தஞ்சையில் இருந்து நெல்லை, கன்னியாகுமரிக்கு 1,800 டன் புழுங்கல் அரிசி சரக்கு ரெயிலில் அனுப்பி வைக்கப்பட்டது

தஞ்சாவூர்,

தமிழகத்தின் நெற்களஞ்சியமாக ஒருங்கிணைந்த தஞ்சை மாவட்டம் விளங்கி வருகிறது. இங்கு குறுவை, சம்பா, தாளடி என 3 போகம் நெல் சாகுபடி நடைபெறும். இங்கு விளைவிக்கப்படும் நெல் தஞ்சை மாவட்டத்தில் உள்ள பல்வேறு அரிசி ஆலைகளுக்கு அரவைக்கு அனுப்பி வைக்கப்படும்.

மேலும் தஞ்சை மாவட்டத்தில் உள்ள நெல் சேமிப்புக்கிடங்குகளிலும் இருப்பு வைக்கப்படும். இது தவிர நெல் மூட்டைகள் திருவள்ளூர், சேலம், விழுப்புரம், நெல்லை, கோவை, திண்டுக்கல் உள்பட தமிழகத்தின் பல்வேறு மாவட்டங்களுக்கும் சரக்கு ரெயில் மற்றும் லாரிகள் மூலமும் அனுப்பி வைக்கப்படும்.

1,800 டன் புழுங்கல் அரிசி

அரவை முடிந்து அரிசி ஆலைகளில் இருந்து அரிசி மூட்டைகள் தஞ்சையில் உள்ள சேமிப்புக்கிடங்குகளில் கொண்டு வந்து இருப்பு வைக்கப்படும். சில நேரங்களில் அரிசியும் தஞ்சையில் இருந்து பல்வேறு மாவட்டங் களுக்கு அனுப்பி வைக்கப் படும்.

அதன்படி அரிசி மூட்டைகள் சேமிப்பு கிடங்குகளில் இருந்து லாரிகளில் ஏற்றப்பட்டு தஞ்சை ரெயில் நிலையத்துக்கு கொண்டுவரப்பட்டு 1,800 டன் புழுங்கல் அரிசி சரக்கு ரெயிலில் 42 வேகன் களில் அனுப்பி வைக்கப்பட்டன. இதில் 900 டன் அரிசி கன்னியாகுமரிக்கும், 900 டன் அரிசி நெல்லைக்கும் அனுப்பிவைக்கப்பட்டன.