மாவட்ட செய்திகள்

திருக்கனூர் பகுதியில் இடி –மின்னலுடன் பலத்த மழை விவசாயிகள் மகிழ்ச்சி + "||" + Rainfall in Tirukanur area Farmers are happy

திருக்கனூர் பகுதியில் இடி –மின்னலுடன் பலத்த மழை விவசாயிகள் மகிழ்ச்சி

திருக்கனூர் பகுதியில் இடி –மின்னலுடன் பலத்த மழை விவசாயிகள் மகிழ்ச்சி
திருக்கனூர் பகுதியில் இடி– மின்னலுடன் பலத்த மழை பெய்ததால் விவசாயிகள் மகிழ்ச்சி அடைந்தனர்.

திருக்கனூர்,

புதுவையில் கடந்த சில மாதங்களாக மழை இன்றி வறண்ட வானிலை நிலவுகிறது. தற்போது கோடை வெயிலும் மக்களை வாட்டி வதைத்து வருகிறது. இந்த நிலையில் தமிழகம், புதுவையில் மழை பெய்ய வாய்ப்பு இருப்பதாக சென்னை மண்டல வானிலை ஆய்வு மையம் அறிவித்து இருந்தது. அதன்படி தமிழகத்தின் பல பகுதியில் கடந்த 3 நாட்களாக பரவலாக மழை பெய்தது. ஆனால் புதுவையில் மழை பெய்யவில்லை.

இந்த நிலையில் திருக்கனூர் பகுதியில் நேற்று முன்தினம் நள்ளிரவு 12 மணியளவில் இடி மின்னலுடன் கோடை மழை பெய்தது. முதலில் லேசாக பெய்த மழை, சிறிது நேரத்தில் பலத்த மழையாக கொட்டியது. சுமார் ½ மணி நேரத்துக்கும் மேலாக பெய்த மழையால் சாலையில் தண்ணீர் பெருக்கெடுத்து ஓடியது.

பலத்த மழை காரணமாக முன்னெச்சரிக்கையாக பல இடங்களில் மின் இணைப்புகள் துண்டிக்கப்பட்டது. மழை நின்றதும் ஒரு மணிநேரத்துக்கு பின் மின் வினியோகம் வழங்கப்பட்டது. திடீர் மழையால் இரவில் குளிர்ந்த காற்று வீசியது. கோடை மழை பெய்ததால் பூமி குளிர்ந்து, வெப்பம் தணிந்தது. இதனால் பொதுமக்கள், விவசாயிகள் மகிழ்ச்சி அடைந்தனர்.

திருக்கனூர் கடைவீதியில் மழைநீர் செல்ல வடிகால் வசதி இல்லாததால் அப்பகுதியில் குளம்போல் தண்ணீர் தேங்கி நின்றது. புதுவையில் நள்ளிரவில் தூறல் மழை பெய்தது.


தொடர்புடைய செய்திகள்

1. திருப்பத்தூர் பகுதியில் 1 மணி நேரம் பலத்த மழை; பொதுமக்கள் மகிழ்ச்சி
திருப்பத்தூர் பகுதியில் நேற்று மாலை ஒரு மணி நேரத்திற்கும் மேல் பலத்த மழை பெய்ததால் கத்திரி வெயில் தாக்கம் குறைந்தது. இதனால் பொதுமக்கள் மகிழ்ச்சியடைந்தனர்.
2. ஈரோட்டில் பலத்த சூறாவளி காற்றுடன் மழை: மரம், விளம்பர தட்டி சாய்ந்து விழுந்து 2 வீடுகள் சேதம்
ஈரோட்டில் பலத்த சூறாவளி காற்றுடன் பெய்த மழையால் மரம், விளம்பர தட்டி சாய்ந்து விழுந்து 2 வீடுகள் சேதமடைந்தன.
3. பேரையூர், சோழவந்தான், மேலூரில் பலத்த காற்றுடன் மழை; மரங்கள் விழுந்தன, வீட்டின் மேற்கூரை இடிந்து டெய்லர் பலி
பேரையூர், சோழவந்தான், மேலூரில் பலத்த காற்றுடன் பெய்த மழைக்கு மரங்கள் சாய்ந்து விழுந்தன. டி.கல்லுப்பட்டி அருகே வீட்டின் கூரை இடிந்து விழுந்ததில் டெய்லர் ஒருவர் பலியானார்.
4. போளூரில் மழை வேண்டி வருண ஜெபம்
போளூரில் மழை வேண்டி வருண ஜெபம் நடைபெற்றது.
5. ஆம்பூர், பள்ளிகொண்டா பகுதியில் சூறாவளியுடன் பலத்த மழை; மரங்கள்-மின்கம்பங்கள் சாய்ந்தன
ஆம்பூர், பள்ளிகொண்டா பகுதியில் சூறாவளி காற்றுடன் பலத்த மழை பெய்தது. மரங்கள், மின்கம்பங்கள் சாய்ந்த நிலையில் 15–க்கும் மேற்பட்ட கிராமங்கள் மின்சாரமின்றி இருளில் மூழ்கியது.