மாவட்ட செய்திகள்

கோவில்பட்டி, காயல்பட்டினத்தில் போலீசார் கொடி அணிவகுப்பு + "||" + In Kovilpatti Kayalpatnam Police flag parade

கோவில்பட்டி, காயல்பட்டினத்தில் போலீசார் கொடி அணிவகுப்பு

கோவில்பட்டி, காயல்பட்டினத்தில் போலீசார் கொடி அணிவகுப்பு
கோவில்பட்டி, காயல்பட்டினத்தில் போலீசார் கொடி அணிவகுப்பு நடத்தினர்.
கோவில்பட்டி, 

தமிழகத்தில் நாடாளுமன்ற தேர்தலுடன் 18 சட்டமன்ற தொகுதிகளுக்கான இடைத்தேர்தலும் நாளை மறுநாள் (வியாழக்கிழமை) நடக்கிறது. இதனை முன்னிட்டு, தேர்தலில் வாக்காளர்கள் அச்சமின்றி 100 சதவீதம் வாக்களிக்க வேண்டும் என்று வலியுறுத்தி, கோவில்பட்டியில் நேற்று போலீசார் கொடி அணிவகுப்பு நடத்தினர். கோவில்பட்டி துணை போலீஸ் சூப்பிரண்டு அலுவலகம் முன்பு போலீசார் மற்றும் அதிரடி படையினர் துப்பாக்கி ஏந்தியவாறு அணிவகுத்து சென்றனர்.

துணை போலீஸ் சூப்பிரண்டு ஜெபராஜ் தலைமை தாங்கினார். கோவில்பட்டி புது ரோடு, மெயின் ரோடு, ஏ.கே.எஸ். தியேட்டர் ரோடு, கதிரேசன் கோவில் ரோடு, பார்க் ரோடு வழியாக சென்று, மீண்டும் துணை போலீஸ் சூப்பிரண்டு அலுவலகம் முன்பு வந்தனர். போலீஸ் இன்ஸ்பெக்டர்கள் சுதேசன் (கோவில்பட்டி கிழக்கு), அய்யப்பன் (மேற்கு), ஆவுடையப்பன் (கயத்தாறு), பத்மாவதி (கோவில்பட்டி அனைத்து மகளிர் போலீஸ் நிலையம்) மற்றும் போலீசார் கலந்து கொண்டனர்.

இதேபோன்று காயல்பட்டினம் புதிய பஸ் நிலையத்தில் இருந்து போலீசார் கொடி அணிவகுப்பு நடத்தினர். திருச்செந்தூர் துணை போலீஸ் சூப்பிரண்டு பாரத் தலைமை தாங்கினார். போலீசார் மற்றும் துணை ராணுவ படையினர் துப்பாக்கி ஏந்தியவாறு அணிவகுத்து சென்றனர்.

காயல்பட்டினம் மெயின் பஜார், வள்ளல் சீதக்காதி திடல், பெரிய நெசவு தெரு, உச்சினிமாகாளி அம்மன் கோவில் தெரு வழியாக சென்று, மீண்டும் புதிய பஸ் நிலையத்தை வந்தடைந்தனர். தேர்தலில் அச்சமின்றி 100 சதவீதம் வாக்களிக்க வேண்டும் என்று போலீசார் ஒலிப்பெருக்கியில் அறிவுறுத்தியவாறு சென்றனர்.

தொடர்புடைய செய்திகள்

1. கோவில்பட்டியில், நாளை மறுநாள் கனிமொழி எம்.பி. பொதுமக்களிடம் குறை கேட்கிறார்
கோவில்பட்டியில், நாளை மறுநாள் கனிமொழி எம்.பி. பொதுமக்களிடம் குறை கேட்க உள்ளார்.
2. கோவில்பட்டியில் 556 மாணவ-மாணவிகளுக்கு இலவச மடிக்கணினி அமைச்சர் கடம்பூர் ராஜூ வழங்கினார்
கோவில்பட்டியில் 556 மாணவ-மாணவிகளுக்கு தமிழக அரசின் இலவச மடிக்கணினிகளை அமைச்சர் கடம்பூர் ராஜூ வழங்கினார்.
3. கோவில்பட்டி ரெயில் நிலையத்தில் பயணிகளை வழியனுப்ப வருபவர்கள் இருசக்கர வாகனங்களை நிறுத்த இடம் ஒதுக்கீடு சமாதான கூட்டத்தில் முடிவு
கோவில்பட்டி ரெயில் நிலையத்தில் பயணிகளை வழியனுப்ப வருபவர்களின் இருசக்கர வாகனங்களை நிறுத்த தனி இடம் ஒதுக்கீடு செய்வது என்று சமாதான பேச்சுவார்த்தை கூட்டத்தில் முடிவு செய்யப்பட்டது.
4. கோவில்பட்டி மின்வாரிய அலுவலகத்தில் பா.ஜனதாவினர் காத்திருப்பு போராட்டம் ஓடை புறம்போக்கு கடைகளில் மின் இணைப்பை துண்டிக்க கோரிக்கை
ஓடை புறம்போக்கு நிலத்தில் உள்ள கடைகளில் மின் இணைப்பை துண்டிக்க வலியுறுத்தி, கோவில்பட்டி மின்வாரிய அலுவலகத்தில் பா.ஜனதாவினர் காத்திருப்பு போராட்டத்தில் ஈடுபட்டனர்.
5. உடல் பரிசோதனைக்காக கோவில்பட்டி அரசு ஆஸ்பத்திரியில் குவிந்த மாற்றுத்திறனாளிகள்
கோவில்பட்டி அரசு ஆஸ்பத்திரியில் உடல் பரிசோதனைக்காக மாற்றுத்திறனாளிகள் குவிந்தனர்.