வலியுறுத்தி கலெக்டர் அலுவலகத்தில் பெற்றோர்கள் மனு கொடுத்தனர் என்பது குறிப்பிடத்தக்கது.


தொடர்புடைய செய்திகள்

1. மேலூர் நான்கு வழிச்சாலையில் போராட்டம் நடத்தியவர்கள் மீது தடியடி– கல் வீச்சு
குறிப்பிட்ட சமுதாயம் குறித்து அவதூறு பரப்பியவர்களை கைது செய்யக்கோரி மேலூர் நான்கு வழிச்சாலையில் போராட்டம் நடத்தியவர்கள் மீது போலீசார் தடியடி நடத்தியதால் பரபரப்பு ஏற்பட்டது.
2. ஈரோடு மோசிக்கீரனார் வீதியில் வீடுகளில் கழிவுநீர் புகுந்ததால் பொதுமக்கள் கடும் அவதி அதிகாரிகளை முற்றுகையிட்டு போராட்டம் நடந்ததால் பரபரப்பு
ஈரோடு மோசிக்கீரனார் வீதியில் உள்ள வீடுகளில் கழிவுநீர் புகுந்ததால் பொதுமக்கள் கடுமையாக அவதிப்பட்டனர். அவர்கள் அதிகாரிகளை முற்றுகையிட்டு போராட்டத்தில் ஈடுபட்டதால் பரபரப்பு ஏற்பட்டது.
3. இலங்கை சிறையில் உள்ள மாணவர்கள் உள்பட 8 மீனவர்களை விடுவிக்காவிட்டால் போராட்டம் - மீனவர்கள் அறிவிப்பு
இலங்கை சிறையில் உள்ள 2 மாணவர்கள் உள்பட 8 மீனவர்களை விடுவிக்காவிட்டால் போராட்டம் நடத்த உள்ளதாக மீனவர்கள் தெரிவித்துள்ளனர்.
4. பல்லடத்தில் மொபட் மீது பஸ் மோதல்; கட்டிட தொழிலாளி பரிதாப சாவு பொதுமக்கள் போராட்டம்
பல்லடத்தில் மொபட் மீது தனியார் பஸ் மோதிய விபத்தில் கட்டிடதொழிலாளி பரிதாபமாக இறந்தார். இதன் காரணமாக ஆத்திரம் அடைந்த பொதுமக்கள் பஸ்சை தாக்கி போராட்டத்தில் ஈடுபட்டனர்.
5. இலங்கை சிறையில் உள்ள மாணவர்களை விடுதலை செய்யாவிட்டால் போராட்டம், மீனவர்கள் அறிவிப்பு
இலங்கை சிறையில் உள்ள 2 மாணவர்களை உடனடியாக விடுதலை செய்யாவிட்டால் போராட்டத்தில் ஈடுபடுவோம் என்று சம்பந்தப்பட்ட மீனவர்களின் பெற்றோர் தெரிவித்துள்ளனர்.