மாவட்ட செய்திகள்

மேலூர் அருகே மழை வேண்டி மஞ்சுவிரட்டு; 300 காளைகள் சீறிப்பாய்ந்தன + "||" + Manchuvirattu Near Melur pray for rain

மேலூர் அருகே மழை வேண்டி மஞ்சுவிரட்டு; 300 காளைகள் சீறிப்பாய்ந்தன

மேலூர் அருகே மழை வேண்டி மஞ்சுவிரட்டு; 300 காளைகள் சீறிப்பாய்ந்தன
மேலூர் அருகே சேண்டலைப்பட்டி கிராமத்தில் மழை வேண்டியும், விவசாயம் செழிக்க வேண்டியும் மஞ்சுவிரட்டு நடைபெற்றது. இதில் 300 காளைகள் சீறிப்பாய்ந்தன.

மேலூர்,

மேலூர் அருகே சேண்டலைப்பட்டி கிராமத்தில் பிரசித்தி பெற்ற சோலை ஆண்டாள் மற்றும் கணபதி கோவில் உள்ளது. இங்கு வைகாசி திருவிழா நடைபெற்றது. திருவிழாவையொட்டி நடந்த விளக்கு பூஜையில் ஏராளமான பக்தர்கள் கலந்துகொண்டு வழிபட்டனர். இதனைத்தொடர்ந்து திருவிழாவையொட்டி மஞ்சுவிரட்டு நடத்த கிராம கமிட்டி சார்பில் முடிவு செய்யப்பட்டது. அதன்படி நேற்று மழை வேண்டியும், மழை பெய்து விவசாயம் செழிக்க வேண்டியும் அங்குள்ள கண்மாய் பகுதியில் மஞ்சுவிரட்டு நடத்தப்பட்டது.

முன்னதாக மஞ்சுவிரட்டில் கலந்துகொள்வதற்காக மதுரை, சிவகங்கை, ராமநாதபுரம், திண்டுக்கல் உள்ளிட்ட மாவட்டங்களில் இருந்து 300–க்கும் மேற்பட்ட காளைகள் மஞ்சுவிரட்டு களத்தில் அழைத்து வரப்பட்டிருந்தன. மேலும் சேண்டலைப்பட்டி மற்றும் சுற்றுவட்டார கிராமங்களை சேர்ந்த மாடுபிடி வீரர்களும் ஆர்வத்துடன் கலந்துகொண்டனர்.

முன்னதாக கிராம பெரியவர்களால் காளைகளுக்கு மரியாதை செய்யப்பட்டது. பின்னர் மஞ்சுவிரட்டு தொடங்கியது. இதனை காண ஏராளமானோர் அங்கு குவிந்தனர். இதையடுத்து மஞ்சுவிரட்டு களத்தில் அடுத்தடுத்து காளைகள் அவிழ்த்துவிடப்பட்டன. அப்போது சீறிப்பாய்ந்த காளைகளை மாடுபிடி வீரர்கள் விரட்டிச் சென்று அடக்க முயன்றனர். இதில் பல காளைகள் தப்பியோடின. சில காளைகளை மாடுபிடி வீரர்கள் அடக்கினர். முடிவில் மஞ்சுவிரட்டில் வெற்றிபெற்ற காளைகளின் உரிமையாளர்களுக்கும், மாடுபிடி வீரர்களுக்கும் பரிசுகள் வழங்கப்பட்டன.

இந்த மஞ்சுவிரட்டில் காளைகள் முட்டியதில் மாடுபிடி வீரர்கள் 5 பேர் படுகாயமடைந்தனர். அவர்கள் உடனடியாக மேலூர் அரசு ஆஸ்பத்திரியில் சேர்க்கப்பட்டனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.


தொடர்புடைய செய்திகள்

1. வீடுகள், மற்றும் வணிக வளாகங்களில் மழை நீர் சேமிப்பு தொட்டி அமைக்க வேண்டும்; கொம்யூன் பஞ்சாயத்து ஆணையர் வேண்டுகோள்
வீடுகள் மற்றும் வணிக வளாகங்களில் மழைநீர் சேமிப்பு தொட்டி அமைத்திட வேண்டும் என கொம்யூன் பஞ்சாயத்து ஆணையர் வேண்டுகோள் விடுத்துள்ளனர்.
2. நிலத்தடி நீர்மட்டத்தை உயர்த்த மழைநீர் சேகரிப்பு அமைப்பினை உருவாக்க வேண்டும் சாமிநாதன் எம்.எல்.ஏ. வலியுறுத்தல்
நிலத்தடி நீர்மட்டத்தை உயர்த்த மழைநீர் சேகரிப்பு அமைப்பினை உருவாக்கவேண்டும் என்று சாமிநாதன் எம்.எல்.ஏ. கூறியுள்ளார்.
3. பெருஞ்சாணி அணை நீர்மட்டம் 35½ அடியாக உயர்வு குளச்சலில் 16 மி.மீ. மழை பதிவு
குமரியில் பெய்து வரும் தென்மேற்கு பருவ மழையின் காரணமாக பெருஞ்சாணி அணை நீர்மட்டம் 35½ அடியாக உயர்ந்துள்ளது. குளச்சலில் 16 மி.மீ. மழை பதிவாகி உள்ளது.
4. சிவகங்கை மாவட்டத்தில் பல்வேறு இடங்களில் பலத்த மழை 1 மணி நேரம் தொடர்ந்து பெய்ததால் பொதுமக்கள் மகிழ்ச்சி
சிவகங்கை மாவட்டத்தில் பல்வேறு இடங்களில் நேற்று மாலை 1 மணி நேரம் தொடர்ந்து பலத்த மழை பெய்ததால், பொதுமக்கள் மகிழ்ச்சியடைந்தனர்.
5. பசுமையாக காட்சி அளிக்கும் வனப்பகுதிகள் தொடர் மழையால் முதுமலை புலிகள் காப்பகம் மூட வாய்ப்பு இல்லை வனத்துறை விளக்கம்
தொடர் மழையால் வனப்பகுதிகள் பசுமைக்கு திரும்பி உள்ளன. இதனால் முதுமலை புலிகள் காப்பகம் நடப்பு ஆண்டில் மூட வாய்ப்பு இல்லை என வனத்துறையினர் விளக்கம் அளித்துள்ளனர்.

ஆசிரியரின் தேர்வுகள்...