மாவட்ட செய்திகள்

விருத்தாசலம் அருகே தூக்கில் தொங்கிய நிலையில் பெண் பிணம்; சாவில் சந்தேகம் இருப்பதாக கூறி உறவினர்கள் போராட்டம் + "||" + Female dead in the hanging position; Claiming to be suspicious of death Relatives fight

விருத்தாசலம் அருகே தூக்கில் தொங்கிய நிலையில் பெண் பிணம்; சாவில் சந்தேகம் இருப்பதாக கூறி உறவினர்கள் போராட்டம்

விருத்தாசலம் அருகே தூக்கில் தொங்கிய நிலையில் பெண் பிணம்; சாவில் சந்தேகம் இருப்பதாக கூறி உறவினர்கள் போராட்டம்
விருத்தாசலம் அருகே தூக்கில் தொங்கிய நிலையில் பெண் பிணமாக கிடந்தார். அவரது சாவில் சந்தேகம் இருப்பதாக கூறி உறவினர்கள் போராட்டத்தில் ஈடுபட்டனர்.

விருத்தாசலம்,

விருத்தாசலம் அடுத்த பூதாமூரை சேர்ந்தவர் ராஜவேல். கூலித்தொழிலாளி. இவருடைய மனைவி ஜெயலட்சுமி (வயது 35). இவர்களுக்கு திருமணமாகி 18 ஆண்டுகள் ஆகிறது. 2 மகன்கள் உள்ளனர். இந்த நிலையில் ஜெயலட்சுமி வீட்டில் சேலையால் தூக்கில் தொங்கிய நிலையில் பிணமாக கிடந்தார்.

இதை பார்த்து அதிர்ச்சியடைந்த அக்கம் பக்கத்தினர் ஜெயலட்சுமியின் உறவினர்களுக்கு தகவல் கொடுத்தனர். அதன்பேரில் அவர்கள் அங்கு வந்து ஜெயலட்சுமியின் உடலை பார்த்து கதறி அழுதனர்.

இதற்கிடையே இது பற்றி தகவல் அறிந்த விருத்தாசலம் போலீசார் சம்பவ இடத்திற்கு விரைந்து வந்து விசாரித்தனர். பின்னர் போலீசார் ஜெயலட்சுமியின் உடலை கைப்பற்றி பிரேத பரிசோதனைக்காக விருத்தாசலம் அரசு மருத்துவமனைக்கு அனுப்பி வைத்தனர்.

இதை அறிந்த ஜெயலட்சுமியின் உறவினர்கள் விருத்தாசலம் அரசு மருத்துவமனையில் குவிந்தனர். பின்னர் உறவினர்கள், ஜெயலட்சுமியின் உடலை பார்த்தனர். அப்போது, உடலில் சில இடங்களில் காயம் இருந்ததை பார்த்த உறவினர்கள் திடீரென மருத்துவமனையை முற்றுகையிட்டு போராட்டத்தில் ஈடுபட்டனர். அப்போது ஜெயலட்சுமியின் சாவில் சந்தேகம் உள்ளது என்றும், அவரது சாவுக்கு காரணமானவர்கள் மீது நடவடிக்கை எடுக்க வேண்டும் என்றும் கூறி கோ‌ஷங்களை எழுப்பினர்.

இதை அறிந்த போலீசார் சம்பவ இடத்திற்கு விரைந்து வந்து, போராட்டத்தில் ஈடுபட்டவர்களிடம் பேச்சுவார்த்தை நடத்தி சமாதானப்படுத்தினர். இதையடுத்து அவர்கள் அங்கிருந்து கலைந்து சென்றனர்.


தொடர்புடைய செய்திகள்

1. வங்கிகள் தனியார்மயத்தை எதிர்த்து வங்கி பணியாளர்கள் 10-ந் தேதி டெல்லியில் போராட்டம்
பொதுத்துறை வங்கிகள் இணைப்பு மற்றும் தனியார்மயத்தை எதிர்த்து டெல்லியில் டிசம்பர் 10-ந் தேதி வங்கி பணியாளர்கள் போராட்டம் நடத்துகிறார்கள்.
2. தெலுங்கானா அரசு போக்குவரத்து ஊழியர்களின் போராட்டம் வாபஸ்; யூனியன் தலைவர் அறிவிப்பு
தெலுங்கானா அரசு போக்குவரத்து ஊழியர்களின் 2 மாதகால போராட்டம் வாபஸ் பெறப்பட்டு உள்ளது.
3. நாகர்கோவிலில் பூட்டிய வீட்டுக்குள் அழுகிய நிலையில் ஜோதிடர் பிணம்
நாகர்கோவிலில் பூட்டிய வீட்டுக்குள் அழுகிய நிலையில் ஜோதிடர் பிணமாக மீட்கப்பட்ட சம்பவம் பரபரப்பை ஏற்படுத்தியது.
4. முந்திரி தோப்பில் அழுகிய நிலையில் பெண் பிணம் போலீசார் விசாரணை
பண்ருட்டி அருகே அழுகிய நிலையில் பெண் பிணமாக கிடந்தார். இதுகுறித்து போலீசார் விசாரணை நடத்தி வருகின்றனர்.
5. போராட்டத்தில் நீடிக்கும் வன்முறை: ஹாங்காங் மீது அமெரிக்கா பொருளாதார தடை - நாடாளுமன்றத்தில் மசோதா நிறைவேறியது
ஹாங்காங் போராட்டத்தில் தொடர் வன்முறை சம்பவங்கள் அரங்கேறி வரும் நிலையில், இந்த விவகாரத்தில் ஹாங்காங் மீது அமெரிக்கா பொருளாதார தடைகளை விதிக்கும் வகையில் நாடாளுமன்றத்தில் சட்ட மசோதாவை நிறைவேற்றி உள்ளது.