மாவட்ட செய்திகள்

தலமலை, கடம்பூர் பகுதிகளில் திடீர் கோடை மழை + "||" + Summer rains in thalamalai and Kadambur areas

தலமலை, கடம்பூர் பகுதிகளில் திடீர் கோடை மழை

தலமலை, கடம்பூர் பகுதிகளில் திடீர் கோடை மழை
தலமலை, கடம்பூர் பகுதிகளில் திடீரென கோடை மழை பெய்தது.
தாளவாடி,

தாளவாடி அருகே உள்ள தலமலை சுற்றுவட்டார பகுதிகளில் கடந்த சில மாதங்களாக கடும் வெயில் சுட்டெரிக்கிறது.

வனப்பகுதியில் உள்ள மரம், செடி கொடிகள் காய்ந்துவிட்டன. வனவிலங்குகள் தண்ணீர் மற்றும் உணவு தேடி காட்டை விட்டு வெளியேறி அருகே உள்ள கிராமங்களுக்கு படையெடுத்து வருகின்றன. இந்தநிலையில் நேற்று முன் தினம் நள்ளிரவு 12 மணியளவில் தலமலை, சிக்கள்ளி, இக்களூர், தெட்டாபுரம், நெய்தாளபுரம் ஆகிய பகுதியில் இடியுடன் பலத்த மழை பெய்தது. சுமார் 20 நிமிடம் பெய்த இந்த கோடை மழையால் அந்த பகுதி மக்கள் மகிழ்ச்சி அடைந்தார்கள். இதேபோல் தாளவாடி, கும்டாபுரம், இரியாபுரம் பகுதிகளில் நேற்று மாலை 3 மணி அளவில் திடீரென சாரல் மழை பெய்தது. சுமார் 15 நிமிடம் நிற்காமல் மழை தூறிக்கொண்டே இருந்தது.


கடம்பூரை அடுத்துள்ள கோட்டமாளம், சுஜில் கரை, திங்களூர், செலுமி தொட்டி, கோட்டை தொட்டி, காடு பசுவன்மாளம் உள்ளிட்ட பகுதிகளில் நேற்று முன்தினம் காலை முதல் மாலை வரை வெயில் வாட்டி வதைத்தது. பின்னர். இரவு 10 மணியளவில் கருமேகங்கள் திரண்டன. அதைத்தொடர்ந்து இடி, மின்னலுடன் சாரல் மழை பெய்தது. 45 நிமிடம் பெய்த இந்த சாரல் மழையால் கோடை வெப்பம் தணிந்து குளிர்ந்த காற்று வீசியது.

இந்தநிலையில் நேற்று பகல் 2 மணியளவில் மீண்டும் இந்த பகுதிகளில் சாரல் மழை பெய்யத் தொடங்கியது. சுமார் 30 நிமிடம் நிற்காமல் பெய்த சாரல் மழை பின்னர் ஓய்ந்தது.

தொடர்புடைய செய்திகள்

1. ஆசனூரில் ஆலங்கட்டி மழை: சூறாவளிக்காற்றில் 2 வீடுகளின் மேற்கூரைகள் பறந்தன மரம் ரோட்டில் சாய்ந்ததால் போக்குவரத்து பாதிப்பு
ஆசனூரில் சூறாவளிக்காற்றுடன் ஆலங்கட்டி மழை பெய்தது. இதில் சூறாவளிக்காற்றுக்கு தாக்குப்பிடிக்க முடியாமல் 2 வீடுகளின் மேற்கூரைகள் பறந்தன. இதேபோல் மரம் ஒன்று ரோட்டில் சாய்ந்து விழுந்ததால் போக்குவரத்து பாதிக்கப்பட்டது.
2. தார்வார் மாவட்டத்தில் 3 மணி நேரம் இடைவிடாது கொட்டித்தீர்த்த மழை
தார்வார் மாவட்டத்தில் 3 மணி நேரம் இடைவிடாது மழை கொட்டித்தீர்த்தது. இதனால் பல இடங்களில் மரங்கள், மின்கம்பங்கள் முறிந்து விழுந்தன.
3. திருப்பத்தூர் பகுதியில் 1 மணி நேரம் பலத்த மழை; பொதுமக்கள் மகிழ்ச்சி
திருப்பத்தூர் பகுதியில் நேற்று மாலை ஒரு மணி நேரத்திற்கும் மேல் பலத்த மழை பெய்ததால் கத்திரி வெயில் தாக்கம் குறைந்தது. இதனால் பொதுமக்கள் மகிழ்ச்சியடைந்தனர்.
4. ஈரோட்டில் பலத்த சூறாவளி காற்றுடன் மழை: மரம், விளம்பர தட்டி சாய்ந்து விழுந்து 2 வீடுகள் சேதம்
ஈரோட்டில் பலத்த சூறாவளி காற்றுடன் பெய்த மழையால் மரம், விளம்பர தட்டி சாய்ந்து விழுந்து 2 வீடுகள் சேதமடைந்தன.
5. பேரையூர், சோழவந்தான், மேலூரில் பலத்த காற்றுடன் மழை; மரங்கள் விழுந்தன, வீட்டின் மேற்கூரை இடிந்து டெய்லர் பலி
பேரையூர், சோழவந்தான், மேலூரில் பலத்த காற்றுடன் பெய்த மழைக்கு மரங்கள் சாய்ந்து விழுந்தன. டி.கல்லுப்பட்டி அருகே வீட்டின் கூரை இடிந்து விழுந்ததில் டெய்லர் ஒருவர் பலியானார்.