மாவட்ட செய்திகள்

உட்கோட்டை அபராத ரட்சகர் கோவிலில் உழவார பணி + "||" + Workforce work in the temple

உட்கோட்டை அபராத ரட்சகர் கோவிலில் உழவார பணி

உட்கோட்டை அபராத ரட்சகர் கோவிலில் உழவார பணி
உட்கோட்டையில் உள்ள அபராத ரட்சகர் கோவிலில் உழவார பணி நடைபெற்றது.
ஜெயங்கொண்டம்,

அரியலூர் மாவட்டம், ஜெயங்கொண்டம் அருகே உள்ள உட்கோட்டை கிராமத்தில் அருள்மிகு அபிராமி அம்பிகை உடனுறை அபராத ரட்சகர் கோவில் உள்ளது. இக்கோவிலானது சுமார் ஆயிரம் ஆண்டுகளுக்கு முன்பு ராஜேந்திர சோழன் காலத்தில் கட்டப்பட்டதாகும். மேலும் உலகில் எங்கும் இல்லாத வகையில் 7 கைகளையுடைய துர்க்கை அம்மனை கொண்ட மிகப்பெரும் சிறப்பு வாய்ந்ததாகும். உலக பிரசித்தி பெற்ற இக்கோவிலில் நேற்று உழவார பணி நடைபெற்றது. காலை 8 மணிக்கு தொடங்கி மாலை 5 மணி வரை நடைபெற்ற இந்த உழவார பணியில் ராஜபாளையம் திருநாவுக்கரசர்மடம் கணேச சிவாச்சாரியார் தலைமையில், குரு குலத்தை சேர்ந்தவர்களான ராஜபாளையம், சென்னை, ஈரோடு உள்ளிட்ட குருகுலத்தில் பயிற்சி பெற்ற 40-க்கும் மேற்பட்ட சிவனடியார்கள் கலந்து கொண்டனர்.


சிலைகளின் மீது பூசி...

தொடர்ந்து அவர்கள் கோவிலை சுற்றி வளர்ந்திருந்த தேவையற்ற புற்கள், மரம், செடி, கொடிகள் மற்றும் குப்பைகளை அப்புறப்படுத்தி தூய்மைப்படுத்தினர் தொடர்ந்து கோவிலின் கருவறைகள் உள்ளிட்ட துர்க்கை அம்மன், விநாயகர், நந்தியம்பெருமான் சிலைகள் அனைத்தையும் அரிசி மாவு மற்றும் தயிர் கலந்து சிலைகளின் மீது பூசி சுத்தப்படுத்தினர். மேலும் பூஜை பொருட்கள், சுவாமி சிலைகளில் இருந்த அங்க வஸ்திரங்கள் உள்ளிட்ட துணிகளை துவைத்து தூய்மைப்படுத்தினர். தொடர்ந்து அங்கு வந்த பக்தர்கள் மற்றும் சிவனடியார்களுக்கு இறைபணி, ஆன்மா, மனசாட்சி, அறிவு பற்றி சிவாச்சாரியார் தலைமையில் போதிக்கப்பட்டு மேள தாளங்கள், சங்குகள் முழங்கப்பட்டு நாதஸ்வரங்கள் வாசிக்கப்பட்டது.

சிறப்பு அபிஷேகம்

தொடர்ந்து இறைவனின் புகழ் பாடப்பட்டு இறை நாமம் வாசிக்கப்பட்டது. தொடர்ந்து துர்க்கை அம்மன் மற்றும் சாமிகளுக்கு மாலையில் மஞ்சள், சந்தனம், திரவியப்பொடி, பால், தயிர் உள்ளிட்ட 16 வகையான பொருட்களை கொண்டு சிறப்பு அபிஷேகம் செய்யப்பட்டது. பின்னர் மலர்களை கொண்டு அலங்காரம் செய்யப்பட்டு தீபாராதனை காண்பிக்கப்பட்டது. தொடர்ந்து இதில் கலந்து கொண்ட பக்தர்கள் அனைவருக்கும் பிரசாதம் வழங்கப்பட்டது. இதற்கான ஏற்பாடுகளை ஊர் முக்கியஸ்தர்கள், நாட்டாண்மைகள் செய்திருந்தனர். 

தொடர்புடைய செய்திகள்

1. 9 ஆண்டுகளாக ஆமை வேகத்தில் நடைபெற்று வரும் வண்டல்-அவரிக்காடு இடையே பாலம் கட்டும் பணி
9 ஆண்டுகளாக ஆமை வேகத்தில் நடைபெற்று வரும் வண்டல்-அவரிக்காடு இடையே பாலம் கட்டும் பணி விரைந்து முடிக்கப்படுமா? என கிராம மக்கள் எதிர்பார்த்துள்ளனர்.
2. கும்பகோணம் பகுதியில் உள்ள கோவில்களில், 4-வது நாளாக போலீசார் கண்காணிப்பு பணி
கும்பகோணம் பகுதியில் உள்ள கோவில்களில் 4-வது நாளாக போலீசார் கண்காணிப்பு பணியில் ஈடுபட்டனர்.
3. ஆண்டு திருவிழாவை முன்னிட்டு வேளாங்கண்ணி மாதா பேராலயத்தில் துப்பாக்கி ஏந்திய போலீசார் பாதுகாப்பு
ஆண்டு திருவிழாவை முன்னிட்டு வேளாங்கண்ணி மாதா பேராலயத்தில் துப்பாக்கி ஏந்திய போலீசார் பாதுகாப்பு பணியில் ஈடுபட்டனர்.
4. தஞ்சை-மன்னார்குடி இடையே இருவழிச்சாலை அமைக்க நிலம் அளவிடும் பணி மும்முரம்
தஞ்சை-மன்னார்குடி இடையே இருவழிச்சாலை அமைக்க நிலம் அளவிடும் பணியில் வருவாய்த்துறையினர் மும்முரமாக ஈடுபட்டு வருகின்றனர்.
5. ஊரக வளர்ச்சித்துறை சார்பில் சிறுபாசன ஏரிகள், குட்டைகள் புனரமைக்கும் பணி
ஊரக வளர்ச்சித்துறை சார்பில் கீழப்பழூரில் உள்ள சிறுபாசன ஏரிகள், குட்டைகளில் புனரமைக்கும் பணியை அரசு தலைமைக்கொறடா தாமரை ராஜேந்திரன் தொடங்கி வைத்தார்.

அதிகம் வாசிக்கப்பட்டவை