மாவட்ட செய்திகள்

வாக்காளர்களுக்கு நன்றி தெரிவிக்க சென்ற எம்.எல்.ஏ.வை வழிமறித்து வாக்குவாதத்தில் ஈடுபட்ட அ.தி.மு.க. பிரமுகர் + "||" + The MLA went to thank the voters AIADMK personality involved in the dispute were blocking the way

வாக்காளர்களுக்கு நன்றி தெரிவிக்க சென்ற எம்.எல்.ஏ.வை வழிமறித்து வாக்குவாதத்தில் ஈடுபட்ட அ.தி.மு.க. பிரமுகர்

வாக்காளர்களுக்கு நன்றி தெரிவிக்க சென்ற எம்.எல்.ஏ.வை வழிமறித்து வாக்குவாதத்தில் ஈடுபட்ட அ.தி.மு.க. பிரமுகர்
வாக்காளர்களுக்கு நன்றி தெரிவிக்க சென்ற நிலக்கோட்டை தொகுதி எம்.எல்.ஏ.வை வழிமறித்து வாக்குவாதத்தில் ஈடுபட்ட அ.தி.மு.க. பிரமுகர், மனைவியால் பரபரப்பு ஏற்பட்டது.

கொடைரோடு,

திண்டுக்கல் மாவட்டம் நிலக்கோட்டை சட்டமன்ற தொகுதி இடைத்தேர்தலில், அ.தி.மு.க. சார்பில் போட்டியிட்டு தேன்மொழி வெற்றி பெற்றார். இதனையடுத்து அவர் நிலக்கோட்டை தொகுதிக்கு உட்பட்ட இடங்களில் வாக்காளர்களுக்கு நன்றி தெரிவித்து வருகிறார். அதன்படி நேற்று முன்தினம் கொடைரோடு அருகே உள்ள ஊத்துப்பட்டி, மெட்டூர், காமலாபுரம், சக்கையநாயக்கனூர், சல்லிபட்டி, பூதிப்புரம் உட்பட பல ஊர்களுக்கு சென்று, வாக்காளர்களுக்கு தேன்மொழி எம்.எல்.ஏ. நன்றி தெரிவித்தார்.

அப்போது ஊத்துப்பட்டியில் பல மாதங்களாக குடிநீர் வினியோகம் செய்யவில்லை. இதனால் விலைக்கு குடிநீர் வாங்கி வருவதாகவும், குடிநீர் பிரச்சினையை தீர்க்க நடவடிக்கை எடுக்கவும் பொதுமக்கள் வலியுறுத்தினர். இதேபோல் மெட்டூரில் பகுதிநேர ரே‌ஷன்கடை, நான்கு வழிச்சாலையில் இருந்து இணைப்பு சாலை கேட்டு மக்கள் கோரிக்கை விடுத்தனர். இந்த கோரிக்கைகள் அனைத்தையும் நிறைவேற்ற நடவடிக்கை எடுப்பதாக தேன்மொழி எம்.எல்.ஏ. உறுதி அளித்தார்.

இதற்கிடையே கொடைரோடு அருகே அழகம்பட்டியில் நன்றி தெரிவிக்க சென்ற தேன்மொழி எம்.எல்.ஏ. வாகனத்தை, அ.தி.மு.க பிரமுகர் செல்வம் தனது மனைவியுடன் சேர்ந்து வழி மறித்தார். பின்னர் தேசிய ஊரக வேலை திட்டத்தில் வேலை பார்த்த தனது மனைவியை வேலையை விட்டு நிறுத்தி விட்டதாக கூறி வாக்குவாதத்தில் ஈடுபட்டார். இதையடுத்து அங்கு வந்த போலீசார், அவர்களை அப்புறப்படுத்தினர். அதன்பிறகு தேன்மொழி எம்.எல்.ஏ. அங்கிருந்து புறப்பட்டு சென்றார். இந்த சம்பவத்தால் அங்கு பரபரப்பு ஏற்பட்டது.


தொடர்புடைய செய்திகள்

1. அ.தி.மு.க. தொண்டர்களின் நாவில் தேன் தடவுகிறார்; மு.க.ஸ்டாலின் மீது அன்பழகன் தாக்கு
அ.தி.மு.க. தொண்டர்களின் நாவில் மு.க. ஸ்டாலின் தேன் தடவுகிறார் என்று அன்பழகன் எம். எல்.ஏ. கூறினார்.
2. யாரும் புறக்கணிக்கவில்லை: அ.தி.மு.க. தலைவர்களுடன்தான் வாக்குசேகரிக்கிறோம் - ரங்கசாமி விளக்கம்
எங்களை யாரும் புறக்கணிக்கவில்லை, அ.தி.மு.க. தலைவர்களுடன்தான் வாக்கு சேகரிக் கிறோம் என்று ரங்கசாமி கூறினார்.
3. அ.தி.மு.க. 48-வது ஆண்டு தொடக்க விழா : எடப்பாடி பழனிசாமி-ஓ.பன்னீர்செல்வம் பங்கேற்கிறார்கள்
அ.தி.மு.க. 48-வது ஆண்டு தொடக்க விழா 17-ந்தேதி கொண்டாடப்படுகிறது. இதில் எடப்பாடி பழனிசாமி-ஓ.பன்னீர்செல்வம் பங்கேற்கிறார்கள்.
4. அ.தி.மு.க.வுடன் கூட்டணி இருக்கிறதா என்பதை கட்சி மேலிடம் அறிவிக்கும் - பா.ஜனதா மாநில செய்தி தொடர்பாளர் பேட்டி
அ.தி.மு.க.வுடன் கூட்டணி இருக்கிறதா என்பதை கட்சி மேலிடம் அறிவிக்கும் என்று பா.ஜனதா மாநில செய்தி தொடர்பாளர் கூறினார்.
5. அ.தி.மு.க.வுடனான கூட்டணி தொடரும் - ஜி.கே.வாசன் பேட்டி
வருகிற தேர்தலிலும் அ.தி.மு.க.வுடனான கூட்டணி தொடரும் என மதுரையில் ஜி.கே.வாசன் கூறினார்.