மாவட்ட செய்திகள்

தஞ்சை, நாகை, திருவாரூர் மாவட்டங்களில் வாகன சோதனையில் ரூ.31 லட்சம் அபராதம் 221 வாகனங்கள் பறிமுதல் + "||" + 221 vehicles seized from Rs 31 lakh in vehicle testing in Tanjore, Nagapattinam and Tiruvarur Districts

தஞ்சை, நாகை, திருவாரூர் மாவட்டங்களில் வாகன சோதனையில் ரூ.31 லட்சம் அபராதம் 221 வாகனங்கள் பறிமுதல்

தஞ்சை, நாகை, திருவாரூர் மாவட்டங்களில் வாகன சோதனையில் ரூ.31 லட்சம் அபராதம் 221 வாகனங்கள் பறிமுதல்
தஞ்சை, நாகை, திருவாரூர் மாவட்டங்களில் நடந்த வாகன சோதனையில் ரூ.31¼ லட்சம் அபராதம் விதிக்கப்பட்டுள்ளது. மேலும் 221 வாகனங்களும் பறிமுதல் செய்யப்பட்டன என்று தஞ்சை சரக போக்குவரத்து துணை ஆணையர் உதயகுமார் தெரிவித்துள்ளார்.
தஞ்சாவூர்,

சென்னை போக்குவரத்து ஆணையர் மற்றும் தஞ்சை, நாகை, திருவாரூர், புதுக்கோட்டை மாவட்ட கலெக்டர்கள் அறிவுரைப்படி கடந்த மாதம்(மே) தஞ்சை போக்குவரத்து துணை ஆணையர் சரகத்திற்குட்பட்ட பகுதிகளில் வாகன சோதனை மேற்கொள்ளப்பட்டது.


வட்டார போக்குவரத்து அதிகாரிகள், மோட்டார் வாகன ஆய்வாளர்கள் இந்த சோதனையை மேற்கொண்டனர்.

இதில் கடந்த மாதம் முழுவதும் மேற்கொள்ளப்பட்ட சோதனையின்போது மொத்தம் 8 ஆயிரத்து 788 வாகனங்கள் தணிக்கை செய்யப்பட்டன. இதில் 1,343 வாகனங்களுக்கு தணிக்கை அறிக்கைகள் வழங்கப்பட்டன. இதில் ரூ.31 லட்சத்து 35 ஆயிரத்து 600 அபராதம் விதிக்கப்பட்டது.

அதில் உடனடியாக ரூ.15 லட்சத்து 43 ஆயிரத்து 700 வசூலிக்கப்பட்டது. தமிழகத்துக்கு முறையாக வரி கட்டாமல் இயக்கப்பட்ட சரக்கு வாகனங்கள், ஆம்னி பஸ்கள், மற்றும் வாகன உரிமையாளர்களிடம் இருந்து சாலை வரியாக ரூ.15 லட்சத்து 92 ஆயிரத்து 900 வசூலிக்கப்பட்டது.

அதிக ஆட்களை ஏற்றிச்சென்ற 107 வாகனங்கள், ஓட்டுனர் உரிமம் இல்லாத 363 வாகனங்களை ஓட்டியவர்கள், காப்புச்சான்று இல்லாத 251 வாகனங்கள், கண் கூசும் முகப்பு விளக்கு பொருத்திய 105 வாகனங்கள், ஒளிரும் சிவப்பு பிரதிபலிப்பு நாடா இல்லாத 141 வானங்கள், தகுதிச்சான்று இல்லாத 116 வாகனங்களுக்கும் தணிக்கை அறிக்கைகள் வழங்கப்பட்டன. மேலும் பல்வேறு குற்றங்களுக்காக 221 வாகனங்கள் பறிமுதல் செய்யப்பட்டன.

அதிக வேகமாக வாகனம் ஓட்டிய 40 பேருக்கும், ஹெல்மெட் அணியாமல் வாகனம் ஓட்டிய 148 பேருக்கும், செல்போன் பேசியபடி வாகனம் ஓட்டிய 14 பேருக்கும், சீட் பெல்ட் அணியாமல் வாகனம் ஓட்டிய 252 பேருக்கும், அதிக எடை ஏற்றி இயக்கிய 134 வாகன ஓட்டிகளுக்கும் தணிக்கை அறிக்கை வழங்கி நடவடிக்கை எடுக்கப்பட்டது.

தற்போது அதிக ஒளி தரக்கூடிய முகப்பு விளக்குகள் வாகனங்களில் பொருத்தி இயக்குவதால் அதிக அளவில் விபத்து நடப்பதால் மேற்படி விளக்குகள் பொருத்தப்பட்ட வாகனங்களை தீவிரமாக கண்காணித்து சோதனை அறிக்கை வழங்கியும், பொருத்தப்பட்ட எல்.இ.டி. விளக்குகளை நீக்கியும் நடவடிக்கை மேற்கொள்ள அறிவுறுத்தப்பட்டுள்ளது.

எனவே எல்.இ.டி. விளக்குகள் வாகனங்களில் பொருத்த வேண்டாம்.

இவ்வாறு அதில் கூறப்பட்டு உள்ளது.

தொடர்புடைய செய்திகள்

1. கோவையை தொடர்ந்து மதுரையிலும் என்.ஐ.ஏ. அதிகாரிகள் சோதனை
கோவையை தொடர்ந்து மதுரையிலும் என்.ஐ.ஏ. அதிகாரிகள் சோதனையில் ஈடுபட்டு உள்ளனர்.
2. ஆப்கானிஸ்தானில் போலீஸ் சோதனை சாவடி மீது பயங்கரவாத தாக்குதல் : 11 பேர் உடல் சிதறி பலி
ஆப்கானிஸ்தானில் தலீபான் பயங்கரவாதிகள் ஆதிக்கம் செலுத்தி வரும் நிலையில், தற்போது ஐ.எஸ். பயங்கரவாதிகளும் அங்கு காலூன்றி தாக்குதல் நடத்தி வருகிறார்கள்.
3. திருக்காட்டுப்பள்ளியில் 10 கிலோ புகையிலை பொருட்கள் பறிமுதல்
திருக்காட்டுப்பள்ளி பகுதியில் உள்ள கடைகளில் விற்பனைக்கு வைக்கப்பட்டு இருந்த 10 கிலோ புகையிலை பொருட்களை அதிகாரிகள் பறிமுதல் செய்தனர்.
4. கோவையில் தொடரும் பரபரப்பு, ஐ.எஸ். ஆதரவாளர்கள் 3 பேரின் வீடுகளில் போலீசார் சோதனை - செல்போன்கள், சிம்கார்டுகள் பறிமுதல்
கோவையில் ஐ.எஸ். ஆதரவாளர்கள் என்று சந்தேகப்படும் 3 பேரின் வீடுகளில் மாநகர போலீசார் நேற்று சோதனை நடத்தினார்கள். இதில் செல்போன்கள், சிம்கார்டுகள் உள்பட மின்னணு சாதனங்கள் பறிமுதல் செய்யப்பட்டன.
5. கோவையில் 2வது நாளாக 3 இடங்களில் என்.ஐ.ஏ. அதிகாரிகள் சோதனை
கோவையில் 2வது நாளாக 3 இடங்களில் என்.ஐ.ஏ. அதிகாரிகள் சோதனை நடத்தி வருகின்றனர்.

அதிகம் வாசிக்கப்பட்டவை