மாவட்ட செய்திகள்

துபாயில் இருந்து திருச்சி வந்த கட்டிட தொழிலாளி கடத்தல் 4 பேர் கைது; 2 பேர் தலைமறைவு + "||" + Four workers arrested in Dubai from Tirupati 2 persons are hidden

துபாயில் இருந்து திருச்சி வந்த கட்டிட தொழிலாளி கடத்தல் 4 பேர் கைது; 2 பேர் தலைமறைவு

துபாயில் இருந்து திருச்சி வந்த கட்டிட தொழிலாளி கடத்தல் 4 பேர் கைது; 2 பேர் தலைமறைவு
துபாயில் இருந்து திருச்சி வந்த கட்டிடத்தொழிலாளியை கடத்திய 4 பேரை போலீசார் கைது செய்தனர். மேலும் தலைமறைவான 2 பேரை போலீசார் தேடி வருகிறார்கள்.
செம்பட்டு,

அரியலூர் மாவட்டம் செந்துறை பெரிய குறிச்சி கிராமத்தை சேர்ந்தவர் கொளஞ்சிநாதன். இவர் துபாயில் கட்டிட தொழிலாளியாகவேலை பார்த்து வந்தார். இந்த நிலையில் கடந்த 15-ந்தேதி துபாயில் இருந்து ஏர் இந்தியா எக்ஸ்பிரஸ் விமானத்தில் அவர் திருச்சிக்கு புறப்பட்டு வந்தார்.


ஆனால் திருச்சிக்கு வந்து 2 நாட்கள் ஆகியும், அவர் வீட்டுக்கு வராததால் கொளஞ்சிநாதனின் மனைவி திருச்சி விமான நிலைய போலீஸ் நிலையத்தில் இதுபற்றி புகார் செய்தார். அதன்பேரில், போலீசார் வழக்குப்பதிவு செய்து விசாரணை நடத்தினார்கள்.

கடத்தல்

விசாரணையில், கொளஞ்சிநாதன் துபாயில் இருந்து வரும்போது, அவருக்கு அறிமுகம் இல்லாத ஒருவர், 5 பவுன் சங்கிலியை கொடுத்து, அதை திருச்சி விமான நிலையத்தில் உள்ள தனது உறவினரிடம் கொடுக்கும்படி கூறியுள்ளார். கொளஞ்சிநாதன் விமானத்தில் ஏறியதும், தங்கத்தை கடத்துவதாக போலீசார் தன்னை பிடித்துக்கொள்வார்கள் என்று பயந்து, அந்த சங்கிலியை விமான இருக்கையின் முன் உள்ள பையில் போட்டு விட்டு, விமான நிலையத்தில் இருந்து இறங்கிவிட்டது தெரியவந்தது. ஆனால் அந்த சங்கிலிக்காக திருச்சி விமான நிலையத்தில் காத்திருந்த திருச்சி வரகனேரியை சேர்ந்த வாஹீத், கொளஞ்சிநாதனிடம் சென்று தங்க சங்கிலியை கேட்டுள்ளார். அதற்கு அவர் விமான இருக்கையில் வைத்து விட்டு வந்துவிட்டதாக தெரிவித்துள்ளார். இதனால் ஆத்திரம் அடைந்த வாஹீத் தனது நண்பர்கள் ரஷீத், பயாஸ்(20), அஸ்லாம்(22), திப்புசுல்தான்(42), சாதிக்அலி(35) ஆகியோருடன் சேர்ந்து கொளஞ்சிநாதனை கடத்தி சென்றது தெரியவந்தது. இதைதொடர்ந்து கொளஞ்சிநாதனை மீட்ட போலீசார் பயாஸ், அஸ்லாம், திப்புசுல்தான், சாதிக்அலி ஆகிய 4 பேரையும் கைது செய்தனர். மேலும், வாஹீத், ரஷீத் ஆகியோரை போலீசார் தேடி வருகிறார்கள்.

தொடர்புடைய செய்திகள்

1. முன்விரோதத்தில் பீர்பாட்டிலால் தொழிலாளி மீது தாக்குதல் - 4 பேருக்கு வலைவீச்சு
முன்விரோதத்தில் பீர்பாட்டிலால் தொழிலாளியை தாக்கிய 4 பேரை போலீசார் வலைவீசி தேடி வருகிறார்கள்.
2. வீட்டை காலி செய்ய சொல்லி அண்ணன் மிரட்டியதால் கலெக்டர் அலுவலகத்திற்கு குடும்பத்துடன் தீக்குளிக்க வந்த தொழிலாளி
வீட்டை காலி செய்ய சொல்லி அண்ணன் மிரட்டுவதாக புகார் தெரிவித்து தஞ்சை கலெக்டர் அலுவலகத்திற்கு குடும்பத்துடன் தீக்குளிக்க வந்த தொழிலாளியால் பரபரப்பு ஏற்பட்டது.
3. குடும்பம் நடத்த வர மறுத்ததால், மனைவி கழுத்தை அறுத்து கொலை - தொழிலாளி வெறிச்செயல்
மல்லூர் அருகே குடும்பம் நடத்த வர மறுத்ததால் மனைவியின் கழுத்தை அறுத்து கொலை செய்த தொழிலாளியை போலீசார் தேடி வருகிறார்கள். இதுகுறித்து போலீஸ் தரப்பில் கூறப்பட்டதாவது:-
4. தற்கொலை செய்து கொண்ட தொழிலாளியின் உடலை பிரேத பரிசோதனை செய்ய தாமதம்; அரசு ஆஸ்பத்திரியை முற்றுகையிட்டு உறவினர்கள் போராட்டம்
உடுமலை அருகே தற்கொலை செய்து கொண்ட தொழிலாளியின் உடலை பிரேத பரிசோதனை செய்த தாமதம் ஆனதால் அவருடைய உறவினர்கள் உடுமலை அரசு ஆஸ்பத்திரியை முற்றுகையிட்டனர்.
5. கள்ளக்காதலை கைவிடுமாறு மனைவி கண்டித்ததால், நாட்டுத்துப்பாக்கியால் சுட்டு தொழிலாளி தற்கொலை
கள்ளக்காதலை கைவிடுமாறு கூறி மனைவி கண்டித்ததால் தொழிலாளி நாட்டுத்துப்பாக்கியால் சுட்டு தற்கொலை செய்து கொண்டார். போலீசாருக்கு தெரியாமல் அவரது உடலை உறவினர்கள் எரித்து விட்டனர். கல்வராயன்மலையில் நடந்த இந்த பரபரப்பு சம்பவம் குறித்து போலீஸ் தரப்பில் கூறப்பட்டதாவது:-

அதிகம் வாசிக்கப்பட்டவை