மாவட்ட செய்திகள்

தார்வார் மாவட்டத்தில் 3 மணி நேரம் இடைவிடாது கொட்டித்தீர்த்த மழை + "||" + In Darwar district, the rain is almost three hours away

தார்வார் மாவட்டத்தில் 3 மணி நேரம் இடைவிடாது கொட்டித்தீர்த்த மழை

தார்வார் மாவட்டத்தில் 3 மணி நேரம் இடைவிடாது கொட்டித்தீர்த்த மழை
தார்வார் மாவட்டத்தில் 3 மணி நேரம் இடைவிடாது மழை கொட்டித்தீர்த்தது. இதனால் பல இடங்களில் மரங்கள், மின்கம்பங்கள் முறிந்து விழுந்தன.

உப்பள்ளி,

தார்வார் மாவட்டத்தில் நேற்று முன்தினம் இரவு பரவலாக மழை பெய்தது. சில இடங்களில் இடி-மின்னலுடனும், சூறாவளி காற்றுடனும் மழை கொட்டித்தீர்த்தது. இரவு 7 மணிக்கு தொடங்கிய மழை இரவு 10 மணி வரை 3 மணி நேரம் இடைவிடாது கொட்டித்தீர்த்ததால் மாவட்டத்தில், பல்வேறு பகுதிகளில் வெள்ளம் புகுந்தது.

தாழ்வான பகுதிகளில் மழைநீர் குளம்போல் தேங்கி நின்றது. சாலைகளில் மழைநீர் வெள்ளம்போல் பெருக்கெடுத்து ஓடியது. மழையின்போது வீசிய சூறாவளி காற்றினால் ஏராளமான இடங்களில் மரங்கள் வேரோடு சரிந்து விழுந்தன. மின்பங்கங்களும் முறிந்து விழுந்தன. இதனால் மாவட்டத்தில் பல்வேறு பகுதிகளில் இருளில் மூழ்கின.

தார்வார் டவுன் ஆலூர் வெங்கடராயா சர்க்கிள், கித்தூர் ராணி சென்னம்மா சர்க்கிள், உப்பள்ளி லெமண்டன் ரோடு, மண்டூர் சாலை ஆகிய சாலைகளில் மரங்கள் சரிந்து விழுந்ததாலும், மின்கம்பங்கள் முறிந்து விழுந்ததாலும் பெரும் போக்குவரத்து பாதிப்பு ஏற்பட்டது. பலத்த மழையால் தார்வார் மாவட்டத்தில் பொதுமக்களின் இயல்பு வாழ்க்கை பெரிதும் பாதிக்கப்பட்டது.

இந்த நிலையில் நேற்று காலையில் மாநகராட்சி ஊழியர்கள் மீட்பு பணியில் ஈடுபட்டனர். அவர்கள் பொக்லைன் எந்திரங்களைக் கொண்டு நகரில் சரிந்து விழுந்து கிடந்த மரங்களை அப்புறப்படுத்தினர்.

அதேபோல் மின்சாரத்துறை ஊழியர்கள் மின்கம்பங்களை சீரமைத்தனர். அதன்பின்னர் இருளில் மூழ்கியிருந்த பகுதிகளுக்கு மின் வினியோகம் செய்யப்பட்டது. தொடர்ந்து தார்வார் மாவட்டம் முழுவதும் மீட்பு பணி நடந்து வருகிறது.

மழையால் ஏற்பட்டுள்ள சேத மதிப்புகள் குறித்து வருவாய்த்துறையினர் கணக்கிட்டு வருகிறார்கள்.


தொடர்புடைய செய்திகள்

1. வீடுகள், மற்றும் வணிக வளாகங்களில் மழை நீர் சேமிப்பு தொட்டி அமைக்க வேண்டும்; கொம்யூன் பஞ்சாயத்து ஆணையர் வேண்டுகோள்
வீடுகள் மற்றும் வணிக வளாகங்களில் மழைநீர் சேமிப்பு தொட்டி அமைத்திட வேண்டும் என கொம்யூன் பஞ்சாயத்து ஆணையர் வேண்டுகோள் விடுத்துள்ளனர்.
2. நிலத்தடி நீர்மட்டத்தை உயர்த்த மழைநீர் சேகரிப்பு அமைப்பினை உருவாக்க வேண்டும் சாமிநாதன் எம்.எல்.ஏ. வலியுறுத்தல்
நிலத்தடி நீர்மட்டத்தை உயர்த்த மழைநீர் சேகரிப்பு அமைப்பினை உருவாக்கவேண்டும் என்று சாமிநாதன் எம்.எல்.ஏ. கூறியுள்ளார்.
3. பெருஞ்சாணி அணை நீர்மட்டம் 35½ அடியாக உயர்வு குளச்சலில் 16 மி.மீ. மழை பதிவு
குமரியில் பெய்து வரும் தென்மேற்கு பருவ மழையின் காரணமாக பெருஞ்சாணி அணை நீர்மட்டம் 35½ அடியாக உயர்ந்துள்ளது. குளச்சலில் 16 மி.மீ. மழை பதிவாகி உள்ளது.
4. சிவகங்கை மாவட்டத்தில் பல்வேறு இடங்களில் பலத்த மழை 1 மணி நேரம் தொடர்ந்து பெய்ததால் பொதுமக்கள் மகிழ்ச்சி
சிவகங்கை மாவட்டத்தில் பல்வேறு இடங்களில் நேற்று மாலை 1 மணி நேரம் தொடர்ந்து பலத்த மழை பெய்ததால், பொதுமக்கள் மகிழ்ச்சியடைந்தனர்.
5. மேலூர் அருகே மழை வேண்டி மஞ்சுவிரட்டு; 300 காளைகள் சீறிப்பாய்ந்தன
மேலூர் அருகே சேண்டலைப்பட்டி கிராமத்தில் மழை வேண்டியும், விவசாயம் செழிக்க வேண்டியும் மஞ்சுவிரட்டு நடைபெற்றது. இதில் 300 காளைகள் சீறிப்பாய்ந்தன.

ஆசிரியரின் தேர்வுகள்...