மாவட்ட செய்திகள்

கும்பகோணத்தில் குறுவை சாகுபடி பணியில் விவசாயிகள் தீவிரம் + "||" + Farmers intensified in the cultivation of the crops in Kumbakonam

கும்பகோணத்தில் குறுவை சாகுபடி பணியில் விவசாயிகள் தீவிரம்

கும்பகோணத்தில் குறுவை சாகுபடி பணியில் விவசாயிகள் தீவிரம்
கும்பகோணத்தில் குறுவை சாகுபடி பணியில் விவசாயிகள் தீவிரமாக ஈடுபட்டு வருகின்றனர்.
கும்பகோணம்,

காவிரி தண்ணீர் ஆண்டுதோறும் ஜூன் 12-ந்தேதி திறக்கப்படுவது வழக்கம். ஆனால் இந்த ஆண்டு காவிரி ஆற்றில் தண்ணீர் திறந்து விடுவதற்கான வாய்ப்புகள் இல்லாத நிலை உள்ளது. இந்த நிலையில் கும்பகோணத்தை சுற்றியுள்ள தாராசுரம், பம்பப்படையூர், ஆரியப்படையூர், கொற்கை, மாங்குடி ஆகிய பகுதிகளில் பம்பு செட் தண்ணீர் மூலம் குறுவை சாகுபடி பணிகள் தொடங்கி நடைபெற்று வருகிறது. இதற்காக நடவு வயல்களை டிராக்டர்களை கொண்டு உழவு செய்யும் பணிகளில் விவசாயிகள் தீவிரமாக ஈடுபட்டுள்ளனர்.


இதுகுறித்து மாங்குடி பகுதியை சேர்ந்த விவசாயி சுதாகர் கூறியதாவது:-

ஆண்டுதோறும் ஜூன் மாதம் 2-ம் வாரத்தில் குறுவை சாகுபடிக்காக விதை விட தொடங்குவோம். ஆனால் இந்த ஆண்டு 20 நாட்களுக்கு முன்னதாகவே வேலைகளை ஆரம்பித்துவிட்டோம். குறுவை சாகுபடிக்காக கடந்த சில தினங்களுக்கு முன்பு ஏ.டி.டி.43 ரக நெல்லை விதை விட்டுள்ளேன். இதன் மூலம் குறுவை சாகுபடி ஆகஸ்டு மாத இறுதிக்குள் எங்களது நிலங்களில் முடிந்து விடும். பின்னர் சம்பா பருவம் தொடங்கிவிடும். சம்பா சாகுபடியை சிறப்பாக செய்ய குறுவை பருவத்திற்காக சாகுபடியை முன்கூட்டியே செய்ய உள்ளேன்.

மேலும் என்னிடம் உள்ள மின்சார பம்பு செட் மூலம் வயலுக்கு தண்ணீர் பாய்ச்சி வருகிறேன். கடும் வெயில் காரணமாக நிலம் தண்ணீரை உடனே உறிஞ்சி விடுகிறது. நிலத்தில் உள்ள புழுதியை உழவு அடித்து சேர் மண்ணாக மாற்றி விட்டால் தண்ணீரை நிலம் உறிஞ்சாது. ஆகையால் ஒரே நாளில் 2 டிராக்டர்களை கொண்டு நடவு வயலை உழவு செய்து தண்ணீர் நிற்கும்படி தயார் செய்து வருகிறேன். இன்னும் ஒரு சில நாட்களில் நடவு பணிகளை தொடங்க உள்ளேன்.

இவ்வாறு அவர் கூறினார். 

தொடர்புடைய செய்திகள்

1. தஞ்சை மாவட்டத்தில் இதுவரை 40 ஆயிரம் எக்டேரில் சம்பா, தாளடி சாகுபடி
தஞ்சை மாவட்டத்தில் இதுவரை 40 ஆயிரம் எக்டேரில் சம்பா, தாளடி சாகுபடி செய்யப்பட்டுள்ளது. இந்த மாத இறுதிக்குள் சாகுபடி பணிகள் நிறைவடையும் என எதிர்பார்க்கப்படுகிறது.
2. திருமருகல் ஒன்றியத்தில் அதிநவீன கருவி மூலம் வயல்களில் மருந்து தெளிக்கும் பணி
திருமருகல் ஒன்றியத்தில் அதிநவீன கருவி மூலம் விவசாயிகள் வயல்களில் மருந்து தெளிக்கும் பணியை மேற்கொண்டுள்ளனர்.
3. 50 சதவீத மானியத்தில் விவசாயிகளுக்கு விதை நெல் வழங்க நடவடிக்கை கலெக்டர் தகவல்
50 சதவீத மானியத்தில் விவசாயிகளுக்கு விதை நெல் வழங்க நடவடிக்கை எடுக்கப்பட்டு வருகிறது என கலெக்டர் சுரேஷ்குமார் தெரிவித்துள்ளார்.
4. ஆந்திராவில் இருந்து சரக்கு ரெயிலில் தஞ்சைக்கு 2,400 டன் டி.ஏ.பி. உரம் டெல்டா மாவட்டங்களுக்கு லாரிகளில் அனுப்பி வைக்கப்பட்டது
ஆந்திராவில் இருந்து சரக்கு ரெயிலில் தஞ்சைக்கு 2,400 டன் டி.ஏ.பி. உரம் வந்தது. தஞ்சையில் இருந்து உர மூட்டைகள் டெல்டா மாவட்டங்களுக்கு லாரிகளில் அனுப்பி வைக்கப்பட்டது.
5. ஆழ்துளை கிணற்று பாசனம் மூலம் பூதலூர் பகுதியில் 4,635 ஏக்கர் குறுவை சாகுபடி
பூதலூர் பகுதியில் ஆழ்துளை கிணற்று பாசனம் மூலம் 4,635 ஏக்கரில் குறுவை சாகுபடி மேற்கொள்ளப்பட்டு உள்ளது.